ايه رأيكوا جيتا 2009 ولا بومه 2011

السلام عليكم

اية احسن جيتا 2009 رشة جانبين عاملة 130 الف كيلو تمنها 115 الف وممكن تنزل ... ولا لانسر بومة 2011 فابريكة سوبر اكشن كاملة من غير فتحة سقف 70 الف كيلو نهائى 120 الف

الحاله العامه في الاتنين كويسه

شكرا مقدما

المقارنه صعبه ﻻن السيارتين من فئات مختلفه الجيتا تكاليف صيانتها عاليه جدا غير مشاكل الفتيس Dsgﻻن اعتقد ان بدايه مشاكل الفتيس 2009 لكن ميتسوبيشى كل الناس تعرف تشتغل فيها وقطع غيارها موجوده بكثره بالرغم من انى مش بحب ميتسوبيشى بالتحديد مع انى باركب اليابانى فقط

انا مشوفتش جيتا معديه ال 100 الف كيلو و حالتها حلوة ,, مش عارف ليه
رغم ان العداد دا عادى جدا ف الفانتازيا او a5 و المفروض ان كلهم نفس العربية

المهم ,,
لو هتقدر ع مصاريف الجيتا يبقى اكيد هاتها ,, كفاية شكلها الشيك جدا
اللانسر طبعا مش ف ثبات و لا شياكة الجيتا لكن قطع غيارها ماليه الدنيا و ارخص طبعا من الجيتا
و الصنايعية النص لبه بيفهموا فيها

نسيت اقولك ان العربية المعروضة عليك مش سوبر اكشن
لان السوبر اكشن لازم يكون فيها فتحة سقف و تابلوة و فتيس جلد طبيعى

لا وجه مقارنة بينهم بس الي اقدر اقوله ان الانسر بياعه وحاجتها متوفرة الجيتا تقيله في بيعها وحاجتها غاليه

اتفق مع رأى الاعضاء ..

بداية الدي اس جي في الجيتا ١٦٠٠ سي سي موديل ٢٠١٠

الصراحة لا وجه للمقارنة. ال جيتا طبعا بلا تفكير كفاية أدائها و شكلها ال وهمي و الله أحسن من أختها الجديدة لكن حط في بالك أنها واطية شوية و طبعا ال لانسر أحسن لو أنت من الناس الي فارق معاهم أسعار قطع الغيار و الكلام ده.

اشكرك الجميع على الاهتمام ...

لانسر

جيتا افضل بكتييييييييييييير بس لو هتقدر على مصاريفها

ألماني

جيتا طبعا ركوبه و برستيج اعلي بس مصرفها اكتر
جيتا يا باشا افضل بكتير

اللانسر

حضرتك اكيييد مش مستنى من يقولك ايه الافضل فولكس ولا ميتسوبيشى لان المقارنة محسومه للفولكس :mmm: طبعا لكن......فى نقطتين مهمين لازم تعرفهم اول نقطة الانسر قطع غيارها معمره اكتررر من الجيتا و النقطة التانية صيانة الجيتا اغلا من الانسر بفارق كببييير (الجيتا عدت 100 الف يعنى صيانتها هتكون عاااالية اوووى) تحياتى