عرض للطباعة
السلام عليكم
انا كنت حابب اعرف هل في حد هنا يسمع عن دكتور ابراهيم الفقي رئيس مجلس ادارة المركز الكندي للتنمية البشرية ؟
وهل في حد مهتم بحضور الدورات التدريبية الخاصة به ؟
ياريت لو في حد مهتم يقول
على فكرة دكتور ابراهيم الفقي فعلا راجل عظيم جدا
والله شخصية قوية ومؤثرة بشكل غير طبيعي
واللي مسمعش عنه او حضر له ممكن يعمل سيرش على النت عليه
فعلا هيستفيد جدا
الراجل ده بيعصبنى لما بشوفوا :)
بس أنا شفت فى الجرايد إعلان عن محاضرات بيعملها تمنها بالـ الاف مش عارف ليه!
مش عارف الموضوع يستاهل المبلغ ده والا إيه!!
اقتباس:
المشاركة الأصلية كتبت بواسطة GoldenManEye
انا بصراحه كمان بيعصبنى لانى حاسس انه مطرقع وبيشتغل الناس بغض النظر عن الشهادات الكتير والدكتوراه بس دى وجهة نظرى
الموضوع لا يستاهل، كل اللى بيعمله نوع من التحفيز بالايحاء، أو البرمجة العصبية زى ما بيسميها و أغلب اقتناع الناس به نتيجة لشخصيته المقنعة، بس علميا هو غير مؤهل اطلاقا و لو على الشهادات الغريبة اللى عنده، ممكن تجيبها من على النت.اقتباس:
المشاركة الأصلية كتبت بواسطة GoldenManEye
I saw him at City Stars like a month ago and I went to see one of his shows in Canada.
When I was in school, I always watched his videos before studying for my final exams....it made me be less stressed!
الراجل ده أنا شايف إنه إشتغالة
أهى موضة و هاتخلص
فى ايه ياجماعه الهجوم على الراجل ده ... هو الراجل بيقول ايه غير ان الواحد يحسن من تفكيره ويستعين بربنا فى كل حاجة ... يعنى ازاى نفكر صح ومننساش الدين
انا شفت كذا حلقة كانوا اتعرضوا على Art ولقيتوا بيشجع الشباب من الناحيه النفسيه مع عدم اغفال الجانب الدينى ,
ياجماعه الراجل ده رئيس مجلس إدارة المعهد الكندي للبرمجة اللغوية و عالم التنمية البشرية لو مش عاجبنى اقول مش عاجبنى وده مش معناه انه اى كلام عشان مش عجبنى ... ولا هو لازم يعمل حركات عشان الناس تحبه
متهيالى ثمن الحضور مش غالى شفت قبل كده انه ب 40ج
انا مش مقتنع بيه و لا بطريقة اداءه , وكمان شكله بيستفزنى
ده رأيى
يا صديقى انا او انت ممكن بكره الصبح نروح نعمل اجراءات انشاء المعهد الأمريكى الكندى الفرنسى البريطانى للفضاء الخارجىاقتباس:
المشاركة الأصلية كتبت بواسطة Yarisawy
المعهد ده شركة هو عاملها مش مؤسسة تعليمية كندية و هو وصل لرئاستها و كل الشهادات اللى معاه من جامعات مجهولة
هو محاضر ممتاز وروحت مرة فى قاعة المؤتمرات ندوة
ومحمل من النت جميع حلقات الدورات بتاعتة
وكنت لسة دلوقتى بسماع على الم بى ثرى حلقة عن التسامح
وهو راجل عالمى وانا بحبة ونفسى اتعلم كل حاجة بيقولة وانفذة فى حياتى
إبراهيم الفقي هو محاضر على شاكلة المئات من المحاضرين الأميركيين ..
وخلاصة شغلهم .. إنهم ليهم مجموعة محاضرات معروفة بيقولوها ويعيدوها في كل مكان شوية ..
لو حد قعد لابراهيم الفقي شوية وركز معاه هيلاقي كل كلامة معاد ومكرر وممل ..
أما عن مؤهلاته العلمية فهي محل شك بكل تأكيد ..
انا حابب اعلق على الردود دي كلها بس اتمنى محدش يزعل مني
بصراحة يا جماعة انا اتضايقت لأن الردود دي فعلا مفهاش اي انصاف وتحمل رائحة النقد الهدام
اسف يا جماعة مرة تانية
بس لو كان الراجل دا زي ما بتقولوا
مكانش وصل للي وصل له
دا اولا مليونير يعني ناجح في حياته العملية
كان ماسك ادارة كبرى الفنادق العالمية الخمس نجوم ومعتقدش ان حد مطرقع او بتاع تنطيط يقدر يوصل للمكان دا في بلد زي كندا البلاد دي مش بتهزر يا اخوانا ومفهاش كوسة ولا خضار
لو فعلا بيقول اي كلام مكانش اخد ال تريد مارك
Trade mark
TM
في العلوم اللي انشأها واللي بتعترف بيها الدول المتقدمة (فقط)
وتخيل انت مش تبقي عالم لا وكمان تألف علم
لو كان الراجل دا مش عنده حاجة جديدة مكانتش القنوات العالمية كلها استضافته على برامجها وعملت حلقات مطولة معاه
ومكانش استعان بيه كبار رجال السياسة
ولا اي شخصية معروفة ( زي عمرو خالد مثلا )
مكانش حضر له آلاف الاشخاص على مستوى العالم بكافة المستويات
وحاجات تانية كتيييير جدااا مش مجالها دلوقتي
والمركز الكندي مش مجرد اسم زي ما اي واحد يقدر يقول المركز الموزمبيقي وخلاص
لا فعلا هو اصلا المركز بتاعه في كندا من سنين طويلة واسمه كدة
وبعد كدة انشأ فرع القاهرة اللي في مدينة نصر يعني الاسم فعلا موجود من زمان
معلش انا اسف على كلامي بس انا هقول الكلام دا وهقوله لنفسي قبل اي حد
الواحد عمل ايه في حياته عشان يقدر ينتقد شخصية زي دي ويهاجمها ببساطة
والحمدلله ان لسة في مصريين ليهم اسمهم على مستوى العالم ياريت الواحد يكون كدة
انا مش بقول ان الواحد لازم يعجب بيه ويصرخ انبهارا
لكن على الاقل لو مش حابب طريقة الالقاء والاسلوب
يبقى كفايا اننا نشهد له انه راجل نجح في حياته حتى لو شخصية مش مناسبة
دا انت ممكن تشهد لعدوك بالتقدم حتى لو مش بتحبه
فمابالك بمصري وبرضو راجل صاحب مبادئ متأثرش بحياة الغرب
بعتذر مرة تانية وانا بجد مقصدش اي اساءة
انا بس مش حابب اننا نتحول لآلات نقد هدام زي كتير من الناس وخاصة ان المنتدى حقيقي ناجح بالعقول الراقية اللي بتشارك فيه
تحياتي للجميع
النقد الهدام بيكون نقد متحيز، و محدش فيه بينه وبين الأستاذ ابراهيم الفقى اى مشكلة علشان يتحيز ضده، عن نفسى قلت رأيى اللى مقتنع بيه و اللى كونته نتيجة خبرة 9 سنين فى مجال التنمية البشرية فى صناعة الضيافة، و خلى بالك ان الشهرة مش دليل على النجاح الحقيقى، و احب اوضح لك بعض الحقائق:
- الكوسة و الخضار موجودين فى كل حتة فى العالم و بالرغم من كده، هو عمره ما ادار اى فنادق عالمية او حتى على مائتين.
- المركز الكندى زى ما انت قلت بتاعه و يقدر اى حد يعمل زيه و هو اولا و اخيرا سبوبة اكل عيش و مالهوش علاقة بعلوم التنمية البشرية.
- كونه مليونير مش دليل على انه ناجح
- لا هو مخترع علم و لا حاجة و صدقنى اسهل حاجة فى امريكا و كندا انك يبقى اسمك دكتور او بروفيسير طالما هتضحك بيهم على ناس مش هيدوروا وراك، اعمل كده بحث و شوف لو فى اى جامعة عليها القيمة حاولت تستفيد من العلم اللى اخترعه
انا بسمع عنه و كان جه يدى محاضره فى كليتنا
كنت عاوز احضر
لقيت اصحابى بيقلولى روح الحق اقطع تذكره قبل ما يخلوصوا
قولتلهم تذكره ايه هى سينما
قالولى لا ماهو دا تمن تذكره المحاضره
طبعا ما حضرتش لانى حسيت انه راجل حلنجى وجاى يلمله قرشين (طبعا هما مش قرشين دول الافات فى ساعه ولا اتنين )!!!
