شكرار لمرورك
على فكرة أنا أسف لأانى أتكلمت بما أشعر به و في أخ فاضل قال ماينفعش أنى أه يخش في منتدى الرينو ويكره الناس في العربية , أنا بأعتذر عن مشاركتى في هذا الموضوع و بكرر أسفى أنا كل اللى قلته واللى عبرت عنه هو كل ما يدور بينى و بين نفسى يعنى همسات و ماحدش يزعل منى يا جماعة ماشى أحنا كلنا أخوة في منتدى محترم بس على فكرة الواحد والله أستفاد من المناقشة دى و ده كان الهدف وشكر و بأكرر تانى ماحدش يزعل منى أنا و الله ماقصدت حاجة وحشة
ده رائي د.عماد فى سعر الاوبترا و انا متفق معاه فى كل كلمة
هو الموضوع قايم على لما ندى حاجة اكبر من حجمها بيؤثر فى السوق كله و بناء على العرض و الطلب اذا كانت الشركة اللى بتبيع فى السنة 1000 عربية مزودة فى العربية 20000 يبقى اللى بيبيع فى السنة 2000 مش حيزود (مثلا) (لما واحد يبالغ و يلاقي زبون يبقى اللى جنبه لو مبالغش زيه حيتقال عليه عبيط بس للاسف فيه اللى بيبالغ بفجر)
قلنا كذا مرة اغلب السوق فى مبالغات و لكن الصني كسرت حاجز اللا معقول.
ياسيدي الفاضل عاوز كلام بأدله صح !! يعني ايه موتور تكنولوجي ياباني تصنيع هندي وممكن صيني دي ؟؟ يعني حضرتك بتقول اي حاجه وخلاص .. طب ياسيدي وممكن موزمبيقي كمان
واساسا اللي عندنا مش بتنزل ب جيربوكس cvt
المشكله ان الكلام مرسل بلادليل
طب اذا كان موتور الصني n17 كان بينزل في :
التيدا - نيسان وينج روود - نيسان نوت - نيسان كيوب - نيسان بلوبيرد سيلفي - نيسان جراند ليفينا- نيسان جيوك يبقى ده موتور ايه ؟ وهل ده بتاع نيسان ولا بتاع حزب الخضر ؟؟!!
يعني النقاش يكون بحقائق ولما ننتقد حاجه ننتقد صح .. يعني حضرتك جي تعدل على شركه غزت العالم ومصانعها في كل مكان وتحدد كمان ان هما اتخلوا عن عربيه ومبقووش ينتجوها عشان عفا عليها الزمن !!! طيب بتتباع في السوق الياباني ليه ؟؟ بيغلسوا على اليابانيين مثلا ؟؟
العربيه دي ناجحه عالميا وكل الرفيوهات الصادقه الموضوعيه المبنيه على فهم بالسياره وفئتها وحط تحت فئتها مليون خط بتقول انها متميزه سعرا وموضوعا .. اهم حاجه انت متطلباتك ايه وفلوسك قد ايه .. مش اكتر من كده
واخيرا ياسيدي النيسان وحشه وبتاكل صاحبها على فكره ومبالغ في سعرها وياريت متشتريهاش غير لما مصنع اليابان ينتجهالك بسعر حضرتك تبقى راضي عنه
هههههههههههههه
الاخ mif
بيقول فتيس cvt طب ايه رأيك بقى ان فتيس الصنى مش cvt
عرفت بقى ان حضرتك عاوز تكرهه الناس فى العربيه وخلاص
وبرده تلف تلف وتقول السعر مبالغ فيه
ياراجل لما تبقى الاوبترا اللى تعتبر فاضيه بدون ابى اس ولا ايرباج ولا حساسات ولا اى حاجه حديثه ب 117 الف جاى تعترض على اللى فيها كل ده وبسعر اقل وتقول مبالغ فيه ؟
ايه المنطق العجيب ده
وترجع تقول ممكن تجيب احسن بالسعر ده بس الناس اذواق
يااخى عايز تفهمنا ان كل ملاك الصنى ماعندهمش ذوق فى الاختيار وبيرموا فى فلوسهما فى عربيات غاليه عفى عليها الزمن فى منشئها رغم انها انتشرت فى كل دول العالم حتى امريكا واوروبا وبسعر منافس
