الموضوع: السماعات مش بتشتغل غير لما اعلي الصوت

عندي السماعتين الخلفيين في العربيه لما بشغل الكاسيت احيانا سماعه او الاتنين يعلقو وما يشتغلوش بعدين اعلي الصوت شويه يشتغلو والموضوع دا ظهر من فتره قريبه يعني المشكله دي ما كنتش موجوده في الاول ولاحظت نفس الموضوع دا عندي في البيت بدا يظهر في الهوم ثياتر home theater كان شغال كويس جدا زي العربيه وبعد فتره كبيره الاقي سماعه تعلق او اكتر من واحده اعلي الصوت شويه يشتغلو طبيعي وارجع الصوت تاني للمستوى المعقول ويفضلو شغالين كويس جدا بدون تعليق او مشاكل المشكله بتكرر لما اطفي الجهاز وارجع اشغل تاني وفي الغالب لما يكون مطفي لفتره طويله شويه والموضوع دا في كاسيت العربيه وفي جهاز البيت ارجو المساعده والتوضيح

التوصيلات سليمه ومفيش حد لعب فيها وراجعت علي سيستم البيت بحكم انه اسهل ومش محتاج فك وتركيب نفس الوضع

المشاركة الأصلية كتبت بواسطة body7733

يبقى تاخد العربيه وتروح لفنى يشوف العيب ده من ايه

انا فعلا كنت هعمل كدا بس اعتقادي ان المشكله جوه الكاسين مش في التوصيلات هو دا اللي خلاني ماروحش اكشف عليها علشان زي ماحضرتك عارف اني عايز اغير الكاسيت اللي عندي واشتري سي دي اللي بتساعدني في اختياره ومكان بيعه والسعر كمان ومتشكر ليك على مساعداتك المتكرره بس انا كنت عامل الموضوع دا علشان لو كان حصل مع حد قبل كدا او فيه حد فني وعارف المشكله فين يعرفنا علشان حتى اكون عارف هعمل ايه في سيستم البيت

المشاركة الأصلية كتبت بواسطة eng.octooo

امممم غريبة فعلا :) انا حصل معايا موقف كدة

فية اغنية لمنير كل ما اشغلها فى العربية تشتغل على سماعة واحدة بس اة والله وحتى اللاب والموبايل والهوم ثياتر :) مسحتها ونزلتها بجودة نضيفة من موقع تانى وبرضة نفس المشكلة مش عارف لية مع ان باقى الاغانى بتشتغل عادى جداااا تقريبا الكسيت عندى مش بيحب منير


اممم انت ممكن تشوف لو بتستخدم وصلة aux غالبا هيا الى عاملة المشكلة او شوف اية المشترك بين العربية والبيت وبتشغلة ف الاتنين فلاشة موبايل او سى دى كدة يعنى

مفيش وصلة aux ولا حاجه حتى المشكله دي مع الراديو في الاتنين كمان معظم شغلي على الراديو والسي دي اعتقد ان دي مشكله جوه head unit بحكم انها قديمه في الجهازين ممكن يكون فيهم حاجه بدات تتعب وهي اللي بتسبب المشكله دي
بس المشكله دي ما يتقرنش عليها مشكلة منير اللي عند حضرتك لان واضح جدا ان الاغنيه معموله انها تشتغل من سماعه واحده او من جنب واحد مثلا يمين او شمال واكيد لانها اغنيه قديمه بس اللي سجلها مظبتش موضوع توزيع الصوت او ممكن يكون مش نافع حتى لو كواليتي الصوت عالي ونقي ومتشكر لاهتمام ورد حضرتك