رئيكم فى الدياهاتسو تريوس ؟؟

ايه رئيكم فى الدياهاتسو تريوس

http://im32.gulfup.com/smqke.png

لو الجراند
شايف انها افضل عربيه عائليه موجوده في مصر

عيوبها المشهوره ماتورها ضعيف وخفيفه على السكه غير كده كويسه

كتير إشتكوا من إنها غير ثابتة على الطريق رغم إنها المفروض عربية سفر لعائلة. وخصوصا عند الملفات

للأسف مش متذكر فين بالظبط بس كان واحد كاتب مشاركة إنه أخدها من صاحبه راح بيها الغردقة وشايف المر وهو على الطريق وأعصابه باظت عقبال ما دخل القاهرة.

وكان ليا واحد معرفة أكل بيها مطب غصب عنه فانكسر عامود الدريكسيون وفقد التحكم في العربية ودخل في عامود (بس دي كان التيريوس القديمة).

كان فى مرة من زات المرارير
كانوا ديما بيقول الفيرنا خفيفة وا وا وا المهم
لما اشتريتها لقيتها بسم الله ماشاء الله فوق الممتازة فى كل حاجه
سرعة - نعومة - سحب - عفشة .. إلخ
المشكلة ان فى ناس بتشترى العربية مستعملة او تكون معيوبة ودا بيكون حظ وقدر وهو ملوش ذنب ومعزور
بس للأسف الناس بتاخد الكلام على كووووول العربية اللى بتكون من النوع اللى اتذكر عيبه
مع انه ممكن يكون غير كدا وكان حظ واحد ودا نصيبه انها تكون كدا
عموما سعدت جدا بمشاركتكم للموضوع وبرده متااابع باقى الاراء
وعن قريب هنزل موضوع مفسر عن الهيونداى فيرنا وتجربتى الشخصية معاها العيوب والمميزات بالتفصيل لكل من يهمه الامر انا بتكلم فى موديل 2013 زيرو اللى حابب يتابع يشرفنا
مع خالص الشكر للجميع

انا ذاكرت العربيه بتركيز شديد لما كنت عايز اغير عربيتى النيسان القديمه التريوس 2013 مش الجراند يابانى لكن سعرها مبالغ فيه كتير وموتورها صغير عليها ولذلك تكييفها اليابانى مش قوى عموما انا اعرف انه هيغروا شكلها السنه القادمه

اقتباس:

---

المشاركة الأصلية كتبت بواسطة eng محمد

سرعة - نعومة - سحب - عفشة .. إلخ

---

انا عمرى ما شوفت حد اشتكى من الفيرنا لا فى سرعه ولا سحب ولا نعومه ولا عفشه .. ده السرعه والسحب دول بالذات افضل حاجه فى الفيرنا

عربيه خفيفه والموتور فعلا ضعيف وقطع غيارها زى الهوندا فى الاسعار
لكن هى عربيه شيك وعائليه

اناالعربيه معايا من الزيرو
عيوبها من وحهه نظري
ثبات تعبان
موتور تعبان
لو طريقك طلعات ونزلات متنفعش لو طريقك عادي زي معظم الطرق المصريه تبقى كويسه
اي شويه هوا يهزوها
تكييفها مش قد كده
مميزاتها
بنزينها كويس
حجمها كويس
شكلها نوعا ما كويس ودي اذواق
في المجمل اعتقد انها عربيه كويسه

المشكلة اللى ملاحظها ان الغالبية بيقول المتور ضعيف وتعبان والثبات ضعيف وتعبان .. ودى حاجه ميستهانش بيها يعنى مثلا لو مسافر مشوار ساعتين بالفيرنا ياخد من على كدا ساعتين ونص او تلاته بالتريوس على ما اعتقد
كمان الثبات مطلوب .. لكن اعتقد من ناحية العفشة فهى كويسة ..
طيب يبقا على كدا التيوتا كرولا تكسب .. لانى حاطتهم فى الاختيارات م الاتنين
المشكلة : ان التريوس زى الجيب فى الشكل وعالية عن الارض فى المطبات وبالتالى تخد العيلة مرتاحه
لكن التويوتا .. ممتازة طبعا فى المتور والتكيف والسحب والنعومة وفى كل حاج لكن مشكلتها ان بطنها هتتنحت فى شوارعنا فى مصر وعالطرق .. يبقى الحل ايه