زي ما كل الشباب قالو تعايش مع الخبطات دية
لان ده الطبيعي بتاعنا
انا لما اشتريت عربيتي الاكسل في اول اسبوع الباب اتخبط في طوبة كبيرة ودخل لجوا جامد
فضلت العربية سنة كاملة زي ما هيا
وبعتها برضك زي ما هيا
لانك مهما تعمل لازم يحصل حاجة
والاطرف من الموقف ده رحت البساتين وركنت العربية وسبتها ورحت اصلي الجمعه
رجعت لقيت العيال عمالين يطلعو علي العربية وبيلعبو عليها
بيطلعو ع الكبوت وبعدين السقف والشنطة تقريبا كانو عملين سباق علي العربية
طبعا اول ما شافوني جريو
قربت من العربية اطمن عليها لقيتها الحمد لله استحملت البهدلة بتاعت العيال (طبعا الخبطات اللي زي بتاعتك مكنتش بعتبرها اصابات) ولقيتهم شايلن المساحات بتاعت العربية علي الحديدة
فاستعوضت ربنا في المساحات واشتريت 2 جداد ونفعو جدا بعدها في المطرة الشديدة
فمتشغلشي نفسك وسيبها ع الله