لو سمحتوا يا جماعه انا لسه بتعلم سواقه يعنى سقت بتاع حوالى 10 مرات كده وطبعا لسه الزوايا عندى مش متظبطه وعاوز اشترى عربيه مستعمله ان شاء الله بس مش عارف ناس بتقولى اشترى عربيه تعبانه زى 127 او لادا وخبط فيها براحتك عشان متزعلش على الخبط وناس بتقولى هات عربيه محترمه واتعلم عليها برده عشان القديم هتصرف عليه كتير وهيبوظ كل شويه وكده انتوا ايه رايكم لواحد لسه بيتعلم
هههههههههههههه حلوة هات عربية مستعملة واقعد خبط بيها دي ... لحد ما تتعلم السواقه :)
طيب والناس التانية زنب عربيتها ايه. ... بص حضرتك كان في لعبة زمان. موجودة في اي ملاهي اسمها عربات التصادم. بتقعد كده حضرتك وده يخبطك. وانتا تخبطوا وهو يرجع يخبطك وتفضلوا كده لحد ما الدور يخلص وترجعوا تقطعوا تذكرة تاني ... لكن في الحقيقة مفيش الكلام ده. انتا لو خبط لواحد فانوس ولا حتى مرايا. هينزل يطلع - - - - - ومش بعيد يرتكب جريمة خاصة ان الناس بقيت روحها في مناخيرها والناس شقيانه وتعبانة في القرش ... لذلك. انا لوجه الله بقول لحضرتك اشتري عربية بسيطة وعملية. وتناسب احتياجاتك ... اما صدقني السواقه بتتعلمها وتحترف فيها بعد كام حصة. وتجربة. على تجربة ومعلومة على معلومة بقيت بروفيشينال ... عامةً انا معرفش انتا حاطط رينج كام لعربية لكن انا بصراحة بشجع الشباب الجديد الي عاوز عربية يا يجيب هونداي فيرنا يا لانوس. ممعهومش حقها يبقى يجيب. سوزوكي ماروتي او التو عربية ممتاز واصيلة ومحترمة وعلى قد الايد. بتشم البانزين وقطع غيارها معمره وعلى قد الايد وبالتوفيق يا عزيزي .
اولا شكرا على ردك يا ياريس بس انا معرفش الدنيا فى السواقه على الطرق عامله ازاى ولا تكاليف صيانه اى عربيه عشان كده انا عرضت وجهتى النظر اللى اتقالتلى انا فى امكانياتى انى اجيب حاجه فى حدود 75000 بس خايف تتخبط منى ومعرفش تكاليفها ممكن تبقى ايه
مفيش حاجة اسمها تشتري عربية تخبط فيها براحتك لان العربيات اللي هتخبطها دي اصحابها مالهمش ذنب غير كده لا قدر الله ممكن تيجي في حاجة اكبر من كده وتخبط بني ادم
السواقة مش صعبة اهم حاجة تاخد ثقة ماتسوق وتسوق بالعقل
اما موضوع العربية اللي في حدود 75 الف دور في الجديد والمستعمل والاريح ليك توكل على الله وهاتها
لانك مش محدد بالظبط انت عاوز ايه من العربية
الناس اللى كانت بتكلمنى مكنتش تقصد انى امشى اخبط فى الناس هما قصدهم انى احك عربيه فى رصيف او فى عمود فى الملفات الخ......
والله انا زيك متعلم سواقه جديد وناوى اجمد قلبى واشترى عربيه زيرو جديدة وعينى على الامجراند7 اتكل على الله وجمد قلبك وخلى عندك ثقه فى نفسك وتحياتى لك بالتوفيق والنجاح
اقتباس:
المشاركة الأصلية كتبت بواسطة dr.spiderman20
بص يا دكتر حضرتك دكتور
هل لو خفت تفتح بطن مريض هل تتوقع انك تعالجوا وانتا خايف او ايدك بترعش ... خوفك. بصفه عامة ده منطقي وظاهرة صحية وحلو لو ترجمتو انك تكون حريص ... لكن صدقني اشطر الناس وامهرهم في السواقه بيخبطوا لا قدر الله وعربيات غالية جداً. كل شيء قضاء وقدر بس احنا بنقول نتعلم. صح الصح. ونرمي اتكالنا على ربنا ... ولمن يكون عندك عربية غالية وكويسة ده هيخليكي اكتر حرص عليها وتخاف عليها وعلشان. خاطر عيونها تتعلم اكتر واكتر. وتبقى ممتاز .
ولازم تحط في اعتبارك ان العربية لو اتخبطيت ده مش نهاية الكون. ... صحيح انك بتزعل. واحيانا بتنشل هههه. بس. برضوا مش نهاية الدنيا وهيا دي الدنيا. عامةً السعر الي معاك ده ممكن تجبلك مش عارف بس عامةً ممكن تفكر في فيرنا او لانوس او افيو كسر زيروا يعني تكون عربية معداش عليها سنة او سنتين بالكتير ولسه بحالتها ... في عربية صيني. كمان ممتازا اسبيرنزا. M13 خش على جوجل وشوفها. في برضوا عندك. سوزوكي ماروتي. زيروا او سوزوكي التو كمان تحفة عربية صغيرة ومحندقة بس. لزيزة تركنها في اي حته وتوفر معاك في البانزين
حاول. تشوف حد من صحابك يكون فاهم في العربيات ويشور عليك وسيبك من العربيات القديمة المستعملة. الي طالعان عينها وهطلع عينك معاها. وعلى ميكانيكية وكهربائية وسمكرية ووجع دماغ ... وانتا شكلك على اول طريق الطب يعني لسه فاضلك سنة امتياز. ولسه هتتخصص ولسه. هتحضر ماجستير ودوكتراه يعني من الاخر مش فاضي لوجع الدماغ فهات اي حاجة جديدة تكون على قد ايديك وشكلها يعجبك ومتخافش ومتقلقش. من اي حاجة او من السواقه ... العملية كلها زي شاكيت الابرة :) ... وتحياتي
الف شكر يا باشا متحرمش منك يا رب انا ناس قالتلى على لانسر بوما او نيسان صنى موديل 2006 ايه رايك فيهم مستعمل
لو عايز عربية اوتوماتيك وتتعلم عليه في الرينج دة فاحسن حاجة اوبترا
سامحنى انت لو اتهورت وجبت جديد ولا عربية حديثة شوية لو اتخبطت منك هتزعل اوووووووووى اوووووووى لما الفانوس يبقى 200 300 جنية و الخبطة قلبك هيقطع عليها عارف اشترى عربية فيرنا او لانوس عربيات قطع غيرها رخيصة اووى و اى خبطة مش هتزعل عليه و اكيد فى بداية سواقتك هتخبط اكييييد وربنا يستر عليك العربيات دى مسكة سعرها اوى يعنى بعد فترة لما تتعلم و تبقى محترف شوارع مصر و تاخد التطعيم ضد المكروبصات ههههه و النقل تشترى العربية الى انتا عوزة
هات 127
بس العربية الي بعدها تبقي قريبة كحجم
رأيي تجيب لانوس او فيرنا يعتبرو وسط بالنسبه للعربيات مش كويسين اوى ولا وحشين اوى ومش هايتعبوك فى السواقه وقطع غيارهم رخيصه اهو احسن ما تجيب عربيه غاليه وقدر الله يحصل حاجه وساعتها بيكون فى زعل جامد .