علشان كده انا اخترت الفلوانس...يا ترى انت اخترت عربيتك على اساس ايه؟

على فكرة لو بصينا على تصميم الفلوانس هتحسوا انها family car بجدارة و ده اللى انا قلته كذا مره فى تقاريرى....عمر ما الفلوانس اتعملت علشان الشد و السحب و الغرز و السواقة الرياضية العنيفة
العربية دى معمولة علشان كل الناس اللى ورا و اللى قدام تستمع بالرحلة....طبعاً رحلة يعنى عايزين نرجع بالسلامة مبسوطين مش هناخد غرز على ١٤٠ و مش هنجمع من ٠ ل ١٠٠ فى كام ثانية طبعاً اللى همه الموضوع ده يبقى اكيد الفلوانس مش بتاعته، مش معنى كده ان انا فى سن السبعين و بمشى جنب الحيط و لكن عمرى ما بهين نفسى و لا اهين عربيتى علشان متهنيش...بجرى بس فى الطوالى و بلتزم بحدود السرعة و باخد غرز بس على الواسع و عندما يسمح الطريق و تسمح السرعة
انا كنت عايز عربية اسره نبقى كلنا مبسوطين فيها و عمرى ما هغامر فى سواقتى لانى بحب اسرتى و عربيتى
فتحة سقف تدخل نور داخل صالون السيارة و استمتاع اكتر بهواء الصيف فى المصايف
عربية ثابتة جداً على الطريق دون اهانة غرز على سرعات و ملفات علشان اختبرها
قاعدة واسعة فى الخلف و الكل مبسوط
مخارج تكييف مخصوصه للأولاد فى الخلف
مخرج شحن مخصوص لأجهزتهم دون تشتيت للسائق فى الفك و التركيب
مسند خلفى مع اتنين حامل مشروبات ليهم
شنطة الاوسع فى فئتها علشان تاخد كل حاجتنا
تانك بنزين كبير
ستاير خلفية كاملة مدمجة علشان الشمس و الحماية من عيون المتطفلين
٦ ايرباجز للأمان فى حالة الحوادث لا قدر الله
استهلاك بنزين متدنى
اداء و تسارع مرضى جداً و فاق كل توقعاتى
كسائق موضوع ال smart card و مكن رفع الازاز و ضم المرايات و فتحة السقف اصبحت رفاهية لا غنى عنه
موضوع زر امان الاطفال اللى جنب ايدى بفتحه و اقفله علشان اقفل البيبان الخلفية و الزجاج الخلفى اصبح ضرورى و مريح بدل ما انزل افتحلهم فى كل مشوار و خصوصاً لو حد كبير قاعد معاهم ورا
عربية ذكية فى كل حاجة...تطفى الموتور يفضل الاضاءة و الكاسيت شغالين زى ما هما...تفتح باب السواق كله يطفى
توكيل ممتاز بمقاييس بلدنا سواء فى الضمانات او الصيانات او توافر قطع الغيار او حتى طلبها مخصوص ليك من الخارج

دى كانت متطلباتى من العربية و علشان كده اخترت الفلوانس و فعلا لبت كل احتياجاتى و اكتر و كل ما ابعد عنها متر الاقيها بتزمر و بتضم المرايات و تغمزلى بالاشارات و تقولى سايبنى و رايح فين...لسه مقعدناش مع بعض كفايه :)؛)

ياترى انتوا اخترتم عربياتكم على اساس ايه؟
يا ريت مشاركتكم علشان المقبل على الشراء يستفاد و يعرف ازاى يختار عربيته

متفق معاك جدا و عشان كده انا اخترت الفلونس

مبدأيا كده .. أقل ما يقال عليك يا باش مهندس Prince بكل ما تحمل الكلمه من معاني :D
ثانيا أتفق معاك في كل حاجه .. و الحمد لله عمري ما ندمت إني جبت العربيه دي ولا عمري هندم .. لأني فعلا أشتريتها علي أسس .. مش بس عجبتني و خلاص ع كده ..
شكرا ع الموضوع الجميل ده ..

