الموضوع: تجربتى وطارق ميكانيكى رينو الهرم

السلام عليكم ورحمة الله وبركاته
أول موضوع لى بعد أيقاف أستمر عدة أشهر وقمت بمراسلة إدارة المنتدى لمراجعة موقفى من تشغيل عضويتى مرة أخرى
وأود أن أكرر أعتذارى لما قمت به من تطاول على أعضاء بعينهم فى المنتدى أكبر منى سنا
وانا كان لى وجهة نظر تجاه سياسة إدارة المنتدى بشكل عام .... وددت أن أعبر عنها بشكل أو بآخر ... ولكن مع الوقت حاولت أن أفرض ما أدعى ... واتخذت موقف عدائى وتعاملت بطريقة غير لائقة خارج نطاق حرية التعبير عن الرأى ... فأصبح الموضوع استهداف لأشخاص بعينهم بغض النظر عن وجهة نظرى تجاه المنتدى
لذلك أعتذر للعضو الأستاذ كريم منير لموقفى العدائى تجاهه
وأشكر إدارة وإشراف المنتدى على قبولهم تشغيل عضويتى مرة أخرى
وأصلح الله أحوالنا جميعا

مرة أخرى ...

طارق ميكانيكى رينو ... كان شغال فى التوكيل ... أمانة ... شطارة . .. فاهم جدا ....هذا ما قرأته عن طارق على صفحات المنتدى
أول مرة ذهبت إليه بسيارتى رينو ميجان .. كانت تخلط مياه بسيط على الزيت
فذهب ظنى إلى وش السلندر
ولكن بعد ما راجعت بعض أعضاء المنتدى وكلمت طارق تليفونيا أجمعوا أنه غالبا كولنت المياه
ذهبت إلى طارق فى الهرم
قام أخوه بالكشف على السيارة وقال إن الكولنت سليم .. قلت له ولكن هناك خلط زيت بمياه التبريد وإن كان بسيط
أتى طارق وقام بفك الكولنت واكتشف أن الجوان فقط هو التالف
قام بالتغيير
سعر الجوان عند طارق 100 جنيه ... سعره برا 45 جنيه
وأجر التركيب 50 جنيه
قلت له مش هتكرمنى ؟ قال لى دى مفيهاش خالص
وكان عندى ترس ديفيزر تالف وأريد تغيير طقم الكاتينة معه قال لى سعر الترس 1250 قلتله غالى جدا ... قال أنا بشتريه من التوكيل .....وسألته عن مصنعية تغيير الكاتينة .. قال 200 جنيه .. قلت له ليا أنا ب150 جنيه وهى برا عند أى حد ب 150 قال ماشى بس لما تيجى تغيره ... وقال لى ان مصنعية تغيير الكاتينة والديفيزر والطرمبة نفس السعر

قلت له أشتريه من الخارج أشتريته هو وفلتر زيت ب 1100 جنيه
وبعدها بفترة أكثر من شهر تقريبا عدت له مرة أخرى من أجل تغيير الكاتينة
قام الصنايعى باسم بفك السيارة من أجل التغيير
وقال السيارة تحتاج طلمبة مياه ... وسعرها فاليو أصلى عند طارق 350
قلت له غالية دى برا سعرها يتراوح 250 ل 300 جنيه .. غضب جدا وقال بصوت عال استحالة دى أكيد مش أصلية
قلت له خلاص أروح أجيب قطع الغيار من برا
ذهبت مواصلات من الهرم إلى عين شمس وهو مشوار رخم جدا
وقمت بالاتصال به من عند محل قطع الغيار ... وقال لى سنحتاج جوان ترس ديفيزر وسعره عند طارق275 ... وأنا اشتريته ب 175 ...نوعه corteco
وجوان الكامة عنده ب 100 اشتريته ب 50
وطبتين مش أصليين عنده ب 100 اشتريتهم ب 60 للعلم الطبتين يمكن تركيبهم مرة أخرى ولا داعى لشراء جديد
واشتريت الطلمبة ب 275
والتيل الريمسا عند طارق ب 250 أمامى ... وفى كل مكان لا يتعدى ال 190 جنيه
واشتريت أنا الفاليو أمامى ب 250 والخلفى ب 120
قال لى عنده مجموعة السيور الأصلية ب 650 ورأيتها عند المحل ب 650 قلت له فى التليفون طالما عندك نفس السعر أشتريهم من عندك
قال لى لا هات كل حاجتك من هناك بالمرة .. قلت له لا أنت أولى طالما عندك الأصلى بتاع التوكيل
رجعت له بعد المغرب

