شكلك اتقرصت كتير بس أنت ماشاء الله خبرتك كبيرة جدا .
ممكن تحكي لنا عن سوق البي ام والتجار الي ماسكينة والحلو منهم والوحش؟وكمان تجار قطع الغيار
بجد هتكون مشكور جدا
عرض للطباعة
انا الحمد لله متقرصتش قبل كدا علشان دا كان مجال والدى الله يرحمه و بكره الى بيفتى فى اى حاجه من غير ما يعرف ( و دى مشكله فى الشعب المصرى عامتا )
التاجر اهم حاجه انه بيكسب منك على قد ما يقدر و سوق البى ام مش زى اى عربيه تانيه يعنى ممكن يتلعب فى قيمته و مش كله بيعرف اسعاره مقارنتا مثلا بالعربيات اللى سوقها ماشى الكل يعرف يتكلم فيه
اما قطع الغيار لو حاجات مضلعه (لو لا قدر الله حادث مثلا) يبقى انزل بور سعيد جيب حاجتك و متجيبهاش من حته تانيه علشان حتفرق معاك جامد فى السعر
بالنسبالى انا قاعد فى اسكندريه لو فى حاجه بسيطه بجيبها من العطارين
أنا عكسك خالص أنا راكب بي ام من 3سنين وبقالي 3 سنين بتقرص.هههههههههه
المهم أنا سعيد أني اتعرفت عليك.أنا راكب e36 m43b16
أنا بتعامل في الحرفيين حاولت مرتين أتعامل مع تجار بورسعيد بس ماكنوش بيدوني سعر كويس رأيك اتعامل مع مين؟
e36 من انضف العربيات الى ركبتها
عربيه رياضيه جدا بس من الواضح انك فهمت غلط
انا لما قلت فى بعض العربيات البى ام متتركبش كان قصدى موديلات تانيه يعنى مثلا
حتكلم من 84 وانت طالع e30
عندك من اول 84 لحد 87 دى عربيه حلوه و موتورها عفى
من 88 لحد 94 بالنسبه 316 و 318 المكنه دى وحشه و بتنهج بسرعه و بتفوت
من 88 لحد 94 بالنسبه ل 320 و 323 و 325 و 328 ال6 سليندر دى حلوه قوى الى هى البلوك بتاعها زهر مش المونيوم
عندك من اول 94 لحد 98 بالنسبه ل 318 و 316 حلوه على عكس 320 و 323 و 325 و 328 علشان البلوك بتاها المونيوم مع الكبس و القرص بيفقع
طبعا ال 318 is دى حلوه فى جميع الموديلات
انت موتورك قد ايه و موديل كام
المكنه is دى مكنه خط الانتاج بتاع قسم السبورت الى هو ام باور الى بتنزل فى الامات
المكنه دى اصغر مكنه نزله فى قسم السبورت معن مش مكتوب عليها ام باور زى المكن التانى
المكنه دى 1800 سىسى 16 صباب و 134 حصان مكنه عفيه و ممتازه
بس لو غيرت الكنه غير معاها الفتيس و الكرونه و العفشه بالفرامل علشان العربيه تبقى حلوه معاك فى الجرى و الفرامل
عندك الى تبع الام باور المكنه بتاعت الام 3 و دى نزله بمكنه 3000 سىسى 287 حصان و 3200 سىسى 321 حصان لو مش فارق البنزين معاك هات مكنه من دول حتتمتع بجد بسواقة البى ام و شغل الصيانه فيه مش اى حد يشتغل فيها و الطبيعى فى اى مكنة بى ام ميشتغلش فيها غير اخصائى بى ام
و لو احتجت اى حاجه انا معاك
قصدك المكنه الإم ٣
أصل في ٣٠٠٠ سيسي عاديه خليك في الإم باور ودي نادره شويه يعني محتاج تلف عليها شويه
وبخصوص العفشه بالفرامل و الكرونه و الفتيس تغيرهم مع المكنه علشان تزبط العربيه و متدخلش كل شويه تصيين
والله انا لو عطرت فى المكنه دى ولو صدفه حطمع فيها
انا معايا e30 كوبيه المكنه مش مزبوطه ركنها تحت البيت و بتحرك بهوندا سيفك لو لقيت الام 3 بأمانه حخدها اما عند مين مقدرش افيدك و انا ساكن فى اسكندريه و العطارين عندنا زى الحرفيين فى القاهره انا كنت بتعامل مع واحد اسمه حماده ريحان