مشكله يصعب حلها

**cyborg_ift** · 13-02-2014 08:34 AM

للتوضيح ليس للأب الحق في التفريق بيني وبين أخي في حياته خاصتاً ان التفريق تم في أمور يمكن الحياد عنها فبتفكير بسيط من سيادتكم وبمقارنه بسيطه فيما اهم سجن أحد الابناء ام شراء سياره للأخر ... الحق بين والظلم بين وهنك الكثير الكثير ولولا خوفي على والدي من العذاب لما كنت سامحته ابدا

اجبتم عن اصل الموضوع ولم تشيروني ي موضوع التوكيل الذي يريدني ان اوثقه له

**nodey** · 13-02-2014 08:37 AM

بسم الله الرحمن الرحيم
اخي الفاضل احس بما تحسبه من ظلم بين لكن اعلم ان الله هو الرازق وليس الاهل
فأنا اعرف صديق لي مقرب جدا حكي لي حكاية مشابهة لحكايتك ان اخوه بيفضله عليه وكلام من ده حتي انهم صرفوا علي اخوه حتي يدخل الجيش ضابط مبالغ وهو يا ولاده كان عمل حادث قديم من صغره وسايب اعاقة في رجله اليسري وع ذلك كافح ووصل الي مرتبة كويسه وسافر لبدلد ربي وكون نفسه واتجوز من فلاسه وكمان ربنا كرمه بذرية
بس للاسف اخوه طلع سنه بره مصر تبع الجيس نزل ومعاه مبلغ نصف ميلون جنيه قامت الدنيا وما ن ساعتها رفعوا علي صاحبي المعوق قضايا نققه وحجز علي بيته ومره جابوه له شهر سجن عشان متأخر النفقه وللاسف الي الان القضايا شغالة وشهريا لهم 500 جنيه منه عن طريق المحكمة وهو يا عيني متبهدل من محامي لمحضر وحاجة تقرف
تقول ايه بقي في الموضوع ده وتعمل ايه اذا عرفت انه هينزل نهائي من غربته ومرتبة في المحروسه 1350جنيه تخيل بقي كمية الظلم للي هو حاسس بيها لان
ربنا علي كل ظالم سواء كان اخ ام اب او ام ومقولة رضي الوالدين حسب ما عرفت انها تطبق في حالة لم تؤذي منهم والله اعلم

**cyborg_ift** · 13-02-2014 08:49 AM

حسبنا الله ونعم لوكيل

**elhelwany188** · 13-02-2014 10:14 AM

السلام عليكم ورحمة الله وبركاته ...
اخى الكريم رينا يسامح والدك ان شاء الله وياريت تكون سامحته من جوه قلبك بإذن الله ...
بالنسبة للفلوس فهى بند من الرزق وكل رزق مكتوب للانسان من قبل ان يولد ...
واحكيلك حكاية بسيطة جايز تكون فيها عزاء ليك ...
جدى ابو والدى تزوج زوجة ثانية فقامت الزوجة الثانية بالاستحواذ عليه كاملا حتى طلق جدتى اى زوجته الاولى ...
وفى اخر حياته قامت باجباره على بيع كل املاكه لاولادها حتى تحرم والدى من حقه فى الميراث وبعض الناس قالوا انها زورت الامضاء وقالوا لوالدى انه يرفع قضية ويعاديها هى واولادها اى اخواته ...
ولكن والدى رفض ذلك وقال انهم اخواته ولن يقف ضد زوجة ابيه واخواته امام المحاكم واتصل بيها بعد وفاة جدى وقال لها انه الاخ الاكبر لاولادها ولو احتاجت لشئ هى أو اخوته فعليها ان تتصل فورا ...
وطبعا فى تفاصيل كتييييييييير اوى حصلت كانت نتيجتها ان اخواته قعدوا وكانوا عايزين يوزعوا الميراث من الاول ويضموا والدى معاهم بس للاسف كان فيه نفوس ضعيفة منهم ومرضيوش ووالدى عرف فقال لهم انا مش عايز حاجة وانا مسامح من كل قلبى كل اللى ظلمنى ...
ومش عايز اقولك كل اللى كان رافض حاله ايه دلوقتى وعلى فكرة انا عارف اخبارهم اول بأول لأن والدى كان بيشجعنى على صلة الرحم معاهم وكان بيخدنى يعرفنى عليهم واحد واحد وانا صغير فى اى مناسبة وانا معرفش الخلاف اللى بينهم غير من اصغر عماتى من مرات جدى الثانية ...
فأوصيك بالصبر وصلة الرحم وربنا هيجازيك خيرا على الصبر وصلة الرحم ورزقك فى السماء كتبهولك رب العالمين وليس فى الارض مع احد من البشر ...
واسف على الاطالة ...

