المشاركة الأصلية كتبت بواسطة ibnelfared
هاتعمل شهادة بيانات موجهة لأدارة المرور ألى أنت تابع ليه وتتفضل مشكورا بسرعه للمرور ألى أنت تتابع ليه ومعاك كل من الأتى :-
1- عقد البيع المسجل .
2- شهادة بيانات موجهة من المرور القديم للمرور الخاص بيك بالقاهرة .
3- شهادة المخالفات الخاصة بالسيارة ولا يكون مر عليها أكثر من 15 يوم .
4- التصريح أو الرخصة ألى مع حضرتك .
5- صورتين بطاقة سارية .
6- ملف سيارة ب 8 جنية من التصوير بالمرور .
7- نماذج الفحص والتجديد وورقة الطفاية .
8- عربيتك تكون ما فيهاش خبطة ولا مشاكل عشان التلاكيك أو تشوف الوضع ماشى هناك أزاى .
9- صور كل الأوراق ألى معاك نسختين أو تلاتة كل الأوراق عقد البيع المسجل والتوكيل والتصريح وورق الموتور كل الورق وخليه معاك لأنك هاتقدم صور منة وشهاة البيانات بردة ما تنساش والباقى نخلية معاك صور لآى ظرف ممكن تحتاجلة .
بعد كل ما تحضر ألأى قولت لحضرتك عليه تروح الصبح بدرى وكل الورق دة معاك وتتوكل على الله وتخش الفحص هايرعلك بصمة الموتور والشاسية وطبعا ما تنساش ترفق ورق الموتور الجديد هايخدهم منك المهندس يملى البيانات وتتوكل وهايبص على الطفاية لازم ما يكونش مر عليها 5 سنوات وبعد ما يمضيلك ويختم ويارب ما يقولك هاتلى مطابقة بصمة .
تاخد الملف دة كله وتطلع فوق في التراخيص وتقدم لهم الملف كلة زى ما هاتاخدة من المهندس وتسلمة في الشباك وطبعا شوف أنت هاتجدد كام سنة وتنتظر تصريح لحين ورود الملف من 3 شهور أو 6 شهور .
وكدة ألف مبروك عليك العربية وربنا يباركلك فيها ويكفيك شرها .
لو أحتاجت حاجة تحت أمرك