الموضوع: مقارنة مبسطة للنيو سيراتو الخليجى فى مصر - اسعار ومواصفات

المشاركة الأصلية كتبت بواسطة sameh.soliman

مشكور اخوى على هذا الموضوع والذى افادنى كثيرا ولكن انا لسه راجع من هند المصريه فى المهندسين وقالى ان الخليجى 4 فئات 140 و 150 و 168 و 179 واكد انها سعودى او كويتى وقد قمت بتصوير ال vin من عربيه ووجدتها عراقى فاين اجد السيارة قبل الاخيرة بليدات وفتحه سقف بسعر 158
مع العلم ان القبل الاخيره عندة اللى ب 168 فتحه سقف وليدات وسينسورات و لاينقصها سوى التكييف الاتوماتيك و الكاميرا والفرش الجلد وميمورى الكرسى فهل هى مطابقه للفئة الثالثه التى اشرت اليها
وهل العراقى جيد ؟ وهل صادفت فى بحثك سيارات سعودى او كويتى وفين ؟؟

والف مبروك على عربيتك

سيدى الفاضل ، مفيش 158 فيها ليدات ، الفئة دى فيها فتحة سقف بس، الليدات اعتباراً من 169 واحياناً 165 عند بعض المعارض (محتمل بتكون2013).

ال168 المفروض مطابقة للفئة الاخيرة فى المقارنة (التوب هاى لاين)

موضوع العراقى والهندى دى انا موش مقتنع بة أوى، لان المفروض مصدر العربية (المصنع) واحد، بالتالى ضمان الجودة واحد، والفرق بيكون فى بعض المواصفات والتجهيزات البتطلبها بعض الدول سواء مطابقة لمواصفات الجودة و الامان عندها او مطابقة لطبيعة مناخ الدولة،
وطبعاً فى سعودى وكويتى واماراتى وفى عراقى واردنى ،
سمير ريان /المصرية/القرش/الملك/سلطان/فيرست موتورز،،،،،،،،، امة لا اله الا الله كلها بتشتغل فى السيراتو الخليجى دلوقتى.

وانا عن نفسى مسمعتش عن السيراتو الجديدة حتى الان اى مشاكل ، سواء الوكيل او الخليجى او الشرق اوسط (سعودى عراقى سيكى ميكى) كلة واحد يا سيدى الفاضل.

احنا البنخلى التجار يتحكوا علينا ، علشان بنرفض العربية لو عراقى ونقبلها لو سعودى، يعنى احنا البنحضر العفريت وبعدين بنخاف منة.

وعلى فكرة مواصفات الشرق اوسط الموجودة فى كتالوج السيارة من ضمنها مصر،،،،،،