مساعدة في كيفية غسيل النيوصني :d

**Dr M.Noaman** · 12-02-2014 04:42 PM

بسم الله الرحمن الرحيم ,,

بما أني لسه جايب العربية جديد والحمد لله - عدى أول أسبوع خلاص - فعايز أعرف العربية تتغسل إزاي بما أننا في الشتا يعني .. وكمان عايز أعرف الدلايات بتيجي وتتركب عادي في النيوصني وليها مكان ولا لأ ,,

عمري ما غسلت عربية وناوي أغسلها يوم الجمعة بأمر الله فعايز أعرف آخد بالي من إيه وأستخدم إيه في الغسيل وكدا يعني

**madelonline** · 12-02-2014 05:22 PM

بالنسبه للغسيل اوعي تغسلها ببريل
هات شامبو فورميولا 1 أمريكي ب 25 جنيه ف التوفيقيه وهات نوع ملمع طابلوه كويس
حط غطايين من الشامبو علي نص جردل ميه وامسح العربيه كويس من التراب بفوصه أو بخرطوم ميه وبعدين استخدم سافنجه وخد من الجردل وادعك العربيه كويس وابدأ من فوق لتحت وبعدين سيب الشامبو بالرغوه ع العربيه 10 دقايق وبعدين اشطف بالميه وبعد كده استخدم فوطه ناشفه للتنشيف

ومن جوه بقي لمع الطابلوه بملمع الطابلوه ونضف الأرضيه والكراسي بمكنسه كهربيه

**Dr M.Noaman** · 12-02-2014 05:39 PM

المشاركة الأصلية كتبت بواسطة madelonline

بالنسبه للغسيل اوعي تغسلها ببريل
هات شامبو فورميولا 1 أمريكي ب 25 جنيه ف التوفيقيه وهات نوع ملمع طابلوه كويس
حط غطايين من الشامبو علي نص جردل ميه وامسح العربيه كويس من التراب بفوصه أو بخرطوم ميه وبعدين استخدم سافنجه وخد من الجردل وادعك العربيه كويس وابدأ من فوق لتحت وبعدين سيب الشامبو بالرغوه ع العربيه 10 دقايق وبعدين اشطف بالميه وبعد كده استخدم فوطه ناشفه للتنشيف

ومن جوه بقي لمع الطابلوه بملمع الطابلوه ونضف الأرضيه والكراسي بمكنسه كهربيه

تسلم شكرا جدا جدا ... بس فيه ناس نصحت بشامبو رابيدو بما أنه ملمع كمان إيه رأيك فيه .؟؟

وإيه ملمع التابلوه الأحسن بالنسبة ليك وبيستخدم إزاي ؟؟

وفيه ناس نصحت كمان بفوطة جلد غزال أو فوطة ميكروفيبر فإيه رأيك ؟؟

**ibrahimsaad** · 12-02-2014 06:34 PM

طب انا عايز اعرف بتوع المغسله هل ياترى بيستخدموا هذا النوع من الشامبوا ؟

لانى غسلتها فى المغسله زى عربيات كثير بتغسل لان فى اماكن لازم الميه توصل ليها زى الفجاوى اهم حاجه علشان البارومه

**ibrahimsaad** · 12-02-2014 06:35 PM

د نعمان انا بصراحه لم اركب الدلايات وشايف ان مفيش داعى ليها لانها مهما كان بتحجز ميه بينها وبين الصاج بتعمل بارومه وانا مش ملاحظ اى فرق بينها وبين عدمها

**Dr M.Noaman** · 12-02-2014 06:37 PM

المشاركة الأصلية كتبت بواسطة ibrahimsaad

طب انا عايز اعرف بتوع المغسله هل ياترى بيستخدموا هذا النوع من الشامبوا ؟

لانى غسلتها فى المغسله زى عربيات كثير بتغسل لان فى اماكن لازم الميه توصل ليها زى الفجاوى اهم حاجه علشان البارومه

طيب بتغسلها دلوقتي إزاي يا دكتورنا .. وهل كل مرة بتوديها المغسلة ولا إيه ؟

**ibrahimsaad** · 12-02-2014 06:41 PM

انا غسلتها مره واحده بس من يوم ماجبتها من شهر فى المغسله

ومحبش اغسل العربيه كثير علشان البارومه

**Dr M.Noaman** · 12-02-2014 06:46 PM

المشاركة الأصلية كتبت بواسطة ibrahimsaad

انا غسلتها مره واحده بس من يوم ماجبتها من شهر فى المغسله

ومحبش اغسل العربيه كثير علشان البارومه

طيب بالنسبة للتراب اللي عليها وكدا بتعمل فيه إيه خصوصا أننا في الشتا ... وللعلم قرأت في الكاتالوج بتاعها إن الأخطر عليها هو ترك الأتربة والأوساخ على سطحها إنما مشكلة الماء هو في الداخل مش كإستعمال خارجي وعشان كدا جايبلها ماكنسة للإستخدام الداخلي يعني

**ibrahimsaad** · 12-02-2014 06:49 PM

بس يادكتور انا بطوقها كل يوم بفوطه عاديه من التراب والمعها

ولو عايز بقى تلمعها كويس احسن من الغسيل بالميه جيب فوطه وخلى اى ميكانيكى يزفرها لك بزيت من عنده بتلمع العربيه جدا

انا كمان جايب بلاور باستخدمه لتنظيف التراب من على الموتور او السطح الخارجى لو حبيت

**madelonline** · 12-02-2014 06:56 PM

المشاركة الأصلية كتبت بواسطة dr m.noaman

تسلم شكرا جدا جدا ... بس فيه ناس نصحت بشامبو رابيدو بما أنه ملمع كمان إيه رأيك فيه .؟؟

وإيه ملمع التابلوه الأحسن بالنسبة ليك وبيستخدم إزاي ؟؟

وفيه ناس نصحت كمان بفوطة جلد غزال أو فوطة ميكروفيبر فإيه رأيك ؟؟

رابيدو كويس بس فورميولا 1 شامبو أمريكي بالشمع لما تغسل بيه هتحس ان العربيه مرايه بدون مبالغه
وبالنسبه للفوط ف أي حاجه هتأدي الغرض بشرط انها متجرحش الصاج والفكره ف السفنجه انها هترغي أكتر
وبالنسبه للملمع هات نوع اسمه flash dash أمريكي برضه ب 35 جنيه هترجه كويس وترش منه كتير علي فوطه نضيفه وتبدأ تطوق بيه الطابلوه كله
النوعين دول هتلاقيهم عند محل اسمه ماجد صليب ف ش زكي ف التوفيقيه وهتلاقي عنده برضه حاجات كتير تخص نضافة العربيه وتلميعها وريحتها

الموضوع: مساعدة في كيفية غسيل النيوصني :d

LinkBack

أدوات الموضوع

عرض

-

-

-

-

-

-

المواضيع المتشابهه

مساعدة فى غسيل اسفل السيارة

كيفية غسيل موتور الماروتى

كيفية غسيل موتور الماروتى

كيفية غسيل اللوجان

كيفية غسيل الموتور (الحوض)

الكلمات الدلالية لهذا الموضوع

المفضلات

المفضلات

ضوابط المشاركة