طيب كده بالعقل يعنى اصدق مين اصدق كلامك اللى بلا اى دليل ولا منطق ولا اصدق نفسى والشارع والعربيات اللى انتشرت بصوره رهيبه فى كل حته
خلاص ياعم الصنى دى عربيه زباله وغاليه ووحشه ومش يابانى ياعم وبتتجمع فى كولالامبور مش مصر كمان بس اصحابها عاجباهم ممكن بقى تريحنا شويه من الزن على الودان ده
فيه مثل مصرى بيقول الزن على الودان اكثر من السحر
وبهذا الاسلوب حضرتك هتكرهه الناس فى عربياتهم حتى لو مقتنعين بيها مش علشان هى وحشه لا علشان حضرتك بتحاول تخليهم كانهم مش بيفهموا ولا يعقلوا وحضراتكم بس اللى فاهمين
قبل ماخلص بس كلامى احب اقول لحضرتك انا شخصيا مقتنع بالعربيه مش هقول لك بنسبه 100 % علشان اكون صادق لا بنسبه 90% و 10 % الشكل والصاج مش عاجبنى
لكن بصفه عامه العربيه فى مجملها وبالسعر تعتبر ممتازه ومش ندمان انى جبتها لانى لفيت لما تعتبت وعملت مقارنات وحجزت اكثر من عربيه وفى كل مره ارجع فيها لغايه لما ربنا هدانى فى الاستخاره للنيو صنى والخيره فى مااختاره الله
فياريت بقى ترحمونا من الموضوع الحمضان ده وكل واحد يشوف مشاكله احسن
مثال بسيط لتوكيل مستغل بطريقة بشعة
هو دا المعنى العملي لكلمة low quality اللى بيزعل منها ملاكها و عدم اقتناعهم باستغلال توكيل مستهتر
يا جماعة دى لو صنى اتوماتيك موديل 96 و ماشية 300000كم مش حيحصل معاها كدا ابدا لان الماركة و التكنولوجيا و المصنع واحد لكن اليوم المصنع صيني و فى قطعة بجنيه و ب10 و ب100 مش مهم التوكيل يركب انهى واحدة المهم يبيع بهامش ربح طبيعي مش يجيب قطعة بجنيه و يبعها على اساس انها ب100 عيب جدا.
حاجة بسيطة بس مستفزة جدا . اعتقد ان فى سيارات موديلات ثمانينات و تسعينات و حكاية دى ما بتحصلش من يوم مل لمست الارض الى اليوم
ماعتقدش انه عيب تقفيل و اتمنى انه يكون كده
هههههههههههههههههههههه كنت متاكد ان فيه حد هيستغل العيوب دى ويقطع تانى فى العربيه
كل عربيه وليها مشاكل وعيوب صناعه بتظهر فى كل العربيات مش الصنى بس
لكن لو عايز يكون كلامك مقنع شوف كام عربيه فى مصر وكام واحده اللى ظهر فيها العيب هتطلع النسبه كام ؟
مش علشان عربيه واحده ظهر فيها عيب من الاف العربيات يبقى العربيه فاشله
هههههههههههههههههه والله وانا يا ابراهيم كنت متأكد برده .. احلى حاجة فى صاحب الموضوع انه مركز
بس مع نيسان بقولك ايه ما تضرب طالعة كدة لبيجو وشوف بعض المواضيع عشان تعرف ان اى نوع عربيات
بينزل وفى بعض العربيات بتنزل بعيوب صناعة وبتبقى بشكل فردى وده طبيعى جدا! انا حاسس ان حد شغال
فى نيسان قاتلك قتيل! طب هات مشاكل فردية لعربيات تانية عشان ماتفقدش مصداقيتك حتى!!
ربنا يشفيك
انت محسسنى ان صنى دى حماتك
عيب الفتيس اتصلح فى 2014 والمشكلة مابقتش عامة حتى لو ظهرت عند حد فهى عند الاغلبية مش موجوده
وده معناه ان المشكلة فردية! روح برده شوف المشاكل الفردية لكل العربيات ... الطنابير مشكلتها بتيجى مع
التيل .. بالنسبة للكاوتش فده ممكن يكون نقطة تحسب عليهم فعلا بس عادى يعنى مش عيب جوهرى فى
العربية ممكن يتغير!! بالنسبة للتوكيل والجشع فكل التوكيلات فى مصر كدة فكر بعقلانية شوية لأن الموضوع
بقة بزيادة اوى!
