بيجو 301 وانت مغمض
بيجو 301 وانت مغمض
يافندم تويوتا تتغلب على بيجو في اي يوم من ايام السنه .. حتى وهيا نايمه .. انت بتقارن عملاق منتجاته من اصغر واحد فيها تتغلب على بيجو اعتماديه وسمعه وتوكيل وسعر اعادة بيع .. حتى لو الكماليات اقل حروح لتويوتا . رأي شخصي
بيجو
البيجو
Sent from my GT-S5282 using Forum Runner
النتيجة لحد دلوقتى 18 : 1 لصالح بيجو
:first:
هاتها تانى من الشبكة وهات الطباشيرة وإكتب 19 : 1
البيجو طبعا بالرغم من انى راكب حاليا كوروﻻ علشان انت بتقارن مع الياريس وهى عربيه غاليه ومش يابانى التصنيع
بيجو301 الاسد
301 أكيد
مفيش مقارنة اصلا بين الإتنين
تويوتا طبعا الفرق فى الاعتمادية بتاعت العربية لا يذكر مينفقعش اصلا تقارن بيجو ب تويوتا ....الجودة يعنى زيادة التكلفة الياريس فقيرة شوية فى الامكانيات مقابل جودة ورغم كدة الناس بيقولوا عليها غالية لو الياريس نزلت بنفس امكانيات 301 شوف انت سعرها بقة بس كلة فى صالح الجودة ...اسأل حد معاة بيجو 406 مثلا وحد معاة كورولا قدام شاف كام مشكلة هتعرف الفرق على طول
يا جماعة يا جماعة
أنا بتدايق قوي لما بلاقي حد بيطلب المشورة و تلاقي الناس داخلة تشجع و تهلل بمنطق أهلي و زمالك !!
كل واحد شاري بيجو ولا شاري ياريس بيكون رده تشجيع لعربيته و خلاص
و ساعات من غير ما يكون شاري , هو تشجيع لحاجة معينة و خلاص
ممكن يكون السائل ليه ظروف محددة , يبقى لازم يكون ردنا مخلص و نقول الميزات و العيوب اللي احنا شايفينها في كل عربية عشان هو يشوف إيه المناسب لمتطلباته و حالته و إمكانياته
و أنا حبدأ بنفسي بصفتي مجرب العربيتين و شاري الاتنين للشركة اللي شغال فيها و شايف أداءهم تحت ظروف تشغيل قاسية في السعودية
بص يا سيدي , التويوتا بصفة عامة هي أقل عربية من ناحية متعة القيادة وسط الموديلات المحترمة لإنها أصلا في معظم موديلاتها مصممة لفئة عمرية كبيرة شوية في السن ( من 40 سنة للياريس و انت طالع للكورولا و الكامري ) بس مقابل كده بتديلك إعتمادية و كفاءة تشغيل و طول عمر و قلة مشاكل أكثر من أي عربية في العالم و بلا أي منافسة
أما بالنسبة للبيجو 301 و زي ما إحنا عارفين دي عربية مصممة للأسواق الفقيرة اللي زينا (شمال افريقيا و شرق اوروبا و بعض مناطق آسيا و افريقيا ) , يعني مش حتتباع أصلا في اوروبا الغربية ولا انجلترا ولا امريكا و لا كندا ولا اليابان , ممكن تعتبرها حاجة زي اللوجان كده , فمتعتبرهاش بيجو بيجو يعني
يعني توقع كماليات و حركات بس متتوقعش أبدا إعتمادية زي إعتمادية التويوتا .
تحربتي الشخصية بعد سنة من الإستعمال المضني لخمس عربيات 301 و 4 ياريس (العربيات عملت تقريبا 60 الف في سنة واحدة و شيل و حط و تحميل جامد و حرارة و طرق مدغدغة و استعمال سيء ), الياريس أثبتت كفائة تشغيلية أعلى من الـ 301 بمراحل , البيجوهات فتحت بقها خلاص و فرق جودة الصناعة و العمر الافتراضي للعربية بان بشكل ملحوظ جدا , مساعدين و جلب و طربمات ميه و كمبروسورات تكييف و خراطيم ريداتير و غيره , إنما الياريس أكثر من تيل و زيوت مفيش , ده حتى الالفلاتر مبنغيرهاش و مكبرين دماغنا .
في حين إن كل السواقين أجمعوا إن ركوبة الـ 301 أحسن ( شوية مش كثير ) باستثناء تكييفها ( تكييف الياريس أحسن ) .
نيجي للخلاصة , لو انت إستخدامك ناعم و بتحافظ على عربيتك قوي و مش بتحملها كتير ولا بتبهدلها و في نفس الوقت الكماليات بتفرق معاك قوي في إحساسك بالعربية يبقى أرجحلك الـ 301 بس خد بالك , جودة التصنيع و العمر الافتراشي و الاعتمادية أقل بشكل ملحوظ
أما لو ككنت بتسوق سواقة عواجيزي و ميفرقش معاك في العربية غير الأوتوماتيك و التكييب و البارو و عايز تجيب عربية متفتحش بقها ولا تمد إديك فيها غير في تيل و فلاتر و زيوت على الأقل لحد ما تعمل 200 الف يبقى تجيب ياريس , بس خد بالك سعرها أعلى .
بس كده :)