بص يا باشا انا عانيت من الموضوع ده سنينن ولازلت ولكن افضل الحمد لله
احب اقولك ان من ارخم الامراض تعب المعده والارتجاع لانك بتحس انك مش مظبوط
حاجه خنفاك او كبسه على نفسك وسعات وجع فى صدرك ولو ركبت مواصله لمسافه طويله ممكن تتعب وحاجات كتير والمشكله انك لما بتروح للدكتور مبتبقاش عارف تشتكيلو بقيه لان مفيش حاجه محدده
وللاسف اغلبيه الدكاتره عندنا ماشيين باسطمبه ادويه حاسس بكذا طيب خد العلاج الفلانى
انا والله اعدت حوالى سنتين اتعالج وكنت كل علاج اجيبه اقرا الروشته لحد معرفت ان فيه حاجه اسمها المكروب الحلزونى قلت للدكتور ايه رايك اعمل تحليل قالى ماشى وطلع عندى
اخدتله علاج لحد ما راح
بس مشكله الارتجاع ده غالبا بتروح وتيجى بس بتتاقلم معاها وفيه علاجات لتقويه عضله المعده اللى المفروض بتقفل عالاكل عشان ميرجعش
وحاجه كمان الارتجاع ده دايما حيخلى عندك مشاكل فى الحلق لانك وانت نايم العصاره المعديه بترجع فى زورك وبتسسبلك التهابات
انا على فكره كنت زيك بالظبط وروحت لدكاتره نفسيين كتير لانى مكنتش عارف فين المشكله
نصيحتى ليك
اولا حاول تشغل نفسك
تتمشى كتير
تاكل قبل النوم بساعتين
متاكلش حاجات حراقه وابعد عن النعناع
لو موضوع الارتجاع فضل بعد المكروب حاول تروح لدكتور باطنه كويس حيكتبلك على علاج غالبا بيقعد 6 شهور
وانشاء الله حتحس بتحسن
المفضلات