استاذ mif
حضرتك ياافندم اللى انا ملاحظه انك مركز قوى على نيسان وبتحملها كل مشاكل السيارات فى مصر وكل اخطاء الوكلاء فى مصر بلا استثناء وكان وكيل نيسان فى مصر هو اللى مسؤل عن كل اخطاء وجشع الاسعار فى مصر
انا اتفق معك ان فيه جشع فى مصر
واتفق معك ان فيه استهتار فى مصر ولامبالاه
واتفق معك ان فيه ايضا عيوب تقفيل وصناعه
ولكن حتى نكون صادقين
هل هذا الكلام فى نيسان فقط ؟ ام انه فى كل الشركات ؟
ياريت تكون الاجابه بامانه شديده
اذا كنت تريد اصلاح الخلل فلا بد من ان تكون الحمله موجهه للجميع بلا استثناء وليس نيسان فى مصر فقط لان الكل والجميع مفترض انه يفعل ذلك
انا لست ضد انك تمسك العربيه وتطلع عيوبها بالعكس دا شئ مايزعلنيش ابدا لكن برده مايبقاش التركيز عليها هى بس وتحميلها عيوب فوق طاقتها وكان العيوب لاتوجد الا فيها فقط وباقى السيارات خاليه من العيوب
انا على فكره حتى الان لم يصادفنى اى مشكله او عيب مما تتحدث عنه لكن تاكد لو حدث ذلك وصادفت اى مشكله فسوف اذكرها هنا من باب الامانه
وكلمه اخيره احب اقولها لحضرتك انا فى الطبيعه بلاقى العربيه منتشره بصوره رهيبه حتى انى فى الشارع اكثر من واحد وانا واقف فضل يسالنى عليها وعرفت انه حاجزها
حتى زمايلى فى الشغل قاموا بحجزها
السياره عامله انتشار رهيب فى مصر ودا اكبر دليل على الاقبال الكبير عليها بصراحه ماشفتش حد بيذم فيها الا فى المنتدى فقط لكن عايز تحكم عليها شوفها على الطبيعه
انا لااقول انها سياره مفيش زيها او انها لاسمح الله بقارنها بالبى ام او المرسيدس لا بالعكس فرحم الله عبدا عرف قدر نفسه
لكنها خيار ممتاز وجيد فى فئتها السعريه ومن حيث الامان والكماليات فى ظل جشع تجار وشركات السيارات فى مصر
انا شايف انها حتى لو فيها مشاكل برضه مقدور عليها
نعم بالفعل
شوفوا البى ام مثلا
http://www.nilemotors.net/Nile/409104-a.html
أي هري في أي حتة ...... و من الآخر لو كانت بالسوء ديه سواء القديمة ولا الجديدة مكانتش باعت
وانك تجيب مشاكل الناس في العربية وتسيح بها علي اساس ان العربية فاشلة .... مكانتش باعت
ولو كل واحد مشتراش عربية علشان مش بتتقفل في بلدها ..... يبقي متشتريش
هو أكل ولا بحلقة ؟؟؟
انت ليك كواليتي وضمان و خدمة ما بعد البيع
ولو وقفت علي راسك مش هتلاقي زي توكيل نيسان .
اه في جشع في البلد بنت ^%^$% ... مش علشان البلد اصلا ... علشان الشعب المحترم ده اللي بيدفع 10-25 الف اوفر برايس في عربية علشان يستلمها بدري
متقوليش بقي العربية اغلي من سعرها
غبور نفسه كان بيرفع سعر العربية بال10 بواكي و انت طالع .... و كعادة الشعب المحترم يأتي علي الاخضر واليابس خوفا من المجاعة !!
يجري علي غبور ويجز العربية بالشهووووور و لو غليت 10 بواكي كمان ... معندوش مشكلة ؟!!
الصني وعلي يدي يوم ما ضربها الدم و اللانسر ضربت في العالي كانت بتغلي من 1000 -3000 جنيه علشان العرض والطلب وفي هوجة الدولار رفعت ال30 % زي باقي العربيات
ده كتير طبعا علشان 40% بس مستورد .....
