عشان بس الي بيقولوا ان نيسان فيها عيوب

اتفضلوا اقروا المقال ده من اليوم السابع بتاريخ 17/2
تويوتا" تسحب 13 ألف سيارة بسبب عيب فى أنابيب الوقود



أعلنت مجموعة "تويوتا" اليابانية لصناعة السيارات عن سحب 13 ألف سيارة من طراز "أف جى كروزر" بسبب عيب فى أنابيب الوقود يجعلها عرضة للذوبان.

وأوضحت المجموعة اليابانية- فى بيان نقلته شبكة "ايه بى سى" الأمريكية اليوم الاثنين- أنها تلقت خمسة بلاغات عن حدوث حريق ناجم عن العيب سالف الذكر، دون ورود تقارير عن سقوط قتلى أو مصابين.

وكشف البيان عن أن السيارات التى سيتم سحبها تم إنتاجها خلال الفترة بين شهرى أكتوبر 2012 ويناير 2014، وأن السحب سيشمل نحو 10 آلاف و180 سيارة من منطقة الشرق الأوسط، وألفين و500 من أستراليا، والباقى من أسواق أفريقيا وبنما

اقتباس:

---

المشاركة الأصلية كتبت بواسطة elmoski

اتفضلوا اقروا المقال ده من اليوم السابع بتاريخ 17/2
تويوتا" تسحب 13 ألف سيارة بسبب عيب فى أنابيب الوقود



أعلنت مجموعة "تويوتا" اليابانية لصناعة السيارات عن سحب 13 ألف سيارة من طراز "أف جى كروزر" بسبب عيب فى أنابيب الوقود يجعلها عرضة للذوبان.

وأوضحت المجموعة اليابانية- فى بيان نقلته شبكة "ايه بى سى" الأمريكية اليوم الاثنين- أنها تلقت خمسة بلاغات عن حدوث حريق ناجم عن العيب سالف الذكر، دون ورود تقارير عن سقوط قتلى أو مصابين.



وكشف البيان عن أن السيارات التى سيتم سحبها تم إنتاجها خلال الفترة بين شهرى أكتوبر 2012 ويناير 2014، وأن السحب سيشمل نحو 10 آلاف و180 سيارة من منطقة الشرق الأوسط، وألفين و500 من أستراليا، والباقى من أسواق أفريقيا وبنما

---

ايه علاقة تويوتا ...... بنيسان ؟؟؟؟؟؟؟

ياباشا كل السيارات فيها عيوب ومفيش سياره كامله لان الكمال لله تعالى وحده

يعني عشان معاك عربية صني تقوم كاتب موضوع مالوش أي علاقة بأي حاجة في أي حاجة .....
لو كل واحد إقتنع باللي معاه هنبقى حلوين و كويسين
وبعدين و إنتا بتشتريها لو كان معاك تجيب كوروللا وللا جيتا كنت هتجيبها ؟؟
الواحد يرضى بنصيبه و يقول الحمدلله و كل عربية فيها الحلو و الوحش

اقتباس:

---

المشاركة الأصلية كتبت بواسطة mohamedrabia

ايه علاقة تويوتا ...... بنيسان ؟؟؟؟؟؟؟

---

هو قصده ان تويوتا شركه كبيره وليها سمعه وأهى فيها عيوب فى احدى سياراتها ممكن تؤذى الناس اللى راكبنها او تضيعلهم حياتهم فى لحظه،
وانتوا عمالين تقولوا صنى صاجه التيل ،صنى الفرامل ،صنى الباب وهى كلها عيوب ممكن تتصلح ومش مؤثره على حياه البشر اللى راكبينها زى العيب اللى فى "أف جى كروزر"

لو فى شركه بتعمل كده (تسحب عربيات من السوق مصنعة من سنتين علشان عيب فى التصميم )تبقى شركه محترمة سواء كانت يابانية صينية يوغسلافيه هنديه مش فارقه يعنى
رأى الشخصى النيسان عربية محترمة مفيش كلام

كل العربيات فيها الحلو والوحش بس بصراحة .......ماعدا المرسيدس وال bmw :)

اقتباس:

---

المشاركة الأصلية كتبت بواسطة sergiooo90

يعني عشان معاك عربية صني تقوم كاتب موضوع مالوش أي علاقة بأي حاجة في أي حاجة .....
لو كل واحد إقتنع باللي معاه هنبقى حلوين و كويسين
وبعدين و إنتا بتشتريها لو كان معاك تجيب كوروللا وللا جيتا كنت هتجيبها ؟؟
الواحد يرضى بنصيبه و يقول الحمدلله و كل عربية فيها الحلو و الوحش

---

ياباشا هو مش يقصد اللى فهمته

هو يقصد ان فيه شركات تانيه عملاقه بيحصل معاها اخطاء برضه واخطاء مش بسيطه وده لان ناس عاملين حمله تشويه فى نيسان من اجل بعض المشاكل البسيطه وتم حلها

شئ وارد ان اى شركه ايا كانت يكون عندها عيوب ومن الجيد ان تلك الشركه تصلح عيوبها ودى ميزه

الحمد لله كل واحد راضى بعربيته لكن فيه ناس بتكرهه ملاك نيسان فى عربيتهم اللى اختاروها

عايز تقول ايه يعنى

الله ينور ع الرجالة اللي دافعت عني ...وياريت اللي يقرا الموضوع يفهم انا قصدي ايه بدل الردود اللي مالهاش اي ستين لازمة...لاني مش بعيب في الصني ولا حاجة و الرجالة وضحت انا قصدي ايه

المشكله في الوكيل المصري ...شوفوا اللي معاه تويوتا الجنوب افريقي محتاس بيها ازاي ...العيب في الوكيل المصري مش مهتم بسلامه العميل او رضاه

اعتقد كلنا فاهمين الفكرة اللى انت عايز توصلها ,, لكن الاسلوب خانك

انت اتضايقت بسبب انهم ((((بيقولوا ان نيسان فيها عيوب))))
و ف نفس الوقت راجع تقول ان تويوتا فيها عيوب
يبقى ليه تضايق حد بكلام انت اتضايقت منه ؟!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!

مفيش مشاكل ان تويوتا تسحب عربياتها و نيسان كمان كذا مرة سحبت عربياتها و دا يدل ع ان دى شركات محترمة
و الكلام دا مالناش دعوة بيه لان احنا ف مصر مافيش عندنا عربية بتتسحب حتى ال dsg اللى اتسحب من طوب الارض
ماشاء الله ما اتسحبش من مصر ,, كان مصر بالذات بينزلها احسن عربيات

نصيحة ,,
سيبك من كلام الناس و اللى عايز يقول حاجة يقولها احنا مش شغالين ف شركة نيسان عشان ندافع عنها
اهم حاجة تكون عربيتك فعلا مافهاش العيوب دى و الا المفروض انت نفسك اللى تحذر الناس

يل باشا حتى المرسيدس مرة كانت سحبت عربيات من السوق عشان مشاكل فيها
مشكلة مصر حاجتين اولا المغالاة الغير مبررة فى اسعار السيارات و ثانيا التوكيلات الزبالة
عشان كدة انت بتجيب العربية فى مصر و حاطت ايدك على قلبك عشان دافع دم قلبك و لو ظهر مشكلة التوكيل مش هيسعفك
نظرية البطيخة

طالما العربية من تصميم وتجميع بشر بمساعدة الالات
يبقي الخطأ وارد