السلام عليكم كنت عايز اعرف سعر تيش الميزان لتويوتا ياريس بكام واية الانواع وياريس حد بيبيعة فى حرفيين جسر السويس لانى سألت فى التوكيل قالى الواحد ب550 جنية طبعا غالى اوى يعنى 2 ب 1100 دة غير التركيب وهما شكلهم اخرهم 100 جنية
عرض للطباعة
السلام عليكم كنت عايز اعرف سعر تيش الميزان لتويوتا ياريس بكام واية الانواع وياريس حد بيبيعة فى حرفيين جسر السويس لانى سألت فى التوكيل قالى الواحد ب550 جنية طبعا غالى اوى يعنى 2 ب 1100 دة غير التركيب وهما شكلهم اخرهم 100 جنية
انا جايبهم في ال c4 عندي نوع الماني ب 260 جنيه الاتنين
معليش فاكرني. دول بتوع ايه. وايه الاعراض الي حسيتها في عربيتك وخليتك تقول لا انا لازم اغير تيش الميزان ؟
هو كان في واحد. زمان غيرهم وعمل موضوع هنا في القسم عنهم من قيمت سنتين اعتقد اسمو ( أشرف .... ) مش فاكر بالزبط. بس كل الي فاكروا انو عمل الحكاية دي في ورشة توب جير الي في فيصل .
كان في صوت لقلقه في العفشه لما لعربيه تمشي على كسر في الارض روحت كشفت وقالي تيش وغيرتهم والصوت راح بس السعر عندك كده صعب اوي حاول تشوفهم بره
التوكيل فعلا غالى
انا رحت شارع دمشق لقتهم هناك ب 245 الواحده ( العالميه) و قال لى انهم اصلى و كان متغلف عليه باركود
التركيب سهل جدا خارج التوكيل فى الحرفيين لانه بيتلف زى المسمار كده
و رحت الصيانه المجانيه فى ال تجمع قاللى انه متركب صح و كفاءته كويسه بس مش اصلى
و معرفش فى الاخر اصلى و لا لأ و لا عارف اتأكد ازاى لأن ده محتاج سوفت ويير التويوتا
و ماشى بيهم الحمد لله كويس جدا
ملاحظة : اكشفلى على المقصات و باره الدركسيون
السلام عليكم شكرا اخى الكريم على ردك وزى ما حضرتك قولت كان عندى بوش فى بارات الدركسيون وفكت العفشة وعملتهم فى المخرطة وبعدين ظبط زوايا واحسن من الاول وكبست بيض اتياش الميزان بس دة علاج مؤقت زى ما انت عارف وناوى انزل حرفيين حسر السويس عند العالمية لانهم عندهم فرع هناك بس كنت عايز اعرف منك مكتوب عليهم اية بالضبط يعنى مثلا تويوتا وعلبتهم لونهم اية عشان فى نوع صينى فى السوق ب 150 جنية وكنت عايز اسالك على حاجة تانية مفيش لليارس هوايات للابواب الى هى بتركب على الابواب عشان الشتاء وانت فاتح الزجاج فتحة صغيرة لانى مش لاقيهم خالص ولو حبيت اروح التوكيل اعمل صيانة عادية ترشحلى توكيل العباسية ولا التجمع احسن لانى سمعت ان بعد 100 الف كيلو لازم تغير زيت الفرامل وزيت طرمبة الدركسيون وزيت الفتيس انا عربيتى فتيسها عادة وشكرا مرة اخرى