عاوز اعرف رايكم في مشروع car care السيارات.....؟

**nader1117** · 18-12-2010 01:59 PM

والله انا بفكر بنفس المشروع ولكن خايف ابدا لوحدى بس سالت كويس من كذا مكان للغسيل فادونى شوية بافكارهم و كيف ابدا

**mailo** · 18-12-2010 04:09 PM

من شهرين كنت بأتكلم أنا وواحد صاحبي في المشروع ده وقالي إن تكلفته مش عالية قوي بس كنت بفكر فالمكان
امبارح بقى كنت بكلم واحد قريبي وهو كان بيفكر يعملوا بس قال لي تكلفة خطين حوالي ربع مليون غير المكان هو كان ناوي يعملوا زي مكان كده فالعباسية بيطلع الفرش ولكراسي ويرجع العربية زيرو
أنا كنت فاكر إن الموضوع كله مكنة فوم وهوفر والخرطوم بتاع الكيماوي وكده و صنايعي جامد زي البنزينة كده
الاهم من مستوى المشروع المكان اللي إنت هتفتح فيه لازم المكان ده يقبل الخدمة اللي إنت هتقدمها

**Moh.Fahmy** · 18-12-2010 04:10 PM

ربنا يوفقك يا زعيم و يكون قدم خير عليك ان شاء الله
هو المشروع ممتاز جدا و مربح
لكن نصيحتي انك في البداية لازم تستعين بصنايعي يكون شغال في الموضوع و مش من اي مكان لحد ما تتعلم منه اسرار الصنعة صح - دي حاجة الحاجة التانية الخامات اللي حتشتغل بيها لازم تبقي انضف خامات عشان تطلع نتايج كويسة و زيه زي اي مشروع ما تنتظرش منه ارباح في البداية لان فترة البداية دي بتكون فترة الانتشار و الدعاية و لازم يكون فيها تضحية منك كتير - مثلا تعمل تخفيضات جامدة لاعضاء نايل موتورز و ده مش هزار لان التجربة حتكون خير برهان و السلعة الجيدة بتعلن عن نفسها لوحدها لكن بعد ما تكون انتشرت كويس
و ربنا يوفقك ان شاء الله و انت لو من اسكندرية انا تحت امرك في شيء