-
معلومه لله
السلام عليكم يا اصدقائي الافاضل اولآ اعتزر عن غيابي وان شاء الله قربت اخلص المشروع وربنا يسهل المهم انا بعت الاوبل عشان محتاج دفع رباعى محرك معقول وبشتري نيسان اكس تريل 2500 سي سي 4 سلندر وبسمع اقاويل عن رفع الدعم عن اللى فوق ال1600 وغيرها يقولك الكل هياخد 1800 لتر وخلافو انا متعجب من وضع البلد كلو بيتكلم ومفيش حد عارف يفيدنى ولا حتى اللى فمكان قيادى فهل حد عندو اي فكره؟؟؟
-
وعليكم السلام ياستاذ احمد ....! والله انا زيك بالظبط وجعولى بطنى لما قالولى نفس الكلام وعربيتى ٢٠٠٠ cc وسالت كتير جداً جداً ومحدش عارف بس كل اللى ود اكدلى انه مفيش أى تفرقه فى السعه اللتريه كله هياخد الدعم باذن الله
-
-
للاسف مافيش حاجه واضحة في البلد
-
في كلام كتير .
لاكن واضح ان الاكيد ان الدعم هايتلغي .
واظن ان الحكومة دي هاتبدا اول خطواتة للتسهيل علي الحكومات القادمة في اتخاذ المزيد من الخطواط
http://www.nilemotors.net/Nile/327156-5.html
http://www.nilemotors.net/Nile/308890-1600.html
http://www.nilemotors.net/Nile/292956-a.html
ومبروك علينا الحكومات الي بتفكر بقفاها
-
حمدا لله على سلامتك يا استاذ احمد
اولا: نظام البطاقة نظام فاشل وهذا هو السبب الحقيقي لعدم التطبيق حتى الآن
وانا شاهدت بنفسي تطبيق هذا النظام في احدى الدول المجاورة ، حيث كان الاغنياء يشترون 4 او 5 سيارات لصرف حصة بنزين تكفي لسيارة واحدة ، ومن لا يفعل ذلك يشتري البنزين من السوق السوداء بضعف سعره ، حيث ظهرت طبقة من الناس تقوم بصرف حصتها لبيعها في السوق السوداء وليس بغرض استخدامها
ثانيا: موضوع البنزين كفيل بالقضاء على اي حكومة قادمة ولذلك كلهم خايفين من التطبيق
ثالثا: في حالة تطبيق النظام يمكنك شراء سيارة قديمة رخيصة اضافية للاستفادة من حصتها في البنزين
تحياتي لسيادتك
-
موضوع الدعم ده والكروت هيفتح افاق جديده للنصب وسوق سوده جديده وكام مجرم يبقى مليونير من ورا القصه لكن فعلى فااااااشل يتشطرو على اتوبيسات السياحه واتوبيسات النقل السياحى زي الجونه وخلافه غير كوبونات الشرطه والجيش والوزارات كل ده عايزين يدفعو للغلابه وشوارع مكسره بتخرب عربياتنا وندفع تصليح وضرايب فى المرور وجمرك بضعفين تمن العربيه لو نتكلم فى الحق يبقى شيل ضرايب وجمارجك وتذاكر كارتة الطرق اللى وصلت 8 جنيه فبعض الطرق والله انا بفكر جاديآ اسيب البلد دى واضح ان مفيش فايده،،
-
كلام صحيح
شوف مثلا قرار حظر استيراد التوكتوك لمدة سنة ، قرار بدون دراسة
ادى لارتفاع سعر التوكتوك بمقدار 3 الاف جنيه في اول 24 ساعة
انا لست مع التوكتوك ولكن ضد اتخاذ قرار بدون دراسة ، واذا علمنا ان رئيس الوزراء حاصل على 6 دكتوراة
يبقى عليه العوض في البلد ، ونجيب واحد نقاش ، اكيد هياخد قرارات افضل من كده
-
6 دكتوراه من بتاعت عكاشه انا قررت اشتري العربيه ولو طبقو الموضوع المتخلف ده هرفع عليهم قضيه مش دستور الثوار الاحرار الجديد بيقول المواطنين متساويين فى الحقوق يبقى حقي هو نفس نسبة الدعم وي كل مواطن غير كده وعادي هيكون معايا عشرات الاف نفس الحاله وعلي فكره الاكس تريل بتدفع ضريبه 3000 جنيه فى السنه يعني يعتبر ملهاش دعم بنزين اصلا ومش معقوله عربيات صيني لا يتعدي تمنها 50 الف جنيه مستعمله وجديد لا تتعدي 150 الف جنيه يتشال دعمها والمرسيدس والبي ام والفولكس ال1600 اللى تمنهم وصل ل500 الف جنيه يبقى لها دعم كفايا تخلف
-
كدا ما قدمكش غير اللادا نيفا 1600 :)
Content Relevant URLs by
vBSEO 3.6.0 PL2