النترا 2013 md وهبده فى الفتيس عند وضع الفتيس على R
هبده قويه ياترى ايه ممكن يكون السبب ؟؟
العربيه لسه ماشيه 13 الف بس
عرض للطباعة
النترا 2013 md وهبده فى الفتيس عند وضع الفتيس على R
هبده قويه ياترى ايه ممكن يكون السبب ؟؟
العربيه لسه ماشيه 13 الف بس
بادى فالف عاوز يتغير بس طبعا خليكم مع التوكيل
ع التوكيل علي طول ماتخليش حد يمد ايده فيها
انا حصلت في عربيتي الباسات قبل كده ولقيت السبب أن كان فيوز ضرب غيرته حصل كده حطيتها على جهاز الأعطال لقيت الفتيس كل حساساته مديه error فمسحت الأعطال ومشيت تمام الحمد لله جرب كده حطها على سكانر وشوف الفتيس هيديك أعطال ولا لا وان شاء الله خير
علي التوكيل و خليهم يكشفوا عليها و بلاش حد يلعب في الفتيس و لا ييجي جنبه
على التوكيل بدون تردد
ممكن يكون قاعده فتيس
بس برده ازاى يحصل كدا على 13 الف !؟
على التوكيل يا باشا
طيب انا عايز اعرف من ملاك الالنترا نسبيا وعلى الواقع فى عربياتهم هل فيه هبده او نتشه بتحصل فعلا لا بتجيبو ال r ولا لاتوجد اطلاقا؟؟
بسيطة بأمر الله طالما مفيش تخريف و لا تأخير في النقلات أو نقلات ما بتجييش أو العربيه بتطلع من السكون علي غيار عالي
هايبقي حساس بسيط و بيتغير في الضمان (هما حساسين و بيغيروهم في الضمان )
و أسباب تلفهم بيبقي من دخول مياه للحساسين أو حساس منهم مش راكب
خلي المهندس يراجع قبل أي شغل علي قرايات حساسات (output sensor &input sensor )
و طمنا عملت أيه
بالتوفيق بعون الله
حضرتك سمعت الهبدة هل هى قوية جدا فعلا ؟؟
ولا ممكن يكون صاحبها بيبالغ و يطلع فى الاخر الشيفت لوك :d
هى حصلت معايا قبل كده كنت سايب العربية كام يوم من غير استخدام ولما جيت اجيب ال r واطلع حسيت بهبده بس متكررتش ممكن يكون زيت الفتيس مدخلش دورته بالكامل سعتها والنصيحة لو الموضوع بيتكرر على طول روح طبعا على التوكيل
انا مجرب العربيه بنفسى والهبده واضحه جداااااااا بشكل قوى ومن الثبات على n والعربيه فى النقلات الطوالى زى الفل وجميله جداااااااا الحكايه دى فقط فى حالة الرجوع للخلف
شكرا
شكرا م /سمير
ردى اعلاه + انا مجرب على ارض مستويه ومن حالة الثبات فقط وجربت كذا مره
والى قولته فعلا كنت عامل حسابه ومع ذلك نفس الهبده
مجرب بنفسى
نفس الموقف ده حصل معايا في نيو اكسنت٢٠٠٩ كنت ماشي تقريبا زيك من الاخر كدة ده سينسور اسمه a وb شوية وهتلاقي العربية نقلاتها مش منتظمة خد بالك كمان ان في التوكيل هيحط العربية على الجهاز ويعمل ديليت ل error بتاع السينسور عشان انا طلع عيني جوا الضمان لحد ماغيرو السينسور ده والعربية ماشية ٤٥الف كم !!!! وفي الاخر غيروه بعد ماقليت ادبي عليهم وطلع سعره ٨٠٠ج طبعا اكيد الأسعار اختلفت دلوقتي وربنا معاك
لا انا عندى حاجه لسه ظاهره امبارح وانا بشيل رجلى من على البنزين ولسه بضرب فرامل حسيت بنتشه خفيفه اتكررت مرتين بس ده بعد ما رحت ربطة عفشه
انا مش عارف اقول ايه.حاجة تغيظ فعلا ...يعني عربيات حديثة وجديدة ويكون فيها المشاكل ديه....وفي الفتيس....انا قعدت معايا النوبيرا مو 99 اوتوماتيك لمدة 6 سنين مفيش اي شكوى من الفتيس ما شاء الله.. واللي مجنني ..ان الهيونداي عليها اقبال شديد ..
طيب كلمت م.هاني 01060900088 اكيد هيقولك على المفيد
متابع معاكم ان شاء الله بالمفيد
متابع وربنا يسترها معاك
سيدى الفاضل
بعد التحية
المشكلة موجودة بالفعل ببعض دفعات الالنترا وحلها بسيط جدا فى التوكيل يتم الكشف على حساسات الفتيس وتغيرة فى الضمان حساس انهبتور او حساس سلونيد
برجاء المتابعة مع التوكيل وسيتم عمل اللازم
وشكرا
يعني ينفع الكلام ده.....العميل هو اللي بيجرب العربية ويعرف مشكلتها ..يعني التوكيل مش بيكشف على العربية قبل ما يبيعها ...منتهى الاستهتار بالبشر...وارجع واقول احنا اللي نستاهل عشان احنا بنتعامل مع توكيل مش بيحنرم زباينه بدل ما نروح للتوكيلات النظيفة اللي بتحترم الناس ....
ودمتم