كيا ريو خليجي 2013

**Marwa Gamal** · 17-02-2014 02:45 PM

انا يا جماعه اشتريت اول عربيه ليا كيا ريو خليجي جبتها من عادل جودة ف احمد عرابي و اول حاجه سالت عليها الامبوليزر عشان السرقه ف منطقتنا كتير قالي عيب موجودة دى هاي لاين وو و ووو وكلمتهم اتاكد ف التليفون تاني قالي يافندم موجود
واستلمت العربيه وفهمت من هنا ان فيه علامه معينه عشان اعرف فيها امبوليزر والا لا ومش لاقياها
كدةا ان اضحك عليا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وامن العربيه ازاي طيب

ومع العلم اني اول ماستلمتها النور الواطي مكنش شغاااال وقالولي فيما معناه ملنهاش فيه انتي استلمتيها خلاص وطلع ف الاخر اللمبتين محروقين
متغاظه جدا ان اضحك عليا

اعمل ايه .... في اي دليل تاني على وجود الامبوليزر

**Mohamed Mousta** · 17-02-2014 04:22 PM

فى السيراتو بتكون فيه لمضه على شكل عربيه وفيها مفتاح بتنور برتقالى عند الدواره و بتتفى تانى, ممكن مع الدواره تبصى كدا لو موجوده تبقى العربيه فيها
لتأمين العربيه الحرامى عايز الحاجه السهله , ممكن تجيبى العصايه بتاعت الدواسه و الدركسيون و ممكن تغطى العربيه و ممكن كمان تغطى الرقم الى بيكون مكتوب تحت البرابريز القدام نحية السواق بيكون 17 رقم

**mshmshm3** · 17-02-2014 04:58 PM

الريو كل فئاتها فيها ايموبلايزر
و عشان تتأكدي تماما ممكن تعملي نسخة عادية علي مفتاح عربيتك و تجربي
و كمان قفل الدركسيون كويس
وكان المفروض تجربي كل حاجة في العربية قبل الأستلام لو علي اللمبتين بسيطة

**Marwa Gamal** · 17-02-2014 05:09 PM

بصيت مش لاقيه خالص العلامه دى .... مع اني جايباها مخصوص عشان الامبوليزر

**Dr_Moustafa** · 17-02-2014 09:38 PM

معظم عربيات كيا الخليجى مفيهاش إيموبيليزر !!

**hugan** · 17-02-2014 09:59 PM

مفتاح عموله ب10 جنيه
هايبان ان كان فيها من عدمه

**Marwa Gamal** · 19-02-2014 12:20 AM

مافعلا شكل الناس اما بتصدق تبيع ف تبيعلك الهوا

**المفتاح** · 19-02-2014 06:35 AM

أنا شفت سيراتو خليجي 2014 كاملة في المصرية بحوالي 168 ألف فيها كل حاجه وفوانيس ليدات والخ والواد أكدلي إنها كاملة وفيها immobilizer لكن مالقتش فيها لمبة "العربية والمفتاح" دي، ربما الخليجي مابيبقاش فيه اللمبه دي.

أنا ماعرفش شكل مفتاح الريو لكن بشكل عام مفتاح العربية اللي فيها immobilizer بيكون جوّاه شريحة إليكترونية اللي بترسل الإشارة اللي فيها الكود علشان الموتور يتأكد إن ده مفتاحه الأصلي لو لقى الكود المبعوت له من المفتاح هو نفسه الكود اللي جواه، لذلك ممكن تقارن المفتاح بتاعك بمفتاح عربية ريو خليجي نفس الموديل مافهاش، وكمان وانت مثلا بتعمل صيانة الـ 1000 إعملها في مركز كبير وقل لهم يتأكدوا إن فيها