الموضوع: رخصت النيوصني الحمد لله وعايز أفعل الضمان ؟

الف مبروك ياباشا هو الحل انك تتصل بيهم عشان تفعل الضمان جرب كذا مرة .. ايه انطباعك الاول عن العربية

بقة؟

انا اتصلت بيهم كان حوالي الساعة 10.30 صباحا وتم الرد مباشرة وتحياتي والف مبروك

تم التفعيل خلاص .. ماكنش بيجمع من التليفون الأرضي فاتكلمت من الموبايل

المشاركة الأصلية كتبت بواسطة amirali

الف مبروك ياباشا هو الحل انك تتصل بيهم عشان تفعل الضمان جرب كذا مرة .. ايه انطباعك الاول عن العربية

بقة؟

الله يبارك فيك يا باشا يا رب ,,,

إنطباعي الأولي إن العربية جميلة جدا بصراحة بس محتاج آخد على أبعادها أكتر لأنها أطول وأعرض من العربيات العادية .. الصالون بتاعها رائع فعلا ما شاء الله وواسع جدا سواء قدام أو ورا .. شكلها شبابي من جوه وبره في نظري ,

الفرامل بتاعتها رائعة بمعنى الكلمة و بتساعد جدا قبل المطبات كمان العربية عالية عن المطبات وفي القعدة نفسها جوه العربية مش بأحس إني - بتدفس - فيها زي عربيات أصحاب ليا مثلا ..

الصاج بتاعها كويس وفيه مرونة تتناسب معاه .. بأمانة في الأول كنت خايف منه لغاية ما والدي دخل في عربية فالصاج بتاع العربية دخل قوي وبعدين لما بعدنا عن العربية رجع تاني لواحده ومافيش أي علامة عليه إن حصل حادثة ,, وعرفت بعدها إن دا مقصود في العربيات الجديدة عشان حماية للسائق والركاب في الحوادث لا قدر الله فالعربية ماتقفلشي ع اللي جواها .

أنا جايب السوبر صالون وبصراحة عاجباني والمكيف الجديد بتاعها جميل كمان ,,

اللي مضايقني في الكاسيت إن مافيش مدخل usb وبصراحة حاجة رخمة قوي موضوع الإسطوانات كل شوية ,, بس فيه حد كان اقترح فكرة الإم بي ثري بلاير يشتغل ع مدخل الaux , وهدور عليه أجيبه بأمر الله

كان في الأول بيضايقني الكاوتش وموضوع الزلط اللي بيترمى أو بيدخل جواه لكن لقيت كذا حد بيشتكي منه برده في عربيات تانية فبعد ما كنت ناوي أغير الكاوتش رجعت عن رأيي - مصاريف بزيادة - بس لسه ناوي أملى الكاوتش بالنيتروجين مكان الهوا زي ما اتقالي في السبع .,

إستهلاك البنزين بتاعها كويس جدا بأمانة رغم أني بسوقها أنا ووالدي وجايبها من الثلاثاء قبل اللي فات إلا أنها اتفولت مرة بعد ما جيبناها ومرة الأسبوع اللي فات وهي لسه ماجابتش النص ..

بالنسبالي العربية في مصر " عالية فوق المطبات - ثباتها كويس - إستهلاك بنزين كويس - صالون واسع وكراسي مريحة - وسائل أمان فرامل وإير باجز " وطبعا لسه هشوف موضوع الصيانة بس عموما الناس بتشكر فيهم ..

ربنا يرزقك خيرها و يكفيك شرها يا رب .. وعارف إنك خايف من الإشاعات الكتير بس نصيحة مني ماتاخدشي كلام إلا من حد شاريها فعلا وراكبها .. والعربية من أكثر العربيات الجديدة اللي هتشوفها حواليك في الطريق فوقف أي حد 5 دقايق واسأله عنها واتأكد بنفسك .. وافتكر دايما أنها عربية بتنافس الفئة السعرية اللي أعلى منها بـ20 - 30 ألف مش تقارنها بعربيات الـ180 - 200 ألف يعني

