للامانه ليست كلها يابانيه فهناك مكونات من العربيه ليست يابانيه بعضها هندى وبعضها مصرى ويتم تجميعها فى مصر لكن الاساس ومكونات العربيه الاساسيه يابانى
وهذا ليس عيب فهو يحدث فى كبرى الشركات من مرسيدس وحتى بى ام
موضوع تافه اخد اكبر من حجمه و انا مش هشارك فيه تانى
ده اسمه جدل عقيم
لو مش عاجباك الصنى عشان صينى و مبالغ فى سعرها ابقى هات عربية مفيهاش حاجة صينى ولا يكون سعرها مبالغ فيه و ابقى قابلنى لو جبت عربية اصلا
بس بلاش دور الناصح اﻷمين اللى خايف على المستهلك المصرى
شكرا
★★★★★اقتباس:
المشاركة الأصلية كتبت بواسطة edodahab
بصراحه موضوع خارج السياق وخارج عن العنوان وكله تحامل على النيسان برغم انه ينصب على كل الشركات والعربيات بلا استثناء وياريت يتم غلق الموضوع لعدم الفائده منه
المشكلة أن هذه السيارة اللى عاملة زى عضة الكلب من ورا عايز أعرف مين اللى صممها بهذا الشكل من الخلف الشاسيه هندى و باقى أجزاء الجسم هندى و الموتور صيني و التكييف و صيني و التابلوه صيني و الكاوتش صيني و الضفيرة كمان يعنى كلها صيني ماعدا الشاسيه و التجميع مصري هي دى الخلطة السحرية لأنتاج ههذه السيارة المعجزة صحيح أن كبريات الشركات بقت تصنع مواتيرها في الصين و لكن هناك فارق في الجودة في حاجة كمان مهمة جدا العربية دى بكام دلوقتى 135000 جنيه مقابل هذه الخلطة السحرية ياحلااااااااااااااااااااا ااااااااااااااااااااااااا وة و الله أنا عايز أعرف اللى يبرر لنفسه يدفع تحويشة العمر في هذه الخلطة السحرية عايز أعرف أيه مبرراته أيه اللى كان بيفكر فيه دفع فلوسها أزاى جاله قلب أزاى ده أحنا شعب و الله العظيم طيب أخر حاجة أكيد اللى فكر فيها قاللك دى ياباني و متجمعة في مصر طيب أدينى أمارة علامة نيسان اللى أدام و اللى ورا طيب ماأنت قدامك خلطات أحسن بكتير من كده و ممكن تزود عن كده شوية و تجيب حاجة أصلى بدون خلطات أنا متغاظ!!!!!!!!!!!!!!!!!!!!!!!!
ملحوظة
طبعا اللى حيتكلم في الموضوع و حيعلق عليه ملاك السيارة نيسان صنى و طبعا أول حاجة حيتكلموا فيها هي معاك أيه رينو لوجان ما أسخم من سيدى ألا ستى لكن وقتها كان تمنها 70000 جنيه يعنى تمن معقول بالمقارنة بمنافسيها و هي كانت أحسنهم يعنى أحسن الخلطات السحرية لكن أنا بأتكلم على السعر مقابل القيمة هنا الرينو تكسب و أنا أقسم بالله ما داخل علشان أقارن بين الرينو و النيسان أنا عارف أن النيسان ممكن تكون أعلى من اللوجان بكتير او بقليل مش موضوعنا الحاجة التانية معظم أصحاب النيسان 2014 اللى دخلوا يطلبوا من أدارة المنتدى غلق النقاش في الموضوع ده رغم أن حرية الرأي و التعبير مكفولة لكل أعضاء المنتدى و يوصفوا الموضوع بأنه تافه !!!!!!!!!!!!!!!!!!!!!!!
ايه لازمة الموضوع!!
الناس عرفه ان العربيه تقفيل مصري وعارفه ان التقفيل مهواش perfect
وعارفه ان سعرها 135
والناس بتشتري وعارفه
محدش بقي اهبل يا استاذي الفاضل
متفتكرش انك ضيفت جديد
بس موضوعك يبقي كويس فعلا لو اتكلمت علي اسعار العربيات دي ...مش ياباني 100% او مصري%
اولا حضرتك كلامك مش صحيح
لان الموتور يابانى متصنع فى الهند باشراف نيسان والفتيس يابانى بالكامل وبعض المكونات هندى ماعدا الكاوتش صينى
وبعدين التصميم اللى مش عاجبك ده موجود فى امريكا تحت اسم نيسان فيرسا والميرا فى اوروبا وموجوده كمان فى اليابان تحت اسم مش متذكره
بخصوص السعر السعر 114 ل ex و 124 ل سوبر صالون
ممكن حضرتك تجيب لى عربيه بنفس السعر لنفس الفئه والامكانيات ؟
انا لفيت ودورت اجيب حاجه بالسعر ده مالقتش ؟
فياريت بقى بلاش كلام مالوش فايده واللى مش عاجباه يجيب اللى على راحته ويريحنا من نصايحه
ياعم ابراهيم ماتردش عليهم سيبهم يتكلموا مع بعض .. انا اللى مستغربه ان فى ناس متغاظة بطريقة رهيبة
من العربية كأنها درتهم! يعنى ايه اللى ممكن يوصل بنى ادم طبيعى انه يبقى متغاظ من منظر ده من حتة صاج
على كاوتش!! انا بشوف حاجات فى المنتدى ده غريبة بصراحة وعامة على فكرة ال301 مش بتنزل فى فرنسا
اللى هى بلدها الاصلى المفروض! ومش بلف اقول البوقين دول فى المنتديات كلهم لأن انا بنى ادم سوى العربية
فى ناس بتحبها وناس لأ وكل واحد وله رأيه لكن ايه حب فرض الرأى بالعافية اللى بقة عند الناس ده! حاجة
هم والله
يا استاذ العربية كل من يمتلكها معجب بيها جدا وهية فعلا عربية ممتازه ومفيش عربية تخلي من العيوب وحضرتك بتتكلم عن الصيني طيب متشوف الصيني عامل كام زي التيجو وال الكوري زي الفيرنا والألنترا و الrb ولا عشان دول توكيلهم معروف وبعدين النيسان شركه عالميه وخدمه ما بعد البيع ممتازه عن اي شركات او مراكز صيانه اخري وبعدين مين اللي قال ان العربيه ب 135 العربيه لسه سعرها ف المعارض 114 والسوبر صالون 128