النهارده وانا راجع من شغلي في اسماعيليه و بعد مادخلت اسكندريه كان معايا واحد زميلي ومش زي كل مره معاه عربيته فاقولت حوصله للموقف الجديد عندنا في اسكندريه المهم الطريق كان زحمه سنه و اول مالقيت الطريق بدأ تحرك قمت شادد شويه وهوبا مره واحده لقيت الرانجلر الجديده اللي كانت قدامي وقفت طبعا لميت نفسي بس للاسف حصل تتش خفيف بنا قولت يارب مايكون فعربيته حاجه
انزل يا جدعان الاقي فرده الاستبن اللي متنيله متعلقه بره خبطت فانوسي اليمين و شرخته جامد و سرحت على الكابوت اللي لسه مغيره كله عشان يبقى فابريكه و طبقت بوزه ناحيه الشبكه و الهوبا باه ان هوك الجر بتاعه خرملي الاكصدام عندي كده كله مره وحده واللي يشل ان عربيته ولا الهوا طبعا انا ابصله وابصلها و هوا بيحلف ميت يمين ان كان ميكروباص قدام وقف و وراه عربيه ربع نقل و هوا وراهم وانا اخر العنقود
طبعا قولتله حصل خير و ركبت عربيتي و من ساعتها وانا حالتي النفسيه زفـــــــــــت
الحمد لله على كل شئ بس هما حاجتين انصح بيهم كل شاب :
1- متمشيش ورا رانجلر لانها حلوفه بمعنى الكلمه عشان تتأذي عايزه خبطه تريللا غير كده مش حتوصل لها فوق بيت متحرك واول دورين دول اكصدمات و عجل والتالت الكابينه (ربنا يجنب ملاكها الحوادث وشر الطريق انا بهرج )
2- ***********************
وعايز اعرف :
1- خرم الاكصدام ده حله ايه غير اني اغيره هوا خرم و الحته المخرومه موجوده موقعتش وفي ضهرها الفل الحشو على طول
2- الحته اللي اتخبطت من الكابوت الحمد لله بعيده عن العضم بس مقفله متعرفش توصلها من غير ماتفك طبقات الكابوت ( جنب الشبكه كده ) فالو اعملها اعملها ازاي
يرجى مراعاه الاداب العامة فى المحتوى منعا لتوقيع عقوبات
مشرف عام 1