فى راى الاسود بس فى مصر هيكون متعب جدا
عرض للطباعة
فى راى الاسود بس فى مصر هيكون متعب جدا
الابيض عليها تحفه بصراحه
Avant-Grade "Bronze" is really good :)
اللون الفيرانى ..... تحفه .
برونزي
اللون ده راحه نفسيه
حسب إرتياحك
انا لو مكانك هاخد غامق عشان الشغل اللي فالعربية يبان زي الجنوط واليدات والفوجات والفانوس والشبكة ألامامية
عيوبه طبعا في أنه أأقل شوية تراب بيبانو فالعربية ناهيك عن سخونة فصل الصيف
أيضا إختفاء لمعة الفابريكة مع الوقت وده حله سهل ومممكن تعمل تلميع وتشميع عشان اللون يظهر مرة كمان
اللون راحه نفسيه بس فيه حاجه من وجهة نظرى ان كل عربيه وليها اللون الاكثر مناسبه لها وده راجع لشكل تصممها
يعنى الاحمر مثلا بيكون اللون الاول لعربيه وبيكون اللون الثانى لعربيه تانيه
وديه صوره عشان تساعد
http://nileup.com/up/uploads/nilemotors_13926297931.jpg
نقول الابيض ثم الفيرانى ثم الأسود
الأحمر والأزرق اسبور شويه
الحيرة في الالوان دايما:
*الغامق شياكة و مبين النيكل كروم و لكن مشاكل تراب و خرابيش و امتصاص للحرارة.
*الفاتح احسن في الخرابيش و التراب و امتصاص الحرارة بس مش مبين النيكل كروم و الغامق اشيك.
انا حبيت البرونزي لثلاث اسباب:
1.لونه بيتغير, يعني لو شفت العربية الصبح هتشوف لون مختلف شوية بالليل.
2.واخدة مميزات الغامق و الفاتح لانه متوسط , كويس جدا في التراب و الخرابيش وواخد شياكة الغامق برضو و مبين النيكل كروم اللي في العربية.
3.لون جديد و مش منتشر.
محتاااااااااااااااااااااا ااااااااااااااااااااااااا ااااااااااار
الأبيض عاجبني بس أنا زهقت من الأبيض... ومحتار حاليا بين الفضي والفراني...
انا كنت واقع ف الحيرة دى اول لما كنت بقرر الشراء
الابيض كان كويس بس بيعجز بسرعة والخرابيش بتبان لان بتبان البطانة السودا
الفضى .. فاتح والى حد ما مش هيبان فية التراب والخرابيش ولون مرغوب وف عربيات كتير
الفيرانى .. جميل وشياكة بس كان عندى قبلها اللون دة وزهقت من كتر مسك الفوطة كل شوية وكل طلعة بالعربية
وف الاخر جبت الفضى
الفيراني ثم الفضي
الأبيض ثم الفضي ثم الفيراني، الأسود جميل بس ما ينفعش في مصر نهائي
الفيرانى تحفه عليها ..
الابيض سيد الالوان
أنا كاني عاجبني اللون الفيراني جداً وشكله حلو واشتراه صديق لي، والآن يشتكي منه ويقول إن هذا اللون يحتاج نظافة كل شوية والألون الغامقة في مصر وأجواء مصر لا تصلح.
متابع
الاسود طبعا اكيد
يا جماعة محدش اقترح ليه الابيض اللؤلؤي ( الصدفي ) خرافة على الكوروﻻ 2014
اسود ثم فضي ثم ابيض ثم فيراني
الفراني لون جميل جدا عليها وفي تضاد متناسق بينة وبين النواكل اللي في العربية
الابيض اللؤلؤي تحفة .. بس وبكلام التوكيل مش هتعرف تعمل اي حاجه خاصة بادهان بره التوكيل ... وده معناه ان كل حاجة هتبقي تغيير (التوكيل مبيصلحش)
الاسود جميل بس التضاد في الالوان عالي جدا بين اللون والنواكل
الفضي جميل بس مش مبين النواكل خالص.
انا توكلت علي الله وحجزت الفراني
وبرضة ديه في الاخر بتبقي ازواق وراحة نفسية
اقتباس:
يعني لاقدر الله لو فية اي خبطة بسيطة عاوز دهان مش هتعرف تجيب اللون بره التوكيل.
لازم تدهنها في التوكيل ... ومشكلة التوكيل انه مش بيصلح ... بيغير علطول.
معلش لو تسمحلى هعلق شوية على الجمله دى
مفيش حاجة اسمها مش هتعرف تجيب اللون من بره التوكيل
تعال نفكر بصوت عالى بمنطق كدة
هو التوكيل جايب البوهيه او الدهان منين متصنعه للتوكيل دون غيره (( اكيد لا ))
كان زمان ممكن اقولك الكلام دة ينفع بس دلوقتى صعب
ليه بقول الكلام دة لان العربية دلوقتى الالوان مش زى زمان افضل اضرب الوان فى بعض علشان اقدر احصل على درجة اللون
يعنى زمان كنت تروح بالعربية بتاعتك لبتاع البوهيه يقولك لا لا تعال الصبح علشان اقدر اضرب البوهيه ونجيب الدرجة الصح بتاعته
دلوقتى مبقاش فية الكلام دة دلوقتى كل عربية ليها كود اللون الخاص بيها
وبيختلف مكان من عربيه للاخرى وعندنا فى الكورولا موجود على القايم الشمال بتاع السائق
وبالكود دة تقدر تجيب البوهيه بتاعتك من انظف انواع البوهيات الى ممكن حضرتك عايزها
انا مثلا جبت البوهيه دى من نوعيه عربيتى الكود بتاعتى اخدته ونزلت جبت بوهيه اسكنز علشان ارش الشارك الى بيركب على سقف العربية
وبالفعل جبت البوهيه بنفس كود اللون بتاعتى واترش وزى الفل وكذلك ينطبق على اى لون فى الدنيا