الموضوع: حتى لا تكون مخدوعا فهى ليست صناعة يابانية على الاطلاق

ياجماعه المشكله ان كدا هما بيعملونا كاننا لو مؤخذه.......... كدا بيلعبو باروحنا وسلامتنا يعني بيركبني عربيه ماتستاهلش المبلغ دا كله في حين ان المبلغ دا ممكن يركبني عربيه السفتي بتاعها عالي في اي بلد تانيه

اشكرك على صراحتك و اعترافك ان فيه مشكلة ظهرت و لو للبعض و مشكلة ليست بصغيرة لانها ليست فى احد الكمليات


اللى انا بتكلم فيه من ايام ان المنتج (لان اغلب مكوناته صيني) اصبح كالبطيخة (انت و حظك ) و اكيد الموضوع ده مش حترضاه لنفسك

(دا نفس الكلام اللى بيتقال على جيلي ايمجراند من ناحية الصدا اللى ظهر فى الابواب من جوا )( بس طبعا الكل عارف انها عربية صيني و متوقع منها مشاكل اكيد على عكس اللى بيشتري الصني و بيتصدم مع العلم ان جيلي(84000) من كلام ملاكها تفوق صني(117000) بمراحل من ناحية ثبات و فرامل و رغم انها صيني مفيش مشاكل لا فى طنابير و لا فى تيل و لا فى جنوط لا عجل ردئ و لا صاج ضعيف )



يبقى سعادتك بتقرا وتشوف اللى على مزاجك واللى يؤيد وجهة نظرك وبس .. !! :


http://www.nilemotors.net/Nile/3875127334-post1.html


انا قارنت الصني (المصنوعة بالكامل من مكومات صينية و يدعي الكاذبون انها ياباني ) بالجيلي (الصيني التى لا يدعي احد ان فيها مكنة ياباني او كذا الماني او كذا انجليزي ... الناس كانت صريحة فى انها 100% صيني
المشاكل اللى انت جايبها بتاعة الجيلي( اول دفعة تجميع محلي) ناتجة عن عيوب تجميع و تم معالجتها بالكامل من دهان و معالجة ضد الصدا و غيرها
على عكس صنى التى مازالت تتمتع بنظام فرامل وهمي يخليها ما يدفعش فيها 10 جنيه و عيوبها فى القطع الردئية المستخدمة

قارن مشاكل الاثنين حتلاقي الصني مشاكلها جوهرية
قارن اسعار قطع الغيار رغم ان الاثنين صيني
قارن عمر تيل و طنابير الاثنين الجيلي تتفوق


اى عربية ليها مشاكل فردية لكن احنا بنتكلم اكتر ان المكونات الصيني الرديئة (من اجل زيادة الربح) جعلت عوامل امان السيارة غير مستغلة بسبب عجل و تيل و طنابير رديئة جدا (استرخاص ليه فى عربية فوق ال 100)

ماحدش قال انه استرخص ..!! كل الحكاية انه من المفترض التيل القديم مناسب للاجواء والطرق فى مصر ومع التجربة العملية اتضح خطأ هذا التصور والتوكيل بكل امانة استدعى العربيات برقم الشاسيه اللى تم تركيب التيل لها حتى بدون ان يطلب اصحابها وطبعا تحمل التوكيل كل المصروفات .. يبقى ازاى استرخص !! .. وهى تويوتا اللى ب 200 ألف ماحصلش معاها الموضوع ده !! ماشفناش لحضرتك موضوع زى ده فى قسم تويوتا ليه بالمناسبة !!!

[COLOR="rgb(139, 0, 0)"]علشان تويوتا مازالت مكوناتها الرئيسية ياباني ..... مش زي الصني اللى ما فيهاش مسمار ياباني [/COLOR]


يا راجل انا لو بشتري عربية مستعملة لو لقيت الكوتش تعبان بنزل من ثمن العربية لان العربية من غير كوتش عدل تبقى قاتلة ....

مش شايف كلمة قاتلة دى واسعة شوية .. ماأحنا معانا العربية وعارفين عيب الكاوتش انه بيلم زلط بس ايه المشكلة يعنى ؟؟ وبعدين ماهو من ضمن اسباب ان العربية تمنها ماوصلش ل 125000 مثلا يبقى زى مانت قلت نزل من تمنها امال تقول ايه لما الريو تبقى ب 150000 .. !! ماشفناش لحضرتك موضوع زى ده فى قسم كيا ليه بالمناسبة !!!