المشاركة الأصلية كتبت بواسطة ibrahimsaad

المواعيد من 9 ص حتى 7 م

ماعدا الجمعه

حاول دايما معاهم لان بيبقى فيه ضغط

تسلم يا دكتور ألف شكر لحضرتك .. تم التفعيل خلاص

المشاركة الأصلية كتبت بواسطة احمد كاكتوس

انا اتصلت بيهم كان حوالي الساعة 10.30 صباحا وتم الرد مباشرة وتحياتي والف مبروك

الله يبارك فيك يا رب .. تسلم يا باشا تم التفعيل خلاص

المشاركة الأصلية كتبت بواسطة dr m.noaman

الله يبارك فيك يا باشا يا رب ,,,

إنطباعي الأولي إن العربية جميلة جدا بصراحة بس محتاج آخد على أبعادها أكتر لأنها أطول وأعرض من العربيات العادية .. الصالون بتاعها رائع فعلا ما شاء الله وواسع جدا سواء قدام أو ورا .. شكلها شبابي من جوه وبره في نظري ,

الفرامل بتاعتها رائعة بمعنى الكلمة و بتساعد جدا قبل المطبات كمان العربية عالية عن المطبات وفي القعدة نفسها جوه العربية مش بأحس إني - بتدفس - فيها زي عربيات أصحاب ليا مثلا ..

الصاج بتاعها كويس وفيه مرونة تتناسب معاه .. بأمانة في الأول كنت خايف منه لغاية ما والدي دخل في عربية فالصاج بتاع العربية دخل قوي وبعدين لما بعدنا عن العربية رجع تاني لواحده ومافيش أي علامة عليه إن حصل حادثة ,, وعرفت بعدها إن دا مقصود في العربيات الجديدة عشان حماية للسائق والركاب في الحوادث لا قدر الله فالعربية ماتقفلشي ع اللي جواها .

أنا جايب السوبر صالون وبصراحة عاجباني والمكيف الجديد بتاعها جميل كمان ,,

اللي مضايقني في الكاسيت إن مافيش مدخل usb وبصراحة حاجة رخمة قوي موضوع الإسطوانات كل شوية ,, بس فيه حد كان اقترح فكرة الإم بي ثري بلاير يشتغل ع مدخل الaux , وهدور عليه أجيبه بأمر الله

كان في الأول بيضايقني الكاوتش وموضوع الزلط اللي بيترمى أو بيدخل جواه لكن لقيت كذا حد بيشتكي منه برده في عربيات تانية فبعد ما كنت ناوي أغير الكاوتش رجعت عن رأيي - مصاريف بزيادة - بس لسه ناوي أملى الكاوتش بالنيتروجين مكان الهوا زي ما اتقالي في السبع .,

إستهلاك البنزين بتاعها كويس جدا بأمانة رغم أني بسوقها أنا ووالدي وجايبها من الثلاثاء قبل اللي فات إلا أنها اتفولت مرة بعد ما جيبناها ومرة الأسبوع اللي فات وهي لسه ماجابتش النص ..

بالنسبالي العربية في مصر " عالية فوق المطبات - ثباتها كويس - إستهلاك بنزين كويس - صالون واسع وكراسي مريحة - وسائل أمان فرامل وإير باجز " وطبعا لسه هشوف موضوع الصيانة بس عموما الناس بتشكر فيهم ..

ربنا يرزقك خيرها و يكفيك شرها يا رب .. وعارف إنك خايف من الإشاعات الكتير بس نصيحة مني ماتاخدشي كلام إلا من حد شاريها فعلا وراكبها .. والعربية من أكثر العربيات الجديدة اللي هتشوفها حواليك في الطريق فوقف أي حد 5 دقايق واسأله عنها واتأكد بنفسك .. وافتكر دايما أنها عربية بتنافس الفئة السعرية اللي أعلى منها بـ20 - 30 ألف مش تقارنها بعربيات الـ180 - 200 ألف يعني

تمام ياباشا ربنا يبارك لك فيها .. بالنسبة للتكييف ياباشا ايه الفرق بينه وبين التكييف العادى؟