شكر واجب لمركز حمزة اوتو سيرفيس
اود ان اعرض تجربتى الجديدة خارج التوكيل
قليلا ما خرجت من التوكيل بصراحة كنت بحس بالطمأنينة فى التوكيل
لكن دلوقتى للاسف التوكيل بالنسبة لى حاجة ملهاش اى لزمة لكن بالعكس استغلال وللاسف الشغل الفنى مش اد كدة

الموضوع باختصار انا رحت للمهندس محمد صاحب المركز يوم الاربعاء الماضى
اولا الاستقبال اكتر من رائع سألنى المهندس محمد عرفت المركز منين قولتلة من نايل موتورز قالى يبقى خصم ياسيدى لاعضاء الموقع
ثانيا ثانيا المهندس محمد سألنى عن مشاكل العربية حكيتلة بالتفصيل وكان فية ميزة جميلة جدا انة بيشرحلك المشكلة واسبابها وعلاجها
ثالثا قمنا نجرب العربية المهندس محمد انسان متواضع جدا مبيتكسفش انة يسأل حد قدامك عن اى مشكلة علشان يطمن ويطمنك
رابعا روحنا للاسطى كتكوت الله يباركلة صلحلى دراع النور اللى التوكيل فكوة وزى ما فكوة ركبوة بلا اى جديد وقالولى الجديد ب 500 جنية بدون ال 10% والمصنعية
اهم حاجة بكل صراحة
انا من البحر الاحمر وبصراحة روحت للمركز لانى بحب اروح اى مكان لسة فاتح والناس بتشكر فية لان فى اول الشغل بيدى المركز افضل شغل لكن توقعى للمكان ان شاء الله المكان دة هيبقى حاجة كبيرة والاسباب ان المهندس محمد انسان متواضع نشيط جدا خدوم لاقصى الحدود مش طماع
شكر وتقدير للمهندس محمد والاسطى كتكوت والراجل بتاع الشكمان والراجل بتاع البطاريات
ربنا يبارك فى المكان