بخصوص موضوع تصليح الموبينة بتاع الاستاذ ظريف

انا معايا موبينة في شنطة العربية بايظة وقولت اعمل فيها اللي قال عليه الباش مهندس ظريف لأن الموبينة ده اصلي وقولت اصلحها واركبها لأن فيه تسقيف في العربية وحاسه من الموبينة فقولت اصلح ده واركبها ...
ندخل في المهم ... انا فكيت الموبينة بتاعتي لقيتها غير اللي في الصورة خاااااالص يعني قصدي شكل البوردة والرجلين اللي بتتوصل عليها غيرها خالص ... فأنا كل اللي وقف فيه دلوقتي توصيلات الرجلين في البوردة يعني مش عارف انهي رجل بتوصل في الرجل ده ...والصورة عندكم ياريت تفيدوني
ملحوظة : انا شغال صيانة موبايلات اصلا وسوفت وير بردو
http://nileup.com/up/uploads/nilemotors_13926477851.jpg
http://nileup.com/up/uploads/nilemotors_13926477852.jpg
لو بصيتوا هتلاقوا فيه 3 رجول في البوردة في النص واتنين في الطرف وواحد في النص متوصل بالاي سي اللي هوة علي ما اظن ارضي ...
اما في الجزء التاني فيه 4 قواعد في النص واتنين في الطرف ....
فالعملية تايهة معايا خالص ومش عارف اوصل ايه في ايه ؟؟؟؟؟

شوف ياباشا
انا نزلت الصورتين وحاولت اوضح الصورة قدر الامكان عشان اشوف النقط
ودى كانت النتيجة

http://www5.0zz0.com/2014/02/17/15/252556656.jpg

http://www5.0zz0.com/2014/02/17/15/462019941.jpg

اول حاجة
امسك القطعتين وحطهم قدام بعض كانك هتقفل الموبينة وبصلهم كويس
ساعتها هتعرف نقط اللحام المناسبة اللى قدام الريش المعدن

الحاجة التانية ان عملية التصليح دى بتنجح لما تكون الموبينة قاطعة طرف او اتنين
لكن لو الموبينة ضعيفة فى ربع او اكتر فمش هتنجح

الحاجة التالتة ان الموبينة دى شكلها غير اللى انا فكيتة خالص

وانا متابع معاك
بس حاول ترفع تاخد الصور بكاميرا كويسة وترفعها تانى عشان اعرف اساعدك

يا استاذ ظريف هية فعلا كانت قاطعة معايا طرفين علشان كده انا بحاول اعمل موضوعك والله ... وادي الصور الجديدة يا باشا وكمان محددلك الرجلين اللي علي البوردة بدواير صفرا وكمان علي الجزء التاني بردو دواير صفرا علي القواعد اللي المفروض تتوصل عليها ....
http://nileup.com/up/uploads/nilemotors_13926740331.jpg
http://nileup.com/up/uploads/nilemotors_13926740332.jpg

ان شاء الله استاذ ظريف يحل المشكلة

ياريت تشوفلي الحل يا باش مهندس ظريف او الباش مهندس طارق

تم اعادة رفع الصور بعد ترقيم الاطراف للتوصيل

http://i827.photobucket.com/albums/z...pscbc2ecff.jpg

http://i827.photobucket.com/albums/z...ps842fe109.jpg

اقتباس:

---

المشاركة الأصلية كتبت بواسطة profshady

يا استاذ ظريف هية فعلا كانت قاطعة معايا طرفين علشان كده انا بحاول اعمل موضوعك والله ... وادي الصور الجديدة يا باشا وكمان محددلك الرجلين اللي علي البوردة بدواير صفرا وكمان علي الجزء التاني بردو دواير صفرا علي القواعد اللي المفروض تتوصل عليها ....

---

اقتباس:

---

المشاركة الأصلية كتبت بواسطة profshady

ياريت تشوفلي الحل يا باش مهندس ظريف او الباش مهندس طارق

---

بامانة انا محتار
لان الموبينة بتاعتى لما فكتيها كان شكلها غير دى خالص
وتجربة الفك ومحاولة الاصلاح كانت مغامرة لاول مرة اعملها
فانا مش عايز اقولك اى رد والسلام
اللى اقدر اساعدك بية ان الطرفين اللى على الاجناب واضح اماكن توصيلهم
لكن ترتيب الاطراف الاربعة الداخلية مش عارفة
حاول تفتكر ترتيبهم وانت بتفك الموبينة لاول مرة وبتقصهم

او ممكن تعتمد الترتيب اللى قالك علية الاستاذ طارق واتمنى يكون صحيح عشان يبقى مرجع لكل الناس لو فكت موبينتها وطلعت زى بتاعتك

ربنا يوفقك

انا كده هعمل نفس توصيلات الاستاذ طارق ... بس سؤال اخير قبل ما اشتغل .... هوة انا لو طلع فيه توصيلة غلط او رجل من الرجلين وصلت بقاعدة غلط ممكن يحصل ايه يعني اقصي درجة ؟؟؟؟... مع العلم انا بحب المغامرة بس لو فيها خرااااااب جاااااامد يبقي بلاها احسن

اقتباس:

---

المشاركة الأصلية كتبت بواسطة profshady

انا كده هعمل نفس توصيلات الاستاذ طارق ... بس سؤال اخير قبل ما اشتغل .... هوة انا لو طلع فيه توصيلة غلط او رجل من الرجلين وصلت بقاعدة غلط ممكن يحصل ايه يعني اقصي درجة ؟؟؟؟... مع العلم انا بحب المغامرة بس لو فيها خرااااااب جاااااامد يبقي بلاها احسن

---

غالبا هتلاقى العربية بتنتش وتلخبط كانك مركب سلوك البوجيهات معكوسة
بس خلى بالك بردو دة مجرد تخمين

لو خطاء في التوصيل اقصي شيئ تلف ملفات البوبينة واحتراق الفيوز الخامس من اعلي علي الشمال في علبة الفيوزات بجانب قدم السائق