تفتكروا المنتديات تأثرت بالصفحات المتخصصة لانواع السيارات على الفيس بووك؟؟ يعني هل تلاحظ ان بعض انواع السيارات لهم نشاط وتفاعل اكبر على صفحات متخصصة على الفيس البووك اكتر من المنتدى لنفس نوع السيارة؟.. ما رأيكم ادام الله عزكم؟
عرض للطباعة
تفتكروا المنتديات تأثرت بالصفحات المتخصصة لانواع السيارات على الفيس بووك؟؟ يعني هل تلاحظ ان بعض انواع السيارات لهم نشاط وتفاعل اكبر على صفحات متخصصة على الفيس البووك اكتر من المنتدى لنفس نوع السيارة؟.. ما رأيكم ادام الله عزكم؟
انا مش شايف اي تأثير
ولا يمكن انا فاهم غلط ... بس انا شايف عامةً ان الفيس حاجة والمنتدى حاجة تانية ... حتى طبقة الناس الي بتفوت على المنتدى بتلاقيهم ناس بالغين ومحترمين وراقيين بعكس الفيس الي ممكن تلاقي تالت تربعوا اطفال واكبر كلمة يقلوها هيا شتيمة ... لكن لو قلنا على حسب مافهمت من كلامك على موضوع العربيات. فالمنتدى يعتبر مرجع كبير لكل فتفوته في العربية وتجارب اتعمل بيها مواضيع بعكس الفيس الي هيبقى بوست وخلاص ... وتحياتي
ياريس باشاشا كلامك مظبوط
انا شخصيا المنتدى بالنسبه ليا اهم من الفيس يعنى مام ينفعش يفوت عليا يوم من غير ما ادخل المنتدى لكن لافيس عادى
بس فى الاخر ده ليه مميزاته وده ليه مميزاته
متفق جدا مع كلام استاذ ياريس بخصوص ان الفيس مليان اطفال او خلينا نقول ان هما اللى نشاطهم اكبر ف الفيس
لكن صعب انك تلاقى عيل من دول مشترك ف منتدى متخصص زى منتديات العربيات مثلا لانه مش هيعرف يتفاعل مع الاعضاء و الموضوع مش هيبقى ممتع بالنسباله
عامة الفيس افضل ف ناحية الاجتماعيات لكن صعب انك تطلع منه بمعلومة مفيدة
عكس المنتدى المتخصص اللى عدد الاعضاء فيه و امكانياته اكبر من اى بيج ع الفيس
مستحيل أشارك علي الفيس بوك سواء عربيات أو غير عربيات لأن أبسط رد هاتخده من المخالف لك في الرأي أو عنده معلومه مختلفة عنك أنه هايشتمك و يجرح فيك
لكن المنتدي أغلبية أعضاءه تأمل إنها تقابل بعضها و تفيد بعضها و كلنا بندخل علشان بنحب حاجه مشتركه و طالما فيه حاجه مشتركه بيننا يبقي هايبقي فيه تفاهم حتي و لو كان فيه شد و جب في بعض الأحيان إلا إنها بتنتهي بتلاقي وجهات النظر غالبا
غير الفيس كل حبة بيكونو عصابة و لو أحد أفراد العصابة غلط بيساعدوه علي الغلط و يغلطو معاه
صديقي المواطن
قولا واحدا المنتدى وحدة بناء ونواة داخل المجتمع ومنه تقدر تكون صداقات تدوم العمر كله ولكن الفيستوك والمواقع اﻹجتماعية اﻷخرى لا تمكنك من إنتاج صداقات وتوسيع دائرة علاقاتك الوطنية وكمان مننساش إن هنا بنخلط الحياة اﻹجتماعية مع السيارات وبنعمل مقابلات ومبنحضرهاش فالحياة جميلة هنا وكمان بقينه متعودين على كل اﻷعضاء حتى الوحشين واللي شغلتهم يشتموا في كل الناس دخلنا يوم ومكانوش موجودين بنفتقدهم وبنقول يااااه مين حيشتمنا ويشيلنا حسنات النهارده
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
المنتدى بالنسبه ليا اهم 100 مره من الفيس بوك .. الفيس ده اخر حاجه بفكر اعملها فى اليوم ده اختراع فاشل اصلا مع احترامى ..