الموضوع ده للجديد ولا للمستعمل كمان ؟؟؟

عندك حق ياهاني بك
النقط اللي ذكرتها في غاية ألاهمية
مينفعش عربية بالطول ده استخدمها للمناورات والكلام ده
عمري ماشوفت حد راكب مرسيدس بيشد وبيناور على الطريق أو داخل المدينة
دايما تلاقي اللي سايقها راسي وبيمشي على مهله وتحس بالبلدي انه باشا جوه نفسه
نفسي أتعلم اعمل كده ههههههههههه

اقتباس:

---

المشاركة الأصلية كتبت بواسطة miceg

عندك حق ياهاني بك
النقط اللي ذكرتها في غاية ألاهمية
مينفعش عربية بالطول ده استخدمها للمناورات والكلام ده
عمري ماشوفت حد راكب مرسيدس بيشد وبيناور على الطريق أو داخل المدينة
دايما تلاقي اللي سايقها راسي وبيمشي على مهله وتحس بالبلدي انه باشا جوه نفسه
نفسي أتعلم اعمل كده ههههههههههه

---

صديقي المواطن
تعال عيش حياتي واللي شفته وأنا أوريك المرسيدسات ال 300 وال 500 بياخدوا بيها غرز وبتسابق الناس إزاي وبتدحر كل اﻷعداء وده يدل إن حضرتك لسه شاب أو مش مركز في الشارع ده أنا كنت بسمع محركات المرسيدس ال 6 وال 8 وال 12 سلندر عايزة تنفجر وبتصرخ من شدة الكبس
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

هو موضوع المرسيدس الناس مش بتجري بيها و تاخد غرز عشان معظم اللي راكبها ناس كبيرة ماشي لكن لو طلب يجري هيجري و يجري كمان.
الفلوينس بغض النظر صاحبها كبير أو صغير هو مش هيعرف يشد بيها لأنها مش معمولة لشد و جري و بتاع هي أساسا عربية عائلية بكل ما تحملة الكلمة من معاني زي ما الأستاذ Meggieboy قال بالظبط..
و مع ذلك هي مش وحشة بتجري كويس بردو.

اقتباس:

---

المشاركة الأصلية كتبت بواسطة svneleven

هو موضوع المرسيدس الناس مش بتجري بيها و تاخد غرز عشان معظم اللي راكبها ناس كبيرة ماشي لكن لو طلب يجري هيجري و يجري كمان.
الفلوينس بغض النظر صاحبها كبير أو صغير هو مش هيعرف يشد بيها لأنها مش معمولة لشد و جري و بتاع هي أساسا عربية عائلية بكل ما تحملة الكلمة من معاني زي ما الأستاذ Meggieboy قال بالظبط..
و مع ذلك هي مش وحشة بتجري كويس بردو.

---

الدنيا اختلفت جامد دلوقتي,تلاقي الناس الكبيرة في السن راكبين المرسيدس اما دلوقتي معظم الشباب بيتجهو للمرسيدس لسهولة الصيانة ورخصها الفظيع و سعر اعادة البيع الرهيييب و رخص قطع الغيار.
و الشباب و الشد و الجرى بقا :7_6_5v[1]:

اقتباس:

---

المشاركة الأصلية كتبت بواسطة saddam

صديقي المواطن
تعال عيش حياتي واللي شفته وأنا أوريك المرسيدسات ال 300 وال 500 بياخدوا بيها غرز وبتسابق الناس إزاي وبتدحر كل اﻷعداء وده يدل إن حضرتك لسه شاب أو مش مركز في الشارع ده أنا كنت بسمع محركات المرسيدس ال 6 وال 8 وال 12 سلندر عايزة تنفجر وبتصرخ من شدة الكبس
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

---

أخونا الفاضل أستاذ صدام
انت اكثر خبرة مني بكثير وانا لا أنكر كلامك نهائيا
ممكن يكون عندي قصور في الرؤية او لم أشاهد ما شاهدته لاختلاف ألاماكن أو ألاجواء
بس أحسن مصطلح سمعته هو موضوع صرخ وانفجار المحركات

سيارة ممتازة وندمان انى مجبتش الفل اوبشن بتاعتها وجيبت النص هنا فى الخليج بتنزل ثلاث فئات فقط الفل اوبشن والنص والبيزيك وكان فرق ما بينى وبين الفل حوالى 13 الف ريال بس الحمد لله على كل شىء والعربية ممتعة