الشاهد .... شوف العربية اللي بتيجي من بلدها بكام واللي في مصر بكام ...... بفرق الكواليتي وكل حاجة
انت عايز تركب عربية ب200 الف وانا مش معايا الا 100 الف
اولع انا بقي ؟؟ ..... ولا اركب عربية اساسها محترم و فيها عيوب مش قاتلة يعني علي الاقل بتنزل بأيرباج واحد مش زي عربيات ب150 الف ومفيهاش ايرباج للسواق حتي ؟؟
موضوعك مأضفش أي جديد ... بالعكس مالوش لازمة و بياخد وقت علي الفاضي في القراءة وقلة الإفادة
لو قلبك علي الناس اللي بتشتري الصني
1- هات لهم بدائل بنفس السعر و نفي المميزات
2- ساعدهم يوصلوا صوتهم لحماية المستهلك
3- ساعدهم يوصلوا صوتهم لنيسان
وغيرك قبلك عمل كده كتير (اللي هو انا و تيم نيسان و لاعضاء القدامي) ومش عايز احبطك بس مش هاتقدر تعمل 10% حتي من اللي عملناه
وي الاخر هايطلع ناس مخترمين شككوا في مجهودك و خدمتك للي انت عايز تقدمها.
بشكرك فعلا علي الموضوع ده .. اول مشاركة ليا من سنة تقريبا . وجت فيك معلش :))
تحياتي ^_^
عتابي الوحيد
انك المفروض متحطش نفسك او الفريق اللي كنت بتنتمي اليه في مقارنه
لانك المفروض كنتم بتعملوا كده لوجه الله
وكان لكم ايجابيات وكان بردك ليكم سلبيات لان الكمال لله وحده
بغض النظر عن الموضوع
انا شايف ان فيه كلام يثمن فيه ونقد ممكن يتحول الي بناء ويخدم الاعضاء
كون انك مش عاجبك الموضوع يا حسين وبتقول انه ضياع للوقت والمجهود ده رايك انت
مكنتش كلفت نفسك عناء الرد عليه
معيار اللي انت استندت عليه بتاع بيع العربيه طبعا انت عارف انه معيار واهي لا يستند اليه في تحدي جوده وكفائه سلعه .
انت عارف ارباح نيسان مصر السنه اللي فاتت كانت كام
600 مليون جنيه
عارف الارباح ديه سببها ايه
اللي هيا اعلي من اعلي متوسط ربحيه لاي سلعه
ممكن تقسم عدد العربيات المباعه علي الربحيه وتشوف مكسبهم فيها كام
حتلاقي مبالغه فاحشه في سعر العربيه لا علاقه لها بالتكلفه
ساهم في كده ايه
التضلييييييييييييييييييل اللي بيمارسه ناس كتير والتضخيم في الدعايه الايجابيه لنيسان
بدون وجه حق
اي المشكله ان حد يوجه نقد حتي لو كان غير موضوعي
عادي
طيب عادي
تحياتي
سبحان الملك .... يبقي متحددش نيسان اصلا مقارنة بغبور ولا منصور اللي بيجيبوا فلوس من الهوا و بيبعوا عربيات بسعر الصني السوبر صالون مثلا بكماليتها و ووسائل امانها و قطع غيارها و بنفس السعر ....... لو نفس الربح الخيالي اللي بتتكلم بيه
انا معنديش مشكلة لان الناس ديه ليها مقياس ماشية عليه .... فيه بني ادم هايركب العربية
مش عربية بماتور و4 ازاز كهربا ونزلها ب130 ولا 140 الف و علشان كوري ومن غير اي وسائل امان اصلا وتقولي استغلاااااااااااااال وتضليل
طيب ارباح هيونداي وكيا و شيفروليه كام مقارنة بيسان ؟؟؟ ....... طيب هيونداي فقط ؟!!
