فلوس..عجل..لحمة..فقراء..ادخال سرور
السلام عليكم ورحمة الله وبركاته
شباب المنتدي بعد موافقة مهندس كريم منير جزاه الله كل خير ووفقه لكل خير احب اشارككم اللي احنا بنعمله
احنا شوية افراد صعبان عليهم الناس اللي ضايعه في النص بسبب ظروف البلد وحالة الانقسام الحاصلة وانشغال الناس عنهم
فكنا جمعنا فلوس علشان البطاطين في بداية الشتا والحمد لله جمعنا مبلغ كويس وووزعنا اكتر من 600 بطانية علي الناس في الفيوم وفي حلون وفي الشرقية
ووزعنا شنط اكل وربنا كان كريم معانا جدا
دلوقتي بنجمع فلوس علشان نجيب عجل ونوزعه علي الناس دي من منطلق انهم يشوفوا لحمة مرة تانية مش بس في العيد... وعجل علشان نوزع منه لحمة ودهن ومواسير وعظم، كل ده بيتوظف وبيعرفوا يستخدموه
بدأنا الموضوع امبارح وعندنا عشم في ربنا اننا نقدر نجمع تمن عجلين كبار مش عجل واحد صغير
معانا حاليا اكتر من 2500
عايزين فلوس وعايزين عربيات للتوزيع لان اللحمة مش هتقعد لازم تتوزع في ساعتها
وعايزين ناس تساعد في عملية الباكينج
ولو حد يعرف ناس محتاجين يقولنا عليهم وهيكون محتاج لهم قد ايه
فيه كمان لسه معانا فلوس بطاطين طالعة علي اسم بطاطين فلو حد يعرف حد عايز يقولنا قد ايه بس لازم يكون عارف الحالات عن قرب
جزاكم الله خيرا وتقبل الله منا ومنكم
مزرعة والد دكتور احمد عبد الرحمن
دكتور احمد عبد الرحمن كلمني وقالي اننا نقدر ناخد العجل من مزرعة والده وتكون بنفس السعر للتاجر ..ربنا يبارك له ويخلف عليه
انا رقمي للتواصل 01002565853
وجزاكم الله خيرا وتقبل الله منا ومنكم
