عرض للطباعة
محتاج رايكم ياخواتي الاعزاء في مشروع الكار كير والغسيل الشامل للسيارات...
المشروع ده حلو ولا لا...؟
وايه هيا مقومات نجاحه....؟
ولازم يكون الشغالين فيه خبره قويه في هذا المجال ولا ممكن اشتغل فيه بنفسي انا او اي حد مشتغلش فيه قبل كدا ....؟
وعاوز اعرف ايه المعدات والمواد اللي هستخدمها في المشروع ده وازاي اتعلم عليها صح.....؟
وبصراحه في اسئله تانيه كتير بس مش هقولها غير لما يكون في مشاركات معايا:Lighten:
:wink::wink:
انا في انتظار ردودكم وشكرا
ايه ياجماعه محدش عنده رد خالص في الموضوع ده
عموما انا اسف اذا كنت ازعجتكم بسؤالي
يا عم تيمو اصبر بس يمكن محدش عنده فكره.:)
بص هو المشروع مربح لو بقي ليك سمعه كويسه و فاتحته في مكان كويس
بس محتاج خبره
علشان الكيماويات اللي حتنضف بيها
و تنضيف غرفه المحرك مع وجود حساسات في الموديلات العاليه
لو مفيش عنايه و حذر ممكن تعمل مشاكل لا قدر الله.
عموما حاول تشوف اي واحد معرفه عامل المشروع دا و اسأله
علشان تقدر تقيم الامور صح
و اللي يشتغل معاك لازم يكون فاهم مش اي حد و خلاص
اولا شكرا ليك ياحازم علي مرورك
ثانيا بالنسبه لموضوع غسيل الموتور اكيد مش هيكون بالماء والجاز زي كتير من محطات الخدمه ما بتعمل ..انا اعرف ان في زي اسبريهات او فوم مخصص لغسل المواتير وبتخلي الحوض زي الفل وفي نفس الوقت بتكون فعاله جدا وامنه علي المواتير والاجزاء الحساسه وبعدين اللي انا اعرفه ان الحساسات اللي موجوده في الموديلات العاليه بتكون مؤمنه ومتغطيه كويس وخصوصا اني مش هضرب خرطوم مياه في الحوض ولا ايه رايك.....؟
انا للا سف معرفش حد عامل الموضوع ده عشان كده قولت اسئلكم وخصوصا ان المنتدي ده فيه خبرات جميله جدا وقويه وانا استفدت منه في حاجات كتير...
اللي اعرفه كمان ان كل حاجه في العربيه ليه مواد مخصصه ليها زي الصالون-غرفه المحرك-التابلوه-الكراسي سواء جلد او قماش-الجنوط-الكاوتش.....
وكلها تقريبا علي هيئه اسبريهات او فوم وطرق استخدمها سهله
فممكن اعرف ايه الخبره اللي مطلوبه عشان استخدام المواد دي...يعني انا راي لو واحد هاوي وحابب الموضوع ده جدا ممكن يكون احسن من ناس كتير شغلين في الموضوع ده لمجرد انه مصدر رزق
اولاً اهلاً بيك .......
طبعاً المشروع كويس جداً بس عايز خبره شوية لان فعلاً العربيات الجديدة معزمها علي كارتات و طبعاً الحاجات دي لو طلها المياه انسي العربية حتبقي عملة زي حتت الحديد
فالموضوع عايز تركيز علشان يكون في السليم دا غير العمال الي لازم يكون عندهم فكر في المواضيع دي
و لكن كا مشروع فهو مشروع محترم و مفيد جداً و انا بصراحة بحب مبدأ التخصص في الشغل و كمان مربح جداً
و ربنا يوفقك
و كل سنة وحضرتك طيب
اهلا بحضرتك وانت بالصحه والسلامه وشكرا لمرورك
انا عارف ان الموضوع مش سهل...انا معايا شباب متحمس جدا بس غير مدرب ازاي اقدر اعلمهم اعمل ايه ....؟مع العلم ان معاهم عربيات بيغسلوها بنفسهم بس الغسيل العادي علي سبيل الهوايه....ازاي نقدر نتعلم علي اصول صحيحه
وايه حكايه الاسبراي اللي علي شكل فوم يباع في محطات البنزين والماركت لغسيل غرفه المحرك وباقي اجزاء العربيه
ارجو منكم النصيحه.......
بص يا باشا انا اعتقد انه فكرة حلوة ...و مش شايف انه حاجة صعبة...هو اكيد محتاج انه يكون عندك فكرة عنه و دراية بيه لان كونك تقدر انك تغسل عربيتك بنفسك مش هيكفى حتى و لو كنت بتغسلها احسن منهم...انا شايف ان اهم حاجة فى الموضوع اللى الرجالة لفتوا انتباهك ليه و هو موضوع العربيات الجديدة و البورد و الكروت اللى بتبقى فيها و عايزة معاملة خاصة....بس فى الاول و الاخر اى شىء ممكن خاصة و انك بتقول انك متحمس انت و الشباب اللى معاك..عموما ان رأيى انك تحاول تدرس الموضوع الاول من كل الجوانب كويس يعنى اسأل الناس بتوع محطات الغسيل عن المواد و المنظفات اللى بتسخدم و لو حتى من باب انك زبون و عندك فضول و حاول تشوف كذا مكان لانك هتلاقى الناس شغالة بطرق مختلفة... ..من اول بيغسل بالجردل لحد اللى عنده مكنة الغسيل ..وشوف التكلفة الفعلية كام و انت لو فتحت متوقع يجيلك كام عربية و هتغطى التكلفة ديه و لا لأ....بس عموما ان رأيى انك لما تبدأ يكون معاك حد كويس يكون شغال فى الموضوع حتى لو خد منك بزيادة مش مشكلة لحد ما الدنيا تستقر معاك و تعرف ماشية ازاى..و اخيرا ربنا يوفقك ...بس ماتناش فى خصم 50 % للاعضاء ماعدا حازم باشا طبعا 100 % بما انه اول واحد رد عليك..;)
شكرا ليك ياقائد علي مرورك بالنسبه لمووع الخصم لاتقلق اعضاء نايل موتور كلهم اخواتي وهخليه مجانا(اكيد بهزررررررررررر):):):)
انا مقدرش ااتاخر عن نايل موتورز اللي فادني في حاجات كتير....
انا فعلا سئلت علي منتجات كتير بخصوص الموضوع ده ولقيت ان معظمها سهل الاستخدام لانها عباره عن عبوات رش او فوم بس ده مش كفايه
تفتكر لو مثلا اخدت عربيتي ورحت بيها مركز كار كير محترم ووقفت علي ايده وعرفت كل حاجه بعملها وسئلته عليها ازاي بيعملها ورجعت جربتها بنفسي في عربيتي ده هيكون كفايه.......ولا لازم اروح كذا مره لكذا مركز مختلف ....؟ولا لازم يكون التدريب عملي علي ايد محترفين ده اذا لاقيت حد يعلمني...............
ارجو منكم الرد والمساعده وشكرا لكم مره اخري:)
اين انتم ياشباب .............
عاوز ارائكم المشجعه فين رجاله نايل موتورز اللي كلهم افكار واراء قويه
انا مازلت في انتظاركم ياشباب...................................... .
والله انا بفكر بنفس المشروع ولكن خايف ابدا لوحدى بس سالت كويس من كذا مكان للغسيل فادونى شوية بافكارهم و كيف ابدا
من شهرين كنت بأتكلم أنا وواحد صاحبي في المشروع ده وقالي إن تكلفته مش عالية قوي بس كنت بفكر فالمكان
امبارح بقى كنت بكلم واحد قريبي وهو كان بيفكر يعملوا بس قال لي تكلفة خطين حوالي ربع مليون غير المكان هو كان ناوي يعملوا زي مكان كده فالعباسية بيطلع الفرش ولكراسي ويرجع العربية زيرو
أنا كنت فاكر إن الموضوع كله مكنة فوم وهوفر والخرطوم بتاع الكيماوي وكده و صنايعي جامد زي البنزينة كده
الاهم من مستوى المشروع المكان اللي إنت هتفتح فيه لازم المكان ده يقبل الخدمة اللي إنت هتقدمها
ربنا يوفقك يا زعيم و يكون قدم خير عليك ان شاء الله
هو المشروع ممتاز جدا و مربح
لكن نصيحتي انك في البداية لازم تستعين بصنايعي يكون شغال في الموضوع و مش من اي مكان لحد ما تتعلم منه اسرار الصنعة صح - دي حاجة الحاجة التانية الخامات اللي حتشتغل بيها لازم تبقي انضف خامات عشان تطلع نتايج كويسة و زيه زي اي مشروع ما تنتظرش منه ارباح في البداية لان فترة البداية دي بتكون فترة الانتشار و الدعاية و لازم يكون فيها تضحية منك كتير - مثلا تعمل تخفيضات جامدة لاعضاء نايل موتورز و ده مش هزار لان التجربة حتكون خير برهان و السلعة الجيدة بتعلن عن نفسها لوحدها لكن بعد ما تكون انتشرت كويس
و ربنا يوفقك ان شاء الله و انت لو من اسكندرية انا تحت امرك في شيء