عرض للطباعة
العربية كده والله اعلم خدت عين:mad2:..اول يوم جت فيه خدت خبطة في العتب وبعديها باسبوع خبطة في الرفرف الشمال الامامي واخيرا امبارح خدت خبطة في العجلة اليمين الامامية فالمساعدين اتعوج.. السؤال بقي ممكن المساعدين يتصلح ولا لازم يتغير انا سألت عليه لقيته بيتباع الاتنين مساعدين مع بعض يعني اليمين والشمال وانا عايز اليمين بس وسعرهم 2600 جنيه فهل في اي حل تاني غير اني اشتريهم؟
افيدونا افادكم الله
مفيش حل غير انك تغيرهم وربنا يعوض عليه.....وهي ديه مصر....
انا نزلت برضه لقيت تك تك خابك الباب وعاصرة....
الافضل في مصر انك تجيب عربية متبهدله عشان متزعلش عليها
اقتباس:
المشاركة الأصلية كتبت بواسطة mummy_47
فعلا عند حق ..هي دي مصر
هي مش عربيتي دي عربية اخوية بس انا والله زعلان عليها كأنها عربيتي..العربية لسا زيرو يا جدعان.. بس الحمد لله انها بتيجي في الصاج... المهم هو كدا ممكن يكون الشاسيه في حاجة؟
مقدرش افيدك في كده..العربية لازم تروح التوكيل وطبعا هيدفع دم قلبه في التصليح لو مكنش مأمن عليها..اقتباس:
المشاركة الأصلية كتبت بواسطة eng_tarek
معلش ..كويس انهابتيجي في الصاج....
نصيحة لاخوك...ولو اني زعلان وانا بقولها جدا......بعد ما يصلح العربية يبيعها فورا ...حرام حد في مصر يركب زيرووووو...وخصوصا الناس اللي زينا اللي بتدفع ده قلبها وتحويشة عمرها في العربية..سواء كاش او قسط....لكن الناس اللي الفلوس عندها زي التراب ..متلقيش عربياتهم فيها اي خدش ..وعايز تتاكد من كده...شوف كام عربية مرسيدس او بي ام الفئة السابعة فيها خدش او خبطة...يا راجل ده انا كنت بشوفهم بيركنوا صف تاني وصف ثالث ومفيش عربية بتحك فيهم ...وربنا يسلم الجميع ..وحسبي الله ونعم الوكيل وربنا ينتقم من اي حد يبوظ سيارات الناس عن عمد....
معلش اصل انا حاسس بنفس احساس اخوك ودمي محروق..وقدر الله وماشاء فعل
قدر الله وما شاء فعل معلش هوا لازم يغير المساعدين وبالنسبه للشاسيه ان شاء الله مش هيكون فيه حاجه
يغيرهم وربنا يعوض عليه ..