نيسان 2009 مكسب ام خسارة

**robertgaber** · 28-09-2008 11:57 AM

ناوى اشترى نيسان 2009 وبعد موضوع تغير الشكل السنة القادمة مش عارف صح ولا غلط ولو غلط لية وهخسر اية خصوصا انى مش هبيع قبل 5 سنين ارجو الرد

**megane_man** · 28-09-2008 04:53 PM

حسب أحتجاتك لو محتاج عربية ضرورى توكل علي الله ولو ممكن تستني أستني وعلي فكرة انا رأي ان الشكل الحالي أحلي من الجديد ومدام مش ناوي تبيع دلوقتي توكل علي الله وأعمل أستخارة

**ahmad7610** · 28-09-2008 07:59 PM

لا مش ممكن تخسر لما تشترى النيسان صنى ....
-
سعرها أصلا ثابت من 3 سنين و تجميع محلى يعنى مهما حصل فى 2009 او 2010 فالعربية مش حتتأثر بجمارك ولا موديل جديد ..
بالعكس لو تم تغيير الشكل ده فمحدش عارف الجديد حيكون يابانى برضه فى المكونات ولا حيبقى كورى ولا مش حتتجمع تانى أصلا ..
وكده او كده فالسعر حيزيد اكيد عن سعر الموديل الحالى ..
0
استخر الله وتوكل قبل ما يوقفوا تجميعها .. وساعتها مش حتلاقى غير الكورى بالاسعار دى ..
-
لكن نصيحة من واحد كان خلاص حيشترى الصنى ورجع فى كلامه
(التيدا فرق بسيط جدا فى السعر لكن شتان الفارق فى الصالون والتقفيل )

**hazem_khidr** · 28-09-2008 08:17 PM

الصني عربيه كويسه
مشكلتها بالنسبالي
التقفيل دا رقم واحد
رقم اتنين ان الموديل دا انتهي من بره من 2006
يعني حتركب عربيه قديمه.
لو التقفيل عجبك و النقطه التانيه مش في دماغك توكل علي الله

**amrnader** · 28-09-2008 10:25 PM

المشاركة الأصلية كتبت بواسطة ahmad7610

لكن نصيحة من واحد كان خلاص حيشترى الصنى ورجع فى كلامه
(التيدا فرق بسيط جدا فى السعر لكن شتان الفارق فى الصالون والتقفيل )

انا من اكتر المعجبين بالتيدا و خصوصا الهاتشباك، لكن الصراحة فرق السعر بين الصنى و التيدا مهواش قليل، مش اقل من 20 الف جنيه لنفس الفئة. يعنى مثلا السيدان اوتو ب 113 و الصنى ب 93.

نقطة تانيةـ الصنى(الكورى) و التيدا اسعارهم فى الخليج قريبة من بعض، ان مكنتش الصنى اغلى، فانت بتأخد احسن قيمة مقابل الفلوس، بس لو تقدر تتنازل شوية عن ضيق الصالون و عيوب التقفيل.

**mahamedaraby** · 29-09-2008 08:24 AM

الصني عربيه كويسه
مشكلتها بالنسبالي
التقفيل دا رقم واحد
رقم اتنين ان الموديل دا انتهي من بره من 2006
يعني حتركب عربيه قديمه.
لو التقفيل عجبك و النقطه التانيه مش في دماغك توكل علي الله

بالنسبه للتقفيل فهو كويس مش وحش ابدا

و حكايه انك حتركب عربيه قديمه الشكل ده لسه بينزل فى دول الخليج بس باسم تانى فانت مش حتركب عربيه قديمه ولا حاجه انت حتركب عربيه زيرو موتور وعفشه يابانى وشكلها جميل طبعا

انا من راى انها صفقه ناجحه جدا على سعرها

توكل على الله واشتريها

**hazem_khidr** · 29-09-2008 08:41 AM

بالنسبه للتقفيل فهو كويس مش وحش ابدا

بالنسبه للتقفيل انا ما قولتش انه سئ للدرجه بس كان ممكن يبقي افضل من كده
انا كانت معايا الصني 2004 في الامارات و كان تقفيلها انضف من المصري بمراحل.

حكايه انك حتركب عربيه قديمه الشكل ده لسه بينزل فى دول الخليج بس باسم تانى فانت مش حتركب عربيه قديمه ولا حاجه انت حتركب عربيه زيرو موتور وعفشه يابانى وشكلها جميل طبعا

و انا كنت في الامارات لحد 2007 و اللي كان بينزل هناك الشكل الجديد من سبتمبر 2006 و كان الشكل القديم مافيش له اثر نهائي لا بأسم صني ولا بأسم تاني

**ahmad7610** · 29-09-2008 12:21 PM

المشاركة الأصلية كتبت بواسطة amrnader

انا من اكتر المعجبين بالتيدا و خصوصا الهاتشباك، لكن الصراحة فرق السعر بين الصنى و التيدا مهواش قليل، مش اقل من 20 الف جنيه لنفس الفئة. يعنى مثلا السيدان اوتو ب 113 و الصنى ب 93.

نقطة تانيةـ الصنى(الكورى) و التيدا اسعارهم فى الخليج قريبة من بعض، ان مكنتش الصنى اغلى، فانت بتأخد احسن قيمة مقابل الفلوس، بس لو تقدر تتنازل شوية عن ضيق الصالون و عيوب التقفيل.

-
لا الفرق أأقل من كده ..
الصنى المانوال 88000 جنيه كاش
والتيدا المانوال الان لفترة محدودة ب 101000 كاش بدلا من104000
وده فى شارع النزهة (مش فاكر اسم الموزع)بس مكتوب Nissan من بره
يعنى الفرق 13 الف فى المانوال ...و17 الف فى الاوتوماتيك .. واعتقد ان فرق التقفيل والفخامة يستاهل