الى كل اللى بيشتكى من كرسى اللوجان
الى كل اللى بيشتكى من كرسى اللوجان .كان ليا موضوع قبل كدا عن الموضوع دا وان ظهرى بيتعبنى .اول لما اركب الكرسى كويس بعد شويه بحس ان ظهرى بقى عامل نص دائره
كنت سالت واحد اللى بيعملوا الانتريهات ان هحيب الشرايط الخضرا الاستيك دى .قالى لا مش هتنفع طيب ليه قالى كدا روح لسروجى يشد السوست اللى جوه شويه .حاولت ان افك الفرش بتاع الكرسى لاقيته شغلانه . ..المهم روحت لواحد سروجى قالى هنشيل ونحط ونعمل وهنحيب شبكه متلا زى سرير ايدال القديم او السرير بتاع العربيات النقل اللى بيناموا عليه.قلتله طيب ممكن نجيب سوست اللى هيى زجزاج .قالى ماشى 150جنيه .ليه ياعم السوست 60_70 وعشرين لحام ودان .او اشترى كرسى استراد طيب بتاع انهى عربيه .المهم الواد معجبنيش وطبعا بيرد على مضت .قلت هاحاول اعملها بنفسى .بدور فى النت على السوست اللى زجزاج مفيش حد بيجيب سيره .لحد لما لاقيت شركه تاكى بتصنع كراسى العربيات (دايو _جيب ......)اتصلت بيهم اشترى السوست دى ؛دكتور رد عليا وقالى احنا بنصنع للشركات طيب ممكن تعملولى الكرسى .لا احنا شركات بس طيب السوست دى منين او الشبكه دى منين قالى السوست هتشروم السفنج انا هنا فى المطبح وشايف .جيب استراد احسن .والموضوع كدا مات .المهم لاقيت ان احسن كرسى .كراسى العربيات الكورى القديم 2 بكره و3 بكره .بس يركب ولا لا .المهم بعد لف ودوران يوم على السوست الزجزاج .لاقيت سروجى ابن حلال دلانى على واحد وكان عنده كرسى بيعمله شوفته ولاقيه تحفه بيعمل شغل بتاع زمان على ابوه .روحت اشتريت السوست .بكام الوحده (2 جنيه )واشتريت خيش 4.5 جنيه وعلبه كولا 13 جنيه نوع كويس بينشف بسرعه .لما فكيت الكرسى لقيت السوست بتاعته اللى هى فيها البرتقالى زباله بمعنى الكلمه .المهم حطيت السوست التعبان دى وعليها السوست القديمه الكرسى بقى حاحه تانيه فعلا مريح جدا بس مش بتاع عربيه يكون بتاع مكتب .المهم فعدت اجرب لحد ما شليت السوست القديمه وخليت السوست الجديده .بس برده مش كرسى عربيه .المهو قعد اجرب كدا لحد الحمد لله ظبتت.انا فكيت الكرسى اربع مرات كل مره يوم كامل عشان اعرف اظبتها .بس دلوقتى الموضوع اسرع عشان عرفت التكنيك بتاعها ازاى معلش طولت اووووى عليكم لعل حد يستفيد .فى تفاصيل كتيره ما ذكرتهاش اللى محتاجها يسال
http://nileup.com/up/uploads/nilemotors_13923245481.jpg
http://nileup.com/up/uploads/nilemotors_13923245482.jpg
http://nileup.com/up/uploads/nilemotors_13923245483.jpg
http://nileup.com/up/uploads/nilemotors_13923245494.jpg
http://nileup.com/up/uploads/nilemotors_13923245495.jpg
http://nileup.com/up/uploads/nilemotors_13923245506.jpg
http://nileup.com/up/uploads/nilemotors_13923245507.jpg