---------------------------------------
واسف موضوع ايه اللي ارد عليه ........ هو الموضوع لو كان استفسار ولا الراجل عايز يشتكي ولا عنده مشكله ولا حاجة كنت رديت
لكن لا هو مالك العربية ولا عنده اصلا ..... هو مش عاجبه العربية
طيب اهلا وسهلا
انت داخل مش عاجبني العربية علشان كذا وكذا .... يبقي تاخد تصرف ايجابي زي ما قلت و تتحرك وتصلحة
زي ما روحنا وقعدنا مع الناس في المصنع و اديناهم تقارررررير بعيوب الصني كلها الشكل الي كانت معانا وكنا بنتابع معاهم اول بأول
ده تصرف ايجتابي
لكن ميجيش في قسم ملاك العربية ووناس دافعين دم قلبهم في عربية و يرصلهم صف العيووووب ديه كلها
اللي هي اصلا عيوب فرديه عدا مشكلة الفرامل والطنابير واتحلت من الدفع لجديدة
غير كده مشاكل فردية للتقفيل المحلي حتي لو هندي ياعم ولا مصري بالكامل
ما الناس رايحة تشتري الf5 و البريلسانس و العربيات معدية ال120 وال130 الف ....... ايه المشكلة بقي
عربية زي السوبر صالون لما تنزل باالكماليات ديه كلها ب120 الف في حين ان الاوبترا الشكل القديم ولا الاربي 115 ولا 126 الف
و4 ازار كهربا وماترو فقطططط ..... ايه بقي ؟؟
علشان تقفيل كوري ؟؟ ..... يكفيني فقط ان واحد من اصدقائي بيكره الصني خلقة و مبيطقش امها
ولما ربنا قدرله انه يبيع عربيته و يدور علي زيرو ملاقاش غير الصني السوبر صالون وراح وشافها وقالي مش سيئة زي ما الناس في المنتدي بتقول و تهري
و كله كان بالسمع ..... !!!
انا مدخلتش الفريق علشان اقول كنا بنسوي ولا بنعمل ....... و اكيد انا اخر واحد اعمل كده يعني انا مقعدتش يوم ولا شهر ولا سنة في هنا علشان اعمل كده
انا بقول بالرغم من احنا كنا بنعمل كده و بناخد الخطوات ديه ... اعتقد هتاخد وقت ومجهود من حد كبييييير جدا علشان يبدأ فيه تاني ... طلع ناس وانتقدوا الوضع باسلوب مستفز والموضوع خرج من كونه نقاش لاتهامات وكلام كتير مش مجال لذكره
الشاهد ان فيه حد بيسعي انه يصلح .. مش أكتر
انا قلت قبل كده الموضوع قديم و قتل بحثا و غير بناء وةملوش تلاتين لازمة
اﻷخ اللى محروق اوى من العربية دى ميجيبهاش و سيب الناس تجيبها لو عاجباها كل واحد حر
بس متقطمنش ناس دافعة دم قلبها فى عربية و متحسسناش انك انت الوحيد اللى بتفهم و كل ملاك العربية بهايم
اخيرا بقة ايه العربية اللى ممكن سيادتك تتكرم و تجيبها و متكونش صينى ولا فيها عيوب و لا مشاكل و فيها كل امكانيات الصنى و معاها توكيل محترم و يكون سعرها 110 الف بس
اتحداك انك تقول اختيار محترم واحد بالسعر ده
و بلاش بقى رغى كتير ملوش تلاتين لازمة
أنا شايف ان فى ناس كتير متحاملين على الراجل ، ما كل واحد حر فى وجهة نظره يا جماعة ، و زى ما تفضلتم و قلتم للراجل لو مش عاجباك العربية ما تشتريهاش ، برضه اللى مش عاجبه عنوان الموضوع ما يقراهوش و لو قراه و معجبوش ميضيعش وقته فى الرد على كلام مش عاجبه ، كل واحد من اللى جابو العربية جابها بعد دراسة و حط فيها شقى عمره ، و الكلام السلبى عنها مش هينقصله منها حتة ، و الكلام الايجابى عنها مش هيخفى عيوبها بسبب التقفيل المصرى من ناحية و قلة جودة بعض القطع المستخدمة من ناحية أخرى ، و عموماً اللى جاب العربية و مريحاه ربنا يباركله و اللى مش مريحاه ربنا يعينه ، و اللى فاكر انه بيدافع عن سمعة العربية عن طريق مهاجمة كل من ينتقدها ظناً منه ان بيحمى سوقها و بيساهم فى انتشارها عشان النفع يعود عليه من رخص قطع غيار و سهولة بيع يبقى لا مؤاخذة ساااااااذج لأبعد الحدود ، عشان فى عوامل كتيييير جداً بتحكم سوق العربيات فى مصر ، فا اللى واخد الموضوع على صدره أوى و خايف على سمعة العربية يطمن ، لو العربية تناسب الاحتياجات المصرية مع السعر المناسب بدون عيوب جوهرية يبقى هتنتشر و يفضل خط انتاجها شغال سنين مهما اتقال عليها فى المنتدى ، و لو العكس حصل يبقى هتفشل و مبيعاتها هتقل لحد ما نيسان تبطل تجمعها حتى لو كل اللى على المنتدى نفخوا صدرهم و هاتك يا مدح فى العربية و يا شتيمة فى اللى يقول عليها نص كلمة...