**cyborg_ift** · 13-02-2014 11:01 AM

شكرا ليك

**ahmedteam** · 13-02-2014 11:22 AM

صدقنى مفيش حاجه بتروح كله قاعد

الخير مبيروحش و الشر كمان مبيروحش

انت تكلمهم بالود علشان تاخد حقك لو مرضيوش احتسبه عند ربنا و بلاش تدخل فى عدوات مع حد و ربنا هيكرمك و اياك و قطع الرحم حتى لو اسأو اليك و خصوصا والدتك

اللى مش هينفذ الوصيه هيشيل ذنبها و عقاب المال الحرام فى الدنيا قبل الاخره

**Khaled Seif** · 13-02-2014 11:32 AM

بسم الله والحمد لله والصلاة والسلام على رسول الله

أخي الكريم cyborg_ift

أولا البقاء لله في والد حضرتك , لله ما أخذ ولله ما أعطى وكل شيء عنده لأجل مسمى , أسأل الله أن يرحمه ويبيض وجهه ويثقل ميزانه

ثانيا , لن أزيد على ما قاله الزملاء الأفاضل جزاهم الله خيرا ,

وأرى الحل ( كما قال صديقي المواطن صدام جزاه الله خيرا ) يتكون من جزئين : -

1 - أن تأخذ معك أحد اهل العلم ويذهب معك لمنزل الأسرة الكريمة ويذكرهم بحديث النبي صلى الله عليه وسلم

أن الظلم ظلمات يوم القيامة , وأن من ظلم قيد شبر طوقه من سبع أرضين يوم القيامة , وغير ذلك من الأيات الكريمة والأحاديث الشريفة

فإن استجابوا فبها وتعمت , وإن لم يستجيبوا

2 - ففوض أمرك لله جل وعلا , وسترى كيف أن دعوة المظلوم يرفعها الله فوق الغمام ويقول وعزتي وجلالي لأنصرنك ولو بعد حين

وإياك ان تقطع الرحم , فالرحم معلقة بعرش الرحمن وصل الله من وصلها وقطع الله من قطعها

وبالنسبة للتوكيل لا يتم عمله إلا بعد إقرار أخيك كتابياً بأن لك عنده حقا كما جاء في خطاب الوالد رحمه الله

أسأل الله لك التوفيق والسداد

وصل اللهم وسلم على الحبيب محمد

**mahmoudysf** · 13-02-2014 07:41 PM

المشاركة الأصلية كتبت بواسطة r0xer

قدامك حل من 2:

تعملهم مجنون وتدخل في عداوة عشان تاخد حقك، ودا هيخلي شكلك وحش قدام نفسك وقدام مراتك...

الحل التاني وهو اللي انصح بيه، قاطعهم مقاطعة تامة وشاملة وبناقص منهم...مش عشان الفلوس لا..لكن لانهم ظلموك ومستحيل مستحيل تغفرلهم طول مانت عايش حتى لو ربنا كرمك بملايين الدنيا مش هتسامحهم...حتى لو في ملايين الدليل الشرعية اللي تقول انه حر في ماله فمش كل الحلال بيكون متوافق مع المجتمع ومع العدالة احياناً...لاتسامح في حقك واحتسبه عند الله.

انا لو منك هقاطعهم. بما فيهم والدتك واخوك ومش هدخلهم بيت حتى ولا بيني وبينهم اي علاقة..غير عضم التربة مش هراعي وقتها .وشكراً.

ولا حول ولا قوة الا بالله العلي العظيم
انا مش عارف النصائح الذي دي بتجيبوها من اي شرع
عن أبي هريرة رضي الله عنه ، عن رسول الله صلى الله عليه وسلم قال : من كان يؤمن بالله واليوم الآخر ، فليقل خيرا أو ليصمت ، ومن كان يؤمن بالله واليوم الآخر ، فليكرم جاره ، ومن كان يؤمن بالله واليوم الآخر ، فليكرم ضيفه رواه البخاري ومسلم
وانصحك تقرأ قصة سيدنا يوسف في القران لانها مش مجرد قصص دي عظة وادب للمسلمين

-

الموضوع: مشكله يصعب حلها

LinkBack

أدوات الموضوع

عرض

-

-

-

-

-

-

المواضيع المتشابهه

مشكله فى ال epc وتم حلها فى a5

مشكله عجز ميكانيكيه مصر فى حلها

مشكله مستعصيه يصعب حلها " العربيه بتفصل"

مشكله مش عارف حلها

عندي مشكله و عايز حلها

الكلمات الدلالية لهذا الموضوع

المفضلات

المفضلات

ضوابط المشاركة