مرور حلوان و اجراءات تجديد 3 سنوات

**aymanshebl** · 15-02-2014 08:42 AM

السلام عليكم و رجمة الله و بركات

انا هجدد رخصة العربية قريب و بسال مرور حلوان فين بالظبط و لو مكانه على الخريطة يبقى تمام و كمان ايه المطلوب بالتفصيل المملل من اوراق و اجراءات علشان تجديد رخصة العربية تلات سنوات و يا ريت لو حد عمل الرخصة قريب فى المرور ده يقولنا و شكرا

**lad** · 15-02-2014 10:33 AM

انت ساكن فين و تعرف ايه فى حلوان؟

**aymanshebl** · 15-02-2014 12:36 PM

انا من 15 مايو

**samihanwar** · 15-02-2014 04:58 PM

هتلاقيه على الكورنيش عند حته اسمها عرب راشد وهتلاقي بلطجيه كتير عملين تسعيره للركنه ب 5 جنيه

**aymanshebl** · 15-02-2014 08:10 PM

ايه يا رجالة محدش ادانى اجابة للسوال بالكامل

**lad** · 15-02-2014 09:59 PM

بص احسن حاجة لو العربية لسه قدامها شوية خلى المخالفات تجيلك على البيت احسن من مشوار الدراسة ابن التيت ده و بس هتروح المرور تخش على الكشك اللى بيصور تقولوه انا عاوز اعمل كذا هيديك الورق بتاعها و يقولك صور الرخصة و البطاقة تعمل فحص و تدفع التأمين و تروح تقف على الشباك هيديك ورقة تدفع بيها الضريبة و ترجع تديها للشباك و تستنى الرخصة

**moh_rag_abd** · 16-02-2014 12:08 AM

بالنسبة لمكان مرور حلوان
هوصفهولك من الكبريتاج (عند ميدان الشهداء) وانت رايح علي ركن فاروق
هتعدي شارع رايل وتمشي شوية حلوين وتاخد بالك من يمينك هتلاقي المرور
ادخل بالعربية جوا اول لما تدخل شمال هتلاقي عربيات كتير واقفه معظمها فحص هتركن عربيتك
هيجيلك عامل هياخد بصمة موتور وشاسية وهتجيب ملف التأمين الاجباري (مش فاكر بكام بالظبط 100 او 150 ) طبعا لازم تكون العربية كويسة ومعاك طفايتك وشنطة الاسعافات والكلام ده
لو فيه مشكلة في الحاجة دية ممكن المهندس يقفلك في الفحص (انت عارف وقتها بقي تتصرف ازاي العامل هيدلك)
لما تخلص فحص هتخش علي اي شباك من الموجودين اسأل علي تجديد الرخصة هيقولك هات ملف من كشك جوا المرور هتجيب الورق وهترجعلو هيحسبلك الضريبة ويقولك ادفع في الخزنة
هتدفع هيخلصلك الاجراءات وتستلم الرخصة في نفس اليوم
الضريبة بتختلف علي حسب موديل السيارة وسعه المحرك وعدد السنين

ممكن من الاجراءات اللي مطلوبة شهاده مخلفات
ودية هتجبها من الدراسة الاول ولو عليك مخالفات تتدفعها