ماتتسرعش فى الحكم ، لسة الأيام هيا اللى هتثبت ده يا باشا ، ياما عربيات كانت very promising أول ما نزلت و باعت كتير على حس نجاح أجيال سابقة ليها و بعد كده سوقها ضعف و أحياناً وقف ، يا اما بسبب اكتشاف عيوب جوهرية فيها أو اهمال الوكيل للصيانة و خدمة ما بعد البيع و الدعاية المستمرة للعربية ، و فى أمثلة للعكس زى فى حالة اللوجان مثلاً ، محدش كان معبرها و الناس بتاعة الموروث القديم قالت دى فرنساوى معقدة و الناس اللى فاهمة عربيات أوى قالك دى رومانى لا تستحق علامة رينو (و ليهم بعض الحق فى كده و رأيهم يحترم نظراً لمعرفتهم بالمستوى الحقيقى للعربيات الأوروبى الفعلية ، اللوجان كده كده فئة اقتصادية جداً) و بالرغم من ده كله العربية انتشرت كويس جداً و بقى ليها زبونها ، و لك مثال أخر فى العربيات الصينى خصوصاً الاسبرانزا....السوق المصرى معاييره غير أى سوق تانى و بكره نشوف الصنى الجديدة هتاخد أنهى سكة....
مع احترامى لكلام حضرتك ومع انى شايف ان من حقك تنتقد براحتك
بس ليه حضرتك بتتكلم عن نيسان او النيو صنى تحديدا وكانها لسه عربيه مجهوله بدون تاريخ لسه نازله مصر وياعالم هتنفع ولا لا ونسيت حضرتك انها اعرق شركه يابانيه فى صناعه السيارات وتكنولوجيا السيارات
محسسنى انى شارى عربيه صينى ويمكن حتى خليت الصينى له تاريخ عنها
بصراحه منطق عجيب جدا
انا شايف بقى العكس وانا بصراحه لم اعد يهمنى اراء المنتدى لانى بحس انهم فى عالم تانى غير الطبيعه
من كام سنه بس كانت النيسان مالهاش سوق فى مصر مش علشان هى وحشه لا لان السوق المصرى ليه معايير مختله بيحتل صدارته العربيه البياعه حتى لو وحشه لكن بصراحه تغير الوضع الان وشايف بنفسى ان الناس ابتدت تفهم وابتدت تغير من سلوكها وماعدش حد دلوقت ماشى على القاعده دى وابتدت انواع كثير جدا تنتشر فى مصر حتى رغم انها ليس لها تاريخ او سوابق
انا شايف دلوقت ان الناس ابتدت تتجه لنيسان اكثر وابتدت الغشاوه اللى على عينيهم تتشال وتشوفها على الطبيعه وانا من الناس دى ماكنتش افكر فى يوم انى اجيبها ومع ذلك جبتها
انا مش بقول انها مافيش زيها لا انا بقول انها مش واخده حقها زى عربيات تانيه اقل منها ولكن بصراحه دلوقت ابتدت الناس تقبل عليها وبقى ليها فى السوق سعر انا كنت رايح اشترى واحده مستعمله لقيت اسعارها نار فقررت انى اجيب زيرو لان الفرق كان بينها وبين الزيرو قليل
عربيه بالسعر ده وبالامكانيات دى جديره انها تقتنى حتى لو كان فيها عيوب فكل العربيات لاتخلوا من العيوب فى ظل سوق وفى ظل اسعار جنونيه وجشع مستورد وتاجر
برغم كل عيوب نيسان اللى شايفها الناس لكن تظل صفقه رابحه فى وسط اقرانها
يعني حتى الموتور والفتيس طلعتوه صيني!!!!!!!!!!