[COLOR="rgb(139, 0, 0)"]موضوع الكوتش مشكلته مش لم زلط ...مشكلته انه بعد ما بيلم الزلط كفاءة التشبث بالطريق بتقل جدا جدا كانك مركب كوتش مستعمل نقشته منحولة

اما عن ان الموضوع قاتل .. دا مش كلامي دى احصائيات دولية و محلية .... ان رقم واحد فى حوادث السيارات الكوتش

الريو كوري و حتفضل كوري .... دا غير ان مشاكلها معروفة و اللى بيشتري بيشتري شكل و كماليات على عكس اللى جرى ورا الصني كان بيشتري اعتمادية و فوجئ بانعدام الاعتمادية [/COLOR]


بما ان الناس دافعة فوق ال100 الف التوكيل مش قادر يقدر المواطن اللى بيدفع ... عيب جدا ان عربية ليها تاريخ يكون اخرتها على الطريق بسبب كوتش صيني رخيص .
بالنسبة للتوكيل والجشع فكل التوكيلات فى مصر كدة فكر بعقلانية شوية لأن الموضوع بقة بزيادة اوى!
فعلا كل التوكيلات بتبالغ لكن توكيل صني عدى كل خطوط المعقول بمراحل و حكياة مش بس جشع توكيل لا دا كمان مش بيقدر فى حكاية الكوتش و الطنابير و التيل . التوكيل ممكن يزود ثمن العربية بس مش يديني عربية بكوتش سئ يموت الواحد على الطرقي فى شوية مطر


حلو الكلام ... مواطن .. وناس دافعة .. ياباشا انت مش متابع معانا اسعار العربيات فى مصر واللا ايه بالظبط ؟؟ ال 100000 الف دى فئة شعبية عايز تاحد بيهم ايه BMW !!! وحياتك بلاش الكلام التخين ده ..
[COLOR="rgb(139, 0, 0)"]ما حدش جاب سيرة بي ام فى الموضوع

خطوط المعقول ومراحل أيه !! وكاوتش يموت على الطريق أيه !! .. تصدق بالله انا تعمدت اخلى السمكرى يسوق العربية فى مشوار زى الزفت وسفر وقلتله سوق علشان انت عارف الطريق لأنه كان بيسمع من ولاد حلال زى حضرتك ان العربية دى زبالة .. نزل من العربية مش مصدق وقالى هو ليه الناس بتفترى على العربية دى ؟؟ ربنا يباركلك فيها ويحفظهالك !! والله العظيم ده حصل وربنا يحاسبنى على كلامى .. القصد بلاش ننقد لمجرد النقد وخليك واقعى .. تحياتى لحضرتك
[/COLOR]

[COLOR="rgb(139, 0, 0)"]ماحدش قال على العربية دى زبالة غيرك ... انا ما قولتش

هو السمكري ممكن يقيم اداء سيارة زيرو ؟!!!!!!

ماحدش بيفتري على العربية .... احنا هنا فى المنتدي بنتناقل الخبرات ليس اكثر او اقل .... كل الكلام المكتوب واقع حصل و بيحصل .... فمفيش افترى

ربنا يبارك لك فى عربيتك ..... وربنا يديك كل خيرها و يبعد عنك اى شر منها.... و يفتح عليك و يكون عندك بدل الصنى .... 100 صنى يارب


تحياتى لحضرتك ..... دا مش مجرد نقد ..... دا تناقل خبرات لتعم الفائدة على الكل[/COLOR]

المشاركة الأصلية كتبت بواسطة saint2011

بصراحة موضوع طويل عريض عشان ايه حضرتك قصدك ايه من الموضوع ده عايز تثبت ايه العربية عاملة أكبر مبيعات فى مصر وكل العربيات فى السوق مش متصنعة فى بلادها
1- الفلوانس متصنعة فى تركيا
2-الكورولا متصنعة فى تركيا
3- الهوندا تصنيع تايلاند
4-الأوبل متصنعة فى بولندا
5-المرسيدس بتتجمع فى مصر

أللى مش عاجبة النيوصنى يركب مرسيدس او بى أم او فولفو ولا تزعل نفسك وتضيع وقتك ومجهودك فى موضوع ذى ده

ياجماعه كلام صاحب المشاركه منطقي ليه اسعار العربيات غاليه كده عن مثيلتها بره وعاوز اضيف حاجه كمان احنا بنتناقش مش عشان نزعل كل واحد يقول رايه وعاوز اضيف كمان ان اسعار الوكلاء فى الصيانه وقطع الغيار فى مصر اسعارهم مبالغ فيها قوى قوى قوى ونفسي حد يعترض على كلامى ده ويقولى لا لو الاسعار كويسه كانت كل الناس صلحت فى التوكيل ومارحتش بره يعنى الاسعار المعقوله مطلوبه برده لتشجيع التوكيلات وافاده العملاء وشكرا لكم اخيرا