رايي ناس كتير بتشوفوه مش حيادة
لكن ابسط قاعدة واضحة وصريحة تقدر تقولي اي مشاركة ليك تعبت تقدمها لمحتاج ليها علي جروب علي الفيسبوك مصيرها ايه بعد ما تعبت وجبتها وجبت صور ليها وقعدت تكتب وتشرح
ولا اجة هايستفيد بيها الشخص ويمكن كام واحد تاني وتنتهي زي ما تكون في شات
لا في ارشيف
لا في محرك بحث يجيب المعلومة بعد سنين
لا في اعضاء كتير بتفهم في نفس الموضوع عشان يجيبولك معلومات اكبر
غير نقط النظام
غير الافتقار لروح التعاون بجد
مفيش مشرف ينظم ويرتب ويعمل تاجز للموضوع ويحطلك صور لو محتاج ويجيبلك لينك موضوع واتنين وتلاتة
ياااه
الكلام اكبر بكتير
هنا قاعدة بيانات كاملة مع نادي متكامل الخدمات وناس فاكراك وعارفاك وعارفة اصلك وعايزة تساعدك
الفيسبوك زي زيارتك لقهوة تاخد منها كوباية شاي وتمشي وممكن ترجعها تاني بس محدش هايفتكرك ولا هايفتكر طلبك
موضوع حلو
بص انا بحكم خبرتي في المجال دة لان جدي شغلي من حوالي 5 سنوات
استطيع ان اقول ان المنتديات البميرة ولالمشهورة فقط هي التي لها الغلبة علي صفحات الفيس بوك
لكن الفيس بوك يبكون انتشارة قوي في الاجتماعيات لكنلو عايز معرمة موكدة الي حد كبير المنتديات افضل طبعا
مفيش شك الفيس بوك قفل منتديات كتير ولكن يبقى للمنتديات بعض المميزات اللي معوضهاش الفيس بوك زي الاتصال المباشر والترابط بين الاعضاء وزي سهوله الوصول للمعلومه وهتفضل المنتديات المتخصصه موجوده لفتره مش قليله ويمكن الفيس بوك نفسه يبقى موضه قديمه قبل ما المنتديات تنتهي.
نعم تأثرت للأسف ..
فكره انشاء صفحه على الفيس بوك اسهل بكتير من انشاء منتدى كامل وشراء سيرفرات وخلافه
فكره اداره الصفحه والمحتوى ونشر المعلومات اى كان صح او غلط فهى برضه اسهل بكتير من اداره منتدى بمحتوياته
وكل واحد بسبب الفيس بوك اتحول من يوزر داخل المنتدى لادمن صاحب صفحه وبيقول رايه للناس من فوق برج عالى لدرجه ان فى ناس وصل بيها كاتب فى وظيفته على لفيس بوك انه مدير صفحه
فلهذه الاسباب تم سحب عدد كبير جدا من مستخدمين المنتديات الى الفيس بوك وزى مافى الوحش فى الحلو وفى صفحات مفيده جدا كمان وبيتعمل مقابلات خاصه وانا نزلت اكتر من مره ايفنت لسباق الدراجات فى شيراتون واتعرفت على ناس كتير وكان ممتع جدا
وله ايضا جانب قوى فى التسوق وبقا اكل عيش ناس كتير دلوقتى الى مسمين نفسهم "Social Media Marketing "
SMM Carrier
ده رايى والله اعلى واعلم
والله انا شايف ان الفيسبوك افسد كل حاجة جميلة
الفيس بوك سحق المنتديات ضعيفه المحتوى
المنتدي عبارة عن موسوعة شاملةومتنوعة ( اوبن بوفية) اما الفيس فهو المختصر المفيد (تيك اوي) ولكم تحياتى،،،
طبعا اتأثرت وبشكل كبير كمان
يعني مثلا بنفس المنطق
هل تأثرت مكالمات الهاتف الدولية بمكالمات الانترنت مثل فايبر وسكايب ؟؟
طبعا الاراء مختلفة في هذا الامر ولكن من حيث الواقع وحيادية
فالمواقع الاجتماعية الاخري مثل الفيس بوك وتويتر والانستجرام فتت كتلة مستخدمي المنتديات
بما اني متخصص في المواقع الاليكترونية وكنت ادمن اكبر منتدي عربي (dvd4arab) وبما اني قمت بابحاث ومؤتمرات مع شركة ياهو العالمية فان بالفعل المواقع الاجتماعية فتت كتلة مستخدمي المنتديات التي كانت مستحوذة علي مستخدمي الانترنت حين ذلك وكانت وقت ذروة المنتديات من عام 2004 الي عام 2009
فشهدت ال 5 سنوات هذه ذروة التفاعل والتواصل وحينما بدات المواقع الاجتماعية الاخري مثل الفيس بوك وتويتر ومع دخول الموبايلات الذكية مثل الاندرويد والايفون وسهولة استعمال برامج الفيس بوك وتويتر والانستجرام وتستطيع الوصل الي المهلومة من قلب الحدث وليس في وقتها كما كان فاصبحت هذه المواقع او البرامج اكثر سهولة ويسر من المنتديات التي لها قالب اعتيادي ولن تجد مبتغاك بنفس سرعة الفيس بوك وتويتر
ولكن هناك منتديات متخصصة بعض الشيء هي استثناء من ذلك
طبعا أتأثرت ،،
أولا مش كل الناس واخدة علي سوفت وير المنتديات
التعامل مع الفيس بوك أسهل و جمهوره أكبر
ثانيا : فيه حرية و سهولة أكبر في إنشاء أي حاجة ،
بس لا زال المنتدي أقوي بكثير فهرسة ، و بحث و وصول لمعلومة
ده يمكن ميفرقش كتير مع المستخدم اللي عايز معلومة اخطف و اجري
و ده أغلب المستخدمين
عموما المنتديات اعتبرت الفيس بوك وسيلة و استافدت بيه برده