نصيحه عامه
قبل ما اي حد يشتري اي عربيه سواءا جديده او مستعمله
يعمل الاتي :
هل العربيه للاستخدام العائلي او الشخصي
نمط الاستخدام يومي او عند الاحتياج
مكان ركنه العربيه جراج ولا في الشارع
نمط القياده يعني رياضي ويهمك الاداء والثبات في المقام الأول
ولا قيادتك هاديه وبتبحث عن النعومه والعزل
نوعيه الطرق اللي بتستخدم العربيه فيها ، هل ارتفاع العربيه مهم ، هل العزم مطلوب هل مطلوب عفشه رياضيه
تكاليف التشغيل وقرب مراكز الصيانه والاصلاح من نطاق سكنك وعملك
الميزانيه المقترحه ايه والمبلغ الشهري المقدر للتشغيل كام
ده مبدئيا لازم تجاوب الاسئله ديه قبل الاختيار بين البدائل في السوق
تحياتي
على فكره انا معايا نيسان صني 2011 الشكل القديم معظم اجزاء السياره made in japan حتى حزام الامان و الاجزاء اللي بقدر اشوفها الفوانيس كل حاجه جوه الكبوت ممكن الكاسيت و السمعات كينوود و جولدي غير كده باقي السياره يباني ممكن اصور اجزاء السياره كمان
ياافندم انا مش بهاجم حضرتك واقتباسى لكلامك مش معناه انى بوجه لحضرتك تحديدا الرد انما انا اقتبسته فقط للرد على جزء منه
نعم انت لم تذكر نيسان لكن الموضوع اصلا عليها
انا لايعنينى نيسان ولا العربيه ومش بنعمل دعايه ليها بالعكس لو وحشه هااقول وحشه
الموضوع وما فيه ان الناس بتهاجم الشكل الجديد وكانه من شركه تانيه خالص غير نيسان محصلش الصينى حتى هى دى القضيه
قد يكون فيه عيوب تقفيل ومشاكل لاانكر ذلك رغم انى لم اجد منها معى شئ
لكن وجدت مع البعض اعترف بذلك لكن اعتقد انها مشكلات فرديه بتحصل فى اى عربيه ومش معنى انها فى عربيه يبقى نعممها
طيب نيجى بقى لخلاصه الكلام على راى المثل ايه اللى رماك على المر ؟ قالوا اللى امر منه
على فرض صحه المثل ده هو احنا كنا لقينا حاجه بنت حلال وكويسه بالسعر ده ؟
اعتقد مفيش
طيب فيه مثل بيقول كثر الزن على الودان اكثر من السحر
فلما كل يوم والثانى الاقى ناس بتقطع فى العربيه عموما رغم انى مش ملاحظ سبب لكده اكيد ده بياثر على الناس اللى عندها العربيه بالسلب حتى لو تاثير نفسى واعتقد ان فيه ناس حصل معاها كده انا لست منهم الحمد لله لكن هذا لايمنع ان واحد يكره العربيه بسبب الكلام ده
وربنا يهدينى ياسيدى هى الهدايه وحشه
شكرا على كلامك و فعلا كلامك طمنى اكتر ان الصنى مبيعاتها مش هتقل عشان زى منتا قلت الصنى لا فيها عيوب جوهرية و لا الوكيل و خدمة بعد البيع وحشة و ده يخلى مبيعات العربية ممتازه
و لو حضرتك سألت فى العالم الحقيقى مش عالم الخيال بتاع المنتدى هتلاقى تأكيدا لكلام حضرتك ان مبيعات العربية فى ازدياد الحمد لله
شكرا لكلام حضرتك اللى طمنى اكتر و اكتر
و متلش سؤال بس لحضرتك بما ان الصنى ............................................... لو معاك 110 الف و عايز تجيب عربية زيرو هتجيب ايه
............................................
إنذار ووقف اسبوع لمخالفه القاعده رقم (12) من قواعد المنتدى
يرجى مراعاه الاداب العامه
ومراجعه قواعد المنتدى
م.ع 6
11/03/2014
9:16 am
كنت متأكد انك هتقول كده
سهل اوى تنقد لكن صعب اوى تقول كلام مفيد او اختيارات
الشجرة المثمرة