الموضوع: بخصوص شركة اونست للعقارات

يا رجالة
عايزة اعرف رايكم
في الاعلان بتاع الشقق من شركة اونست طعن شقة 75 الف جنية
هل دة كلام حقيقي ولا نصب وضحك علي الدقن
ارجو الرد للاهمية
ويارتي لو في شقق بالسعر دة في القاهرة كيف اعثر عليها

المشاركة الأصلية كتبت بواسطة أبو آسر

مش شرط يكون نصب وأنا شخصيا أعرف شركات كتير كويسة بتبيع شقق بالأسعار دي
المقياس بيبقى هل في تراخيص ولا لأ
المنطقة اللي فيها الشقق دي شعبية ولا لأ
هل في مبالغ مستخبية تاني ولا هو المبلغ ده بس

عموما لو عايز شركة مضمونة بتبيع بالأسعار دي أنا أقدر أدلك بس في حاجات لازم تعمل حسابك هتتنازل عنها مقابل إنك تشتري شقة بالمبالغ دي منها عدم وجود تراخيص بس ده مش مشكلة زي ما انت فاكر طالما بيركبولك عداد كهرباء وفيها كل المرافق لأن أكثر العقارات دلوقتي بتطلع من غير تراخيص خاصة من بعد الثورة ومفيش حد بيسأل ومحدش يقدر يعمل إزالة أو ما شابه للناس دي طالما سابوهم من الأول والعمارة اتشطبت وسكنت فخلاص المسألة بقت أمر واقع للأسف
الحاجة التانية انك متحلمش بشقة متهوية من كل الجوانب وبيدخلها شمس وهوا وبينك وبين جارك شارع 15 متر على الأقل وكل الكلام اللي بيبقى في العمارات المرخصة أو المدن الجديدة ، غالبا الشقق دي بتكون مجروحة إلى حد ما والتهوية والإضاءة مش بتبقى صحية بالدرجة الكافية
لكن في النهاية بتقدر بالمبلغ ده تشتري شقة مش لازم تسكن فيها بس تقدر تستثمر فلوسك فيها والعقارات أكتر شيء مضمون وشغال في مصر حاليا وكل يوم في ارتفاع وممكