تغيير وش سلندر ريجاتا بوش أخر
أنا ركبت وش جديد للريجاتا 84 بدل الوش اللي كان فيها لكن أن جبت وش غرف الحريق فيه أصغر من اللي كان عندي يعني الجوان في فرق فالميكانيكي قال لي إن غرف الحريق أصغر فده هيخلي العربية تسخن واحد ميكانيكي قال لي ركبه ومتخافش الفرق مش هيعمل مشاكل طبعا أنا لسه مركبه والحركة بالعربية قليلة جدا بس الملاحظ بعد ما أخدت العربية ومونتها بنزين فمن الواضح إن بك السلانسية مكتوم العربية ساعات بتفصل في السلانسية
2-أنا مركب ترموستات واطي بتاع الحرارة فالمروحة بتشتغل كتير أكتر من الاول قلت يمكن لسة الوش والجوان جداد وأنا من النوع الشكاك في حكاية السخونية باذات
3- المية بلاحظ إنها بتنشع من الجوان وفي تسريب جامد من مكان معين الميكانيكي قال لي لسة الجوان مطبعشي ولما يطبع منربطه كويس والميه هتمنع ومتقلقشي مع العلم إنه قالي الوش ممتاز بس أنا قلقان من حكاية إن غرف الحريق أصغر من الوش الاصلي وحكاية إن العربية هتسخن ولا إيه وحكاية تسريب المياه باين بالعين
