ايه عيوب الجراند بيكاسوا ؟؟؟ والموتور الدييزل ؟؟
ومين بيشتغل فيها فى مدينه نصر ؟؟ ولو حابب اكشف اكشف فين !!؟؟
عرض للطباعة
ايه عيوب الجراند بيكاسوا ؟؟؟ والموتور الدييزل ؟؟
ومين بيشتغل فيها فى مدينه نصر ؟؟ ولو حابب اكشف اكشف فين !!؟؟
انا كنت بتدرب في ستروين عز العرب والفنيين قالولي أنها بتحتاج عمرة أو ما نصف عمرة كل ٣٠ الف كم والعهده على كلامهم
انا مفهمش فيها ف ياريت تفيدونى ضرورى عشان حد اعرفه كان عايز يجيب تيريوس مستعمل و لقى اسعارها خرافيه
وشاف دى عجبته وهو محتاج عربيه كبيره 7 راكب و فى رينج ال 90 ..... ف ياريت تقولولى انصحه يشترى ولا لآ
طبعا موضوع العمرة كل 30 الف ده كلام فاضي
العربية كماليات و حجم وراحة وفخامة لا تقارن باي عربية لغاية 200 الف جنية كمان
سواقتها ممتعة جدا رغم حجمها الكبير .... عزم الديزل جبار والتسارع معقول و الثبات كويس جدا ... العفشة مريحة جدا
مستوى العزل ممتاز ... صوت الموتور عالي جدا من بره ما بتسمعش حاجة جوة .... مع السرعه صوت الهوا مسموع و يضايق للاسف
محتاجة معاملة خاصة لانها ديزل ... صيانة الموتور والكهرباء في التوكيل (فقط)
التربو نقطة ضعف في العربية و بالتالي اللي بيسوقها يحاول انه ما يستخدموش كتير بالحرق على الغيارات ... لازم تسيب العربية عل السلانسية حوالي دقيقة بعد ما توصل عشان التربو يقف ويتبرد .... وكمان مهم تسخين لمده دقيقة الصبح .... و الافضل عدم استخدمها في المشاوير القصيرة (تبطب و بعدين تدور كتير ) وفي الحالة دي ممكن تسيبها دايرة اصلا لو مش هتقف كتير .... طبعا موفرة في استخدام الوقود جدا جدا جدا
الديزل في مصر جودته ضعيفة ... والاسوء المخلوط بماء او زيوت مستهكة .... الحل تثبيت بنزينه معينه و افضلهم وطنية لانهم مالهمش مصلحه في الغش ... وفلتر ديزل يتغير كل 150000 و لازم يكون معاك واحد احتياطي في حالة السفر
تغيير الزيت في التوكيل فقط ... او توتال و تكون عارف طريقة تغييرة من مانيوال الصيانة لان ليه طريقة مخصوص وممنوع استخدام طريقة الشفط
استخدام العربية في وضع 7 كراسي معناه ان مفيهاش شنطة تقريبا ... لازم تستخدم الروف راك
شكرا ليكوا
حد عنده معلومات عن البيكاسو ٢٠٠٥
متابع للاهمية
هل الجراند بيكاسو (7 كراسي ) هل كلها ديزل...يعني مفيش منها بنزين ؟؟؟
وهل توكيل ستروين كويس اساسا..والسيارة بما انها طويلة فهل مع المطبات الصناعية بتخبط في العفشة ؟؟؟؟