وباسم مسك جوان الديفيزر فى أيده وقال دا مش أصلى وأخذنى طارق داخل المحل وورانى الجوان الأصلى اللى بيبقى جاى فى علبة رينو ... ويأتى معه مسمار وطبة لترس الديفيزور
طبعا الجوان اللى أنا جبته أصلى من صناعة شركة corteco وهى التى تصنع هذا الجوان لشركة رينو ولكن الفرق ان الآخر يأتى بالعلبة ومع المسمار والطبة والفرق 100 جنيه !
وأنا أصلا اشتريت ترس جديد بمسماره بطبته
قال لى أيضا ان طرمبة المياه التى اشتريتها تقليد
قلت له نفس العلبة ونفس البار كود ! قال العلبة الكابتن بيضربها يا باشا
برغم إن نفس الطرمبة برضه !
ولذلك لم يخرجها من علبتها ولم أريده أن يخرجها كى لا أحرجه لأنى أثق فى الرجل الذى أشترى منه قطع الغيار

وبعد كل هذا العناء والتعب فى المواصلات...وصلت الحمد لله ... وأخو الأستاذ طارق سألنى عن الأسعار وجاوبته وقلت له تفضل الفاتورة قال لا متلزمنيش ... وقال لى مجبتش ليه سير الكاتينة بالمرة ؟ قلت له الأستاذ طارق قال إن عنده الأصلى وبنفس السعر ... قال لا كنت جبته من برا ! .. إذ بباسم يأتى بطقم غير طقم التوكيل ...
سعره حوالى 500 جنيه ... هنا صدمت بصراحة ... وقلت له دا مش بتاع التوكيل ... دا مش أصلى .. قال لى يبقى منركبوش وهات الأصلى ... قلت لا ركبه وأمرى لله

وتحدثت مع طارق وقال لى دا طقم ألمانى أحسن من اللى بيجى فيها ... وقال انت متعرفش
ان البلية بتاع طقم التوكيل صينى

للعلم يا أصدقاء بلية الشد الأصلية نوعها جيتز مصنوعة فى الصين فعلا وبلية الدليل نوعها كورام ومصنوعة فى إيطاليا
ونفس الطقم الأصلى من غير علبة التوكيل ممكن تشتريه بسعر أرخص عند نفس المحل ! (الطقم الأصلى بعلبة التوكيل خارج التوكيل ب 650 جنيه )

بصراحة صمتت لأنى لو طولت معاه هيقول لى مجبتش ليه حاجتك بالمرة من برا ! ولكن أيضا هو قال ان عنده طقم التوكيل بدليل كل قطعة أتيت بها يحاول أن يرينى الأصلية بعلبة التوكيل إلا هذا الطقم !
وأتى وقت الحساب قال لى 250 جنيه !
بعد أن كان اتفاقنا على 150 جنيه ....قال أصل غيرت ترس ديفيزر وطرمبة مياه ..قلت له اتفقنا أيضا ان كلهم مصنعية واحدة وأين اتفاقنا .. قال لأ يا باشا أنا نزلت معاك 50 جنيه المرة اللى فاتت وهذا لم يحدث !! ... المهم تفاوضت معه إلى أن وصلت ل 200 جنيه
بجانب 650 سعر الطقم اللى هو أصلا برا ب 500
أريد أن أنوه أن طارق قال لى انه مبيكسبش فى قطع الغيار حاجة أنت بس بتدفع تمن المواصلات 10 أو 15 جنيه بالكثير قوى مثل ما قال ولم أرضى بتغيير تيل الفرامل عنده ومشيت

لكل شخص رأيه ... وأنا أرى أن طارق ميكانيكى رينو عادى جدا ...ولم أرى عنده ما يزيد عن غيره من ميكانيكية فى صقر قريش
بل رأيت أسعار هلامية
ولن أتعامل معه مرة أخرى بإذن الله
وهذا انطباعى الشخصى