يعنى من الاخر الراجل عنده كلمتين بيبعهم لينا شويه ولكندا شويه واهى سبوبه
بس برده انا دا مش الرأى الناهئى اللى كونته عن الراجل لانى لسه مسمعتش اى حاجه من اللى بيقولها والله المستعان
راجل لاااااااااااااااااااااااا سع موت وبيقول أى كلام فى الهجايص و أحب اقول أنه رئيس الجمعيه التنزانيه الموزمبيقيه للعلوم المهلبيه
:taz::taz::taz::taz::taz::taz::taz::taz::taz:
انا سمعت عنه ايام الجامعة
عشان كان في بنات صحابي بيروحو يحضرو محضراته
هما كانو بيشكرو في محضراته و كلامه اوي
بس انا طبعا مقدرش احكم علي حاجة معرفهاش لا بالسلب و لا بالايجاب
بس انا عموما بيعجبني في المجال ده الدكتور شريف عرفة جدا
و ان شاء الله اقدر اقول رايي لما اقرا محاضرات دكتور ابراهيم او اسمعها في يوم
يعنى إيه أخد تريد مارك؟
أى حاجة يا صديقى ممكن تعملها تريد مارك, و زى ما إسمها بيقول, دى علامة تجارية
يعنى ممكن الشبراوى من الصبح يسجل اللوجو بتاعه يبقى علامة مسجلة!!!
دى مش معناها إنك كويس أو وحش خااااااااااااااااالص
الراجل ده أنا حضرتله, و رأييى النهائى إنه فى الهجايص
معاك حق يا صديقى انا دورت على النت لقيته خريج سياحه وفنادق وهاجر بعدها لكندا وخد شوية شهادات.. ممكن فعلا الشهادات اللى معاه مش جامده .. بس عارف اكتر حاجة عجبتنى لما شوفته مره انه بيركز دايما فى كلامه على الجانب الدينى ... لكن عموما الواحد وضحله حاجات برضه من كلامكوا ... بس برضه ده مايمنعش انه ممكن يكون راجل كويساقتباس:
المشاركة الأصلية كتبت بواسطة Hossam_Hassan
وكل سنه وانت طيب :)
في الهجايص و سبوبة عيش زيه زي د. عادل عبد العال
موضة تاخد وقتها و هتخلص
صح كلامك يا صديقى انا دورت عليه فى النت لقيته خريج سياحة وفنادق وهاجر بعدها الى كندا ثم اخد شوية شهادات وفتح مركز , فعلا معاك حق بالنسبه لموضوع الشهادات وعموما انا شايف ان احسن حاجة فى الراجل ده انه بيركز على الجانب الدينى وده مش موجود فى ناس كتيراقتباس:
المشاركة الأصلية كتبت بواسطة Hossam_Hassan
وكل سنه وانت طيب
مع احترامى الكامل...مشكلتنا أن كل من لايعلم ينصب نفسه حكما ليحاكم الاخر ...فنلاقى واحد مبيعرفش حتى يقرأ القرأن صح ولاعمره فتح كتاب فقه بينتقد المفتى الفلانى فى فتواه ...والدكتور الفلانى لانه مكتبش الدواء الفلانى يبقى دكتور ضعيف وياه بقى لو قالك تعمل أشعة وتحاليل ...يبقى دكتور فاشل مبيعرفش يشخص الحالة خبرته قليلة....
يعنى لما أجى أنتقد حد وقرر أنه لايملك علم وأنه مجرد موجة وواحد مطرقع والشهادات اللى معاه فشنك ابقى كحد أدنى قرأت عن التنمية البشرية أو علم أدارة الموارد البشرية ومداخله حتى وبناءا عليه انتقده ويكون نقد موضوعى فصورة نقاط محددة 1 2 3 مش جمل عايمة....مطرقع ..!!!!.....نهايته ....كل سنة وانتم طيبين ....
انا محضرتلوش ولا محاضرة لكن قريت معظم كتبه تقريباَ
الراجل ده بيعمل حاجة ظريفة جداَ .. بيقولك كلام إنت عارفه كله و لكن بيفندهولك
يعني إنت من جواك عارف إنت ممكن تعمل إيه .. هو كل اللي بيعمله بيشيل التراب من علي إرادتك الهمدانة
و بيقولك إنت تقدر عشان كذا و كذا و كذا .. و عشان تنفذ إنت المفروض تعمل كذا و كذا و كذا
و بيبقي كلام إنت عارفه كله بس هو اللي بيعمله التفنيد و التحفيز .. و انا شايف ده مطلوب خصوصاَ لو حد بيواجه مشاكل في حياته بيحتاج النوع ده من التواصل حتي لو في شكل كتاب أو محاضرة .
اتفق معك جملة وتفصيلااقتباس:
المشاركة الأصلية كتبت بواسطة ahmedmohamedkamel
مع احترامي لكلام حضرتكاقتباس:
المشاركة الأصلية كتبت بواسطة ahmedmohamedkamel
بس فيه مثل قديم بيقولك
انت لا تحتاج لتأكل السمكة كلها لتعلم انه فاسدة
اتفقت الاراء
انا كنت عايز اقول حاجتين بس
كان نفسي يكون النقد اوضح من كدة زي ما قال الزميل يعني نلمس العيوب والمزايا بنقاط واضحة عشان نستفيد لكن مش نهجم في الشخصية نفسها زي بعض الصحف
النقطة التانية اعتبروه بوفيه مفتوح
بمعنى خد منه اللي يفيدك ويهمك وسيب الباقي
هو بنفسه اللي قال كدة على نفسه
تحياتي للجميع ...
يا جماعه بالهداوهاقتباس:
المشاركة الأصلية كتبت بواسطة Hossam_Hassan
الموضوع لو حد يحب يعرف عنه اكتر لأن واضح ان الناس متمسكه بمدء ان الناس عموما اعداء ما يجهلون و نازلين سلخ في فروه د. ابراهيم الفقي
الموضوع اساسا مش من تأليفه ولا اختراعه ولا كدب و هجايص و اشتغالات
ده علم جديد نشأ من فروع مختلفه من العلوم و يحضرني منها و يا رب الذاكره متخونيش علم النفس و علم الاجتماع و كان في حاجه تالته
هو اسمه neuro linguistic programming و اختصاره NLP
و ده علم مهم جدا جدا و الناس بتتهافت علي حضور الدورات بتاعته لأنها مؤثره جدا في حياتنا اليوميه
و لو حد منكو يحب ممكن يعمل سيرش و ينزل شويه كتب عن الموضوع ده من غير ما يدفع ولا مليم
و ساعتها يقدر يحكم هل هو شيء مفيد ام لا
اما رمي التهم جزافا كده شيء غير صحيح
انا قريت في الNLP من غير ما اروح ليه اي دوره من مبدأ توفير الفلوس انما ليا واحد صاحبي اخد مش بس دورات عاديه انما دورات تأهيليه للتدريس و حاليا بيشتغل كويس في الموضوع ده و بيحاضر و بينزل كتب كمان
اسمه د\ شريف عرفه يمكن حد فيكو سمع عنه لأنه كمان كان ليه سايت كاريكاتور علي النت اسمه http://www.3arafawy.com/
فياريت الكلام يكون عن علم و بالراحه احنا مش هنطلع فلوس من جيبنا نحطها في جيب ابراهيم الفقي او غيره
احنا هنا بنفيد بعض
اقتباس:
فياريت الكلام يكون عن علم و بالراحه احنا مش هنطلع فلوس من جيبنا نحطها في جيب ابراهيم الفقي او غيره
احنا هنا بنفيد بعض
فعلا يا دكتور امير كل المقصود اننا نستفيد بغض النظر عن اي اعتبارات تانية
يا جماعة والله انا مستغرب اوي اوي من الردود اللي فيها عدوانية واضحة وسبب استغرابي ان احنا في كل المواضيع اللي في المنتدى دا تحديدا بتتناقش بحق بموضوعية شديدة بعيد عن اي شئ
يعني اكيد الراجل فيه حاجة صح مع ان انا عن نفسي شايف انه ناجح جدا
والتنمية البشرية علم فعلا مش معترف بيه في مصر انما دا مؤثر جدا في الدول الغربية
مين هنا بيهتم بالانسان ولا نفسيته سواء في البيت او الشغل او اي مكان
لكن هناك انتاج الانسان اضعاف اضعاف هنا لأنه مؤهل بشريا بشكل ممتاز
دا على المستوى الفردي
طبعا على المستوى الدولي
هما بيتفوقوا علينا بكتير لأن هما برضو بيلعبوا بنقط كتير منها التأثير النفسي قبل اي حاجة
يعني بيخلوك تفقد ايمانك بنفسك وقدراتك وبالتالي تري الوحش الغربي الرهيب بكل قدراته فإحنا هنا عاجزين حتى عن التفكير
اعتقد اذا كانت الدول الغربية بتفخر براجل زي دا ان هو طور العلوم دي عندهم اعتقد من باب اولى اننا نفخر بيه احنا او على اقل تقدير نستفيد بالنقاط الايجابية اللي فيه لأن هو لا نبي ولا رسول مش كل حاجة فيه صح وفي نفس الوقت مش ابليس الراجل ما أذاش ولا ضر حد بالعكس
انا عن نفسي حضرت له مرتين وسمعت له قبل كدة محاضرات
فعلا مخسرتش حاجة بالعكس
ومش لازم تدفع فلوس انت ممكن تقرأ له او تشوف له محاضرات من خلال الانترنت
ومش عايزين عادة اعداء كل ما هو جديد تسيطر علينا بالعكس شوف وادرس وقرر في الاخر
يا د/ أمير، انا وضحت فى مداخلتى انى باشتغل فى مجال التنمية البشرية من خلال مجال الضيافة من 9 سنين فى 3 من اكبر سلاسل الفنادق فى العالم و خبرتى الأجمالية فى صناعة الضيافة بكل فروعها حوالى 15 سنة، يعنى عارف انا بقول ايه و مش "باجهل" امور سطحية تعتبر سبوبة لناس كتير، و فى نفس الوقت لا توجد اى مصلحة لى فى سلخ فروة الأستاذ ابراهيم الفقى، انا قلت رأى عن خبرة و تجربة و دراسة و ممارسة، يبقى مفيش داعى لتفسير الرأى ده على انه جهل او تحيز.اقتباس:
المشاركة الأصلية كتبت بواسطة amir
علي فكره هو بيطبق ال nlp و بيشرحها فقط معنديش علم اذا كان اضاف ليها شيءاقتباس:
المشاركة الأصلية كتبت بواسطة Dream286
حسام باشااقتباس:
المشاركة الأصلية كتبت بواسطة Hossam_Hassan
انا استشهدت فقط بموضوع ان الانسان عموما عدو ما يجهل
لكن اني اقول عليك جاهل يبقي مبفهمش حاجه
لأني مهما اوتيت من علم اكيد في اكتر منه عند ناس تانيه
ده حتي اللي احنا بنقول عليهم جهله و اميين دول لحنا بنقول كده علي اساس انهم مبيعرفوش يقرو و يكتبو انما لو بالحكمه و الرزانه ممكن يكونو اغزر منا جميعا
و طبعا خبرتك في المجال ده تديك الحق في نظره موضوعيه و مباشره لكن هل اديت نفسك فرصه حضور احدي الدورات ولا قريت احد الكتب عن الموضوع؟
سيبك من الراجل ده و اسلوبه و كل حاجه بس لو قريت الكتب المتوفره علي النت علي موضوع ال nlp ممكن تلاقي حاجه مهمه بالنسبالك
انا عن نفسي الموضوع افادني كتير
ده مش تشكيك فيك لكن بجد ممكن تلاقي الموضوع شيق و مفيد
يا د/ أمير انا حضرت محاضراته اكتر من 10 مرات و شفت له برامج كتير و عندى اغلب كتبه - مش بشتريهم، هو دايما بيسيب نسخ لما يعمل محاضرات فى الفندق عندنا.اقتباس:
المشاركة الأصلية كتبت بواسطة amir
اما عن ال NLP، فده من الأدوات الرئيسية اللى بحب استخدمها فى شغلى و الحمد لله بيجيب نتائج كويسة، صحيح مش بنفس النسبة اللى ممكن يحققها فى المجتمعات الغربية اللى فيها ناس بتقراء أكتر، بس برضوا بينفع مع حالات معينة. و صدقنى أ/ابراهيم الفقى لم يضف لهذا الفرع من تطبيقات علوم التنمية البشرية و انما يستخدمه بذكاء لتنمية شغله و باختلف معاه بشدة فى كمية الألقاب و المصطلحات اللى بيستخدمها علشان يخلى اللى بيسمعه يقتنع بيه و لو تلاحظ، هتلاقى انه لازم يسرد تاريخ نجاحه فى كل أغلب محاضراته و كل هذا التاريخ من جامعات و معاهد اغلبها على الورق ملهاش حتى مبنى.
على فكره الراجل ده جامد اخر حاجه وبيقول كلم حلو جدا بغض النظر عن طريقته فى الكلام يعنى فى ناس تقول ده بيعصبنى وده مش عارف ايه بس بجد اتفرجو عليه وجربو النصائح الى بيقول عليها والله نصايح جمده جدا