الموضوع: استغاثه بخصوص لانشيا ديدرا 1993

دا عيب فى الكربريداتير مخنوق شوية... او ممكن يكون فى نوع البنزين

المشاركة الأصلية كتبت بواسطة ashrafbahaa

انا لسه جايب لانشيا ديدرا موديل 1993 موتور 1600 سي سي كربراتير كهرباء هاف انجكشن (يوجد بداخله رشاش واحد) المشكله العربيه كانت ماشيه تمام وفجأه حدثت عده مشاكل كرهتنى فى ركوب السياره :
1-حدثت تنتيشه جامده (تقطيعه) او عده تنتيشات لما امشي بالعربيه زى نتشة الكهرباء المهم بصيت على سلوك البوجيهات لقيتها تمام..وغيرت البوجيهات 3 مرات لان كل مرة اغير كانت بتنتش برضو وبلاحظ ان لمبة الرشاش الانجكشن بتنور فى التابلوه ولما بتنور شويه تمشي كويس وشويه تقطع بس معظم التقطيعات لما اللمبه بتنور والعربيه بتاكل بنزين كتير اوى.
2- لما ادوس بنزين سواء العربيه واقفه او ماشي بيها على اى سرعه واسيب البنزين الاقى الار بى ام يوطى وكأن السياره هتبطل مع ضعف الانوار ثم تعلى تانى على 9 rpm وساعات تبطل عاوز اعرف ايه السبب
ارجو المساعده لانى بجد هتجنن

بص يا سيدى العيب دة ان شاء الله هيكون محصور فى نقطتين كالتالى :
1- ممكن يكون حساس tps ودة عبارة عن حساس متثبت فى نهاية الشافت بتاعى بوابة الكربراتير من ناحية الشمال ودة وظيفتة انة بيحس انت دايس على دواسة البنزين اد اية علشان يعطى اشارة للرشاش اللى فى الكربراتير بضخ الوقود على أد الدوسة فيعنى هو لو فية مشكلة وبيهيس هيلخبط الدنيا
2- لو الرشاش اللى فى الكربراتير فية مشكلة بردو هيعمل اللخبطة دى علشان هو بيجيلو امر من الكمبيوتر انة يفتح علشان يعدى الوقود والأحتمال دة بنسبة 40%

فسيادتك هتروح لكهربائى هيفك فيشة حساح ال tps ويقيس مقاومتة بالأفوميتر والعربية مبطلة يعنى بالبلدى وانت مش دايس على الدواسة هنفترض ان المقاومة 5 اوم ولأخر مشوار الدواسة 30 اوم
ولو احتجت رقم التليفون ابعتلى رسالة على الخاص