الموضوع: رأيكم فى سكودا فابيا 2009

تقريباً مفيش حد يعرفها :d

المشاركة الأصلية كتبت بواسطة windows9x

ايه رأيكم فى سكودا فابيا 2009 ال 1600 اللى اسمها مينى؟

قطع غيارها متاحه ولا ايه؟ واسعارها عامله ايه؟ والعربيه نفسها؟

انا خايف من التيبترونك ده، انا اصلا جاى من خلفية المانيوال فقلقان منه ولا انتو ايه رأيكم؟

العربيه كامله عامله 75 الف .. سعر كويس ده ولا قليل عليها؟

واخيراً لو عايز افحصها اروح بيها فين؟

شكراً

المشاركة الأصلية كتبت بواسطة Amr_Azab

العربية جميلة جدا جدا وعن تجربة شخصية
ركبتها صراحة اكتر من مرة وعربية بجد رائعة جدا
وبالنسبة لقطع الغيار فهي موجودة ولكنها غالية شوية كاقي الآلماني
بس طبعا معمرة جدا جدا زي ميقولوا كده الغالي ثمنه فيه
اما بقي بالنسبة للصيانة فزيها زي الاوكتافيا ومعظم الالماني بتحتاج مراكز متخصصة او ميكانيكي بس يكون شاطر جدا وفاهم
وأعتقد السعر مناسب لو العربية حالتها ممتازة

أمتلك سيارة سكودا فابيا 2009 محركها 1400 و فتيسها عادة ، و هلخص رأيي في السيارة و أقول ما شاء الله لا قوة إلا بالله.

الأخ Amr_Azab قال المفيد.

و السيارة ممتازة و تحبها و تحترمها في نفس الوقت.

نقطة أولى : استهلاكها للبنزين داخل القاهرة عالي تقريبا 12 لتر لكل 100 كم [متوسط سرعة السير 30 كم/س يعني الغيار بيكون أول و تاني غالبا و ده هو السبب في الإستهلاك العالي في حالة سيارتي] (بشغل التكييف صيف و شتاء لأني أعاني من الحساسية و شغلي جنب البيت و مشاويري قصيرة جدا ) ، أما استهلاكها للبنزين في السفر فالعكس تماما فهو منخفض تقريبا 5.5 لتر لكل 100 كم (مع التكييف و 4 ركاب و الشنطة مليانة و السرعة متوسطها 115 كم/س)

نقطة تانية: طول قامة حضرتك لو أقل من 183 سم هتبقى مستريح في القعدة خلف المقود ؛ لأن كرسي القائد ليه حد أقصى في الرجوع لورا علشان الراكب الخلفي ما يتزنقش (و دي ميزة مش عيب في رأيي).

اللهم بارك لي في سيارتي ( كل مسمار و كل صامولة و كل كاوتشة و كل قطعة فيها) و احفظني في سيري بها و اكفني شر الطريق.

فكر كويس و على مهلك و حدد أولوياتك و استخير ربك ، و أرجو لك التوفيق.