السلام عليكم
عايز اعرف ايه الكماليات الي ممكن اعملها في العربيه
هيا لانوس 2 كامله
والحمد لله لسة شاددها سمكرة ودوكو
ترشحو ايه
عرض للطباعة
السلام عليكم
عايز اعرف ايه الكماليات الي ممكن اعملها في العربيه
هيا لانوس 2 كامله
والحمد لله لسة شاددها سمكرة ودوكو
ترشحو ايه
- شاشة مرايه فيها مدخل كاميرا وبلوتوث400ج
- كاميرا رجوع خلفيه 80ج وفيه منها مجهز لتحسين الرؤيه الليليه 110ج بس كبيره شويه لوهتخرملها في الاكسدام
- فوج ليدات المسطره او حرف l بيركب عندنا في اللانوس فوق الشبوره 70ج وياسلام لو تجيب لها مفتاح الشبوره ايللي كان بيركب جمب مفتاح الانتظار والساعه وينور مع الكونتاك مالوش دعوه بالنور الصغير زيي انا عملو كده شكلها رائع زي العربيات الحديثه الحاجات دي بتخلي العربيه تحس وانتا بتستخدمها انها فيخمه ها فيخمه
لو فيه حاجه من دول عجبت حضرتك قولي اارفعهالك بالصور وطريقة التركيب انا مركب كل حاجه وتحت امرك
وممكن تاخد جوله في قسم الاكسسوارات العناوين فقط هتعرف ايه الحاجات ايللي ممكن تيجي الرجاله هناك مش سايبين حاجه
دلوقت حساسات الركن بقت شبه اساسية سواء بكاميرا او من غير , فدي اول حاجة تعملها
جهاز الانذار بقى اساسي برده , و بالمرة ركب وحدات رفع بحيث لما تقفل العربية بالريموت القزاز كمان يترفع اتوماتيك
هات كاسيت يكون فيه aux و usb و يا سلام لو فيه bluetooth
لو تقدر تركب مرايات ضم ركب بس لسه مكلف اوي الموضوع ده :)
يمكن دي مش كماليات , بس لو الكاوتش عندك 13 , تغييره الكاوتش الجاية هات جنوط 14 استيراد بتاعة اللانوس او النوبيرا و ركب كاوتش 14 185 60 , هايفرق معاك في الثبات و الفرامل ان شاء الله , و لو تقدر اعمل تعديل الفرامل الامامية بالمرة
عنيا بص حضرتك انا جبت الفوجات دي 70ج من الهادي في المنصوره في الحسينيه
http://nileup.com/up/uploads/nilemotors_13930148621.jpg
http://nileup.com/up/uploads/nilemotors_13930148622.jpg
http://nileup.com/up/uploads/nilemotors_13930148623.jpg
حضرتك هتلبس العفريته وتنزل تحت العربيه عند الفوجات بتاعت العربيه هتلاقي مسامير بورمه عاديه بتتفك بمفك دي بتاعة الفبره ايللي على الشبوره مش الاووظ ايللي بتتفك بمفتاح دي بتاعت الشبوره
http://nileup.com/up/uploads/nilemotors_13930148636.jpg
هتضطرتوسع شويه فوق الشبوره عشان الليدات تبات جوا ب cutter
هتبيت الليدات وهتلاقي مسمارين بيربطو الليدات من ورا ورجع الفبره بالليدات هتمشي السلك مع سلك الشبوره من تحت الفانوس ثم من ورا علبة الفلتر ثم من فتحه صغيره بتوصل جوه الطبلوه
بعدين تكون جايب مفتاح الشبوره بتاع اللانوس القديمه ب60ج زي ده
http://nileup.com/up/uploads/nilemotors_13930148624.jpg
http://nileup.com/up/uploads/nilemotors_13930148625.jpg
هتفك درج الطبلوه وتستقبل السلك ايللي انتا معديه من صدر العربيه وتمشيه ناحية زرار الانتظار
على الجانب الاخر فيه طبه شمال الساعه هتفكها ازاي بأااااا؟ طبعا مش هقولك فك الكاسيت ولوحة التكييف لأ
تحت الدريكسيون فيه علبه كده مربوطه بأربع مسامير (لو ماوصلتلهاش قولي اصورهالك) هتفك المسامير وتمد ايدك هتوصل للطبه ليها نفس الكلبسين ايللي في الزرار شوفه وفك الطبه منها
الكهربا هتاخد سلك موجب وسالب من الكاسيت عشان تنور مع الكونتاكت يبأى كده عندك اربع سلوك تمد ايدك وتخرجهم من فتحة الطبه ايللي فاكيتها او لو وصلت سالب الليدات بالعربيه من عند الليدات مش مشكله هتوصل السلوك بالزرار وكله تمام ده شكل الزرار بعد التركيب وشكلها والليدات منوره ومش منوره
http://nileup.com/up/uploads/nilemotors_13930148637.jpg
http://nileup.com/up/uploads/nilemotors_13930148638.jpg
http://nileup.com/up/uploads/nilemotors_13930148639.jpg
وده شكل النور بتاع الليدات بالليل وبكره ان شاء الله هصورهالك بالنهار ونورها جامد جدا(انك تشوفه بالنهار بس مش تعتمد عليه كإضاءه بالليل
http://nileup.com/up/uploads/nilemot...9301486310.jpg
بص هات سبويلر وهات شماسات للاربعه زجاج وجيب شماسه خلفى وفيه اريل صغير كدا او هى حاجه شكل قاعده الاريال كدا بتتحط فوق الازاز الخلفى فى المنتصف على السقف مباشرة
وركب طقم دلايات وهات ستائر كبس اتنين زجاج بابين خلفى واحده للزجاج اللى ورا وفيم زجاج البابين الامامي تفييم ولا خفيف ولا تقيل متوسط كدا وفيم حوالى ثلث الزجاج الامامى من قدام .. ورش الشبكه بتاعه الكبوت اسود .. وحاول تفك الفانوسين قدام وتعملهم اسموك كدا على خفيف
اما بالنسبه لجوه بقى اهم حاجه تعمل تلييق فى الالوان .. يعنى عندى مخلى العربيه من برا شامبين لونها الاساسى فى اسود ومظبط الالوان سوا كدا
وجوه جايب طقم عرقات اسود فى ازرق خفيف كدا او ممكن تجيب كسوه ازرق فى اسود .. وعامل الدريكسيون الكفر بتاعه اسود فى ازرق برضو خفيف ومركب طريقه الاستاذ ظريف او عصام غنايم بتاعه تفتح درج التابلوه ينور عامله لون ازرق وجايب لمبه سقف مخليها ازرق وعامل الدرج اللى تحت الكاسيت فيه اضاءه ازرق كدا وجايب حاجه زى فرش على التابلوه لونه اسود فى ازرق خفيف برضو وجايب نفس خامه الفرش حاططها ورا على المكان اللى فيه السماعات الخلفيه
بص ليك زوق فى إنك تليق الألوان هايطلع شكل العربيه جميل .. انما العك اللى بيعملوه زى استكرات والكلام دا وتلاقى العربيه مهرجله استيكر كدا بتبقى مش لطيفه صراحه
الاضاءه الخارجيه انت وظروفك بقى لو تحب تعمل زينون وتعمل زى رامى بك مصطفي طلع بلدياتى وديما بتوع المنصوره ذوقهم جامد فى التظبيط
ايه الحﻻوه دى