صباح الفل
انا معايا فيكترا 99
ورايح بكره انقل ملكيه وارخص 3 سنوات
اعمل حسابى فى قد ايه فلوس
عرض للطباعة
صباح الفل
انا معايا فيكترا 99
ورايح بكره انقل ملكيه وارخص 3 سنوات
اعمل حسابى فى قد ايه فلوس
10.000
why
2500 عشان العقد المسجل والترخيص
الترخيص لوحده لمدة 3 سنين حوالي 1100 جنيه.
التسجيل بقي مش عارف لكن حوالي 1000 جنيه مثلا.
الضريبه للسنه 305
والتأمين للسنه 118
قول 450 للسنه
فى حدود 1300 جنية للتراخيص و800جنية للشهر العقارى
شكرا يارجاله
على العموم انا سجلت ب350 جنيه
ومش عارف حاسس ان كل شهر عقارى الى بيقيم فيه الرسوم بيقيمها على مزاجه مفيش قاعده ثابته
غريبه دي
انا مسجل قريب ي 660 جنيه وعربيتي 2002
ارخم حاجه في حوار نقل الملكيه دي هيا مطابقة البصمه وبراءة الزمه
انا عربيتي كانت مرور بورسعيد و انا من بلد جمب المنصوره و رحت 3 مرات عشان اخلص مطابقه وبراءة زمه
وعشان مروحش تاني طلعت شهادة بيانات بالمره
عملت ايه بالتفصيل يا شريف الله يباركلك !! لحسن انا هانقل ملكيه برده ومن مرور مدينه نصر ل ميت غمر ,, عملت ايه بقا عشان مالبسش ؟!
معلش هاتعبك :)
وﻻ يهمك يا كبير انا تحت امرك
بص يا باشا
الخطوات بالترتيب
1. تروح ل سروجي تحل الكرسي اليمين عشان البصمه
2.تروح المرور اللي انت تابع ليه تقوله عايز ارفع بصمه
3.تروح يوم تاني بقى مرور مدينة نصر عشان تجيب مطابقة بصمه وهيا عباره عن انه بيمسك ورقة الفحص اللي معاك ويطابقها باللي عنده في ملف العربيه
لو كله تمام بيقوم كاتب ان البصمه سليمه وتختم من الظابط ختم النسر
4.تروح نيابة المرور اللي العربيه تابعه ليه عشان براءة الزمه
"اما تيجي رايح ابقى روح من الاحد الى اﻻربعاء" ليه؟ عشان تضمن ان البيه وكيل النيابه موجود عشان انا اتبعت مره بسبب اني رحت وهو مجاش
5.تروح مرور ميت غمر وتروح لمهندس الفحص وتكمل بقى
انا خلصت اول 4 لسه 5 دي رايح بكره ان شاء الله
المصاريف
305 ضريبة سنه
118 تأمين سنه
660 نقل ملكيه
انا برخص دلوقتى اشتريت بس ورق الفحص
بس ايه حكايه فك الكرسى دى
أنا عملت عقد لسيارة اوبل فيكترا 2001 وتكلفته 500 او 515 جنيه
ليه تحل الكرسى اليمين ده ياستاذ شريف ؟؟؟؟ ما ترفع الفبره لفوق .....! كلنا بنعمل كده
انا فحصت خلاص مفيش فك كرسى هى حته فبره جنب الكرسى اليمين بينه وبين الباب بيرفعها ياخد الرقم ويركبها تانى
الللللللللللللله ينور يا ريس انت ظبطتنى من الاخر ههههه .. بس هو انا اتلخبطت فى نقطه .. هراجع معاك سريعا :
دلوقتى انا بارفع بصمه فى المرور اللى هانقله (ميت غمر يعنى ) و باخد ورقه بطابقها فى مرور مدينه نصر (اللى هانقل منه ) و يدينى عليها ختم ,, وباستخرج من هناك ( نيابه مرور مدينه نصر ) براءه زمه ..وبعدها ارجع المرور اللى هانقل ليه (ميت غمر ) ومعايا مطابقه البصمه و براءه الزمه واكمل من هناك ..صوح كده ؟؟
بالنسبه لموضوع فك الكرسي
انا بنقل ملكيه ف ﻻزم يبص تحت الدواسه عشان يشوف العربيه مغيره نص او ملعوب ف البصمه والكلام ده
وممكن تكون رخامه مش اكتر
امال لو عرفتو ان المهندس كان عايز يشيل الدواسه كمان هتعملو ايه :))
في الشهر العقاري مش هياخد منك اكتر من 600 جنيه
والضريبه 250
والتامين الاجباري 108
والله هى البريزه فى ايد الواد الفنى تخليه يتشقلب
الذ حاجه هى استعلام الامن عن العربيه عشان لو مسروقه ويا سلام لو اسمك طلع متشابه مع واحد هربان
انا انهاره طلعلى 3 قواضى بسجن 5 سنين لولا انى قولتله راجع الرقم القومى
الحمد لله