الموضوع: تعالوا شوفوا حصل ايه ؟؟................

[justify]احلى سلام طاير حاير على الاعضاء الكرام و كل لحظه و انتم بخير ...

شوفوا بقى من كام يوم حصلى موقف غايه فى الاثارة .. حاجه يعنى .......... مش عارف اقولكم ايه ...

بأختصار ومن غير مقدمات .. انا ليه ابن خاله .. واد حلو كده و بيحب الضحك زى حالاتى .. ربنا زقه بطفلة .. المهم ... صاحبنا ده كان عاوز يجيب سرير و يعمل حجرة اطفال .. ربنا وفقه و جاب كل حاجه فى اوضه الاطفال الا المرتبه ....

الفوس اللى معاه خلصت .. عمال يفكر ... نعمل ايه بقى نعمل ايه بقى .. قمت انا قايله يابنى انا لما كنت بروح عندكم زمان ( ييجى من عشر سنين مثلا ) و بنطلع السطح كنت بشوف مرتبه فوق قطن كده ... خد القطن اللى فيها و نجدة من جديد .. و اشترى قماش بس و اجرة المنجد ...

المهم .. هرش فى دماغه كده .. و فنجل عينه و هو بيضحك و قالى ... ايوه صحيح .. بس ابويا اللى يرحمه كان بينام عليها و هو صغير فى بيت امه و لما امه ماتت احنا جبناها عندنا و رميناها فوق السطح من ساعتها
بس و الله فكرة حلوة ...

المهم جبنا واحد يشيلها ... اترفعت كلها حته واحده .. كانها لوح اسمنت .. محجرة اوى ... طبعا عشر سنين مطرة و شمس و عوامل تعريه ... و شلها بعد معاناه و نزلنا على المنجد .....

المحل بتاع المنجد بعديه بحوالى 20 متر كدة قهوة و القهوة ده كانه زحمه اوى تقريبا فى ماتش و الراجل بأجر الكرسى بتلاته جنيه و الناس مترصصه قدام الشاشه و فى عز الماتش و الشارع مقفول ....

الاسطى المنجد شكله غشيم اوى و عاوز يسترزق .. المهم طلع الماكنه بتاعت القطن برة و قال للصبى بتاعه يوصل الكهربا ... و رفع المرتبه كده زى لوح الخشب ... المهم قطع القماش بتاعه و مليان تراب و ريحته استغفر الله العظيم ... كأن الناس اللى بيناموا عليها عندهم تبول لا ارادى ....

ابص على اللى نازل منها ... مش قطن خاااااااااااااااالص ... ولا حتى صوف .. عبارة عن كتل متجرة لونها اصفر فى رماى فى اسود عامله زى اللى بيحشو بيه ابواب التلاجات ... اقل حته تعمل بتاع 2 كليو ...

المهم بتكلم انا و ابن خالتى بقى و بنبص على الماتش فى الشاشه اللى على بعد 20 متر ده ... و الراجل المنجد قام حاشر كام حته كده فى المكنه و قام مشغل ..... و عينك ما تشوف الا النور ....


مفيش ولا حتت قطن طلعت من الناحيه التانيه ...دخان اسود و تراب رمادى طار فى الجو و الدنيا اسودت فى عينيا .. لدرجه ان الراجل مش شايف زراز المكنه علشان يطفيها .... و طار على المحل عمال يكح و انا مش شايف و مش عارف اخد نفسى ... جرينا انا وابن خالتى .. بنقع على الارض ..

طلع من من ورا الدخان بقى و من ناحيه القهوة .. عم القهوجى عمال يجعر و قف يا عم البتاعه ده .. يخرب بيوتكوا ... الزباين هربت يا ولاد الكلب ... خربتوا بيتى ... مين صاحب البتاعه ده ...

ببص انا على الشارع و الكراسى المليانه ناس ... ملقفتش ولا واحد قاعد على كرسى .... الكل طار ..

حتى الواد اللى شال المرتبه فص ملح وداب ...

و اخدت ابن خالتى و طرت على البيت فى الزحمه ...

و جاى التعرض لمواقف اخرى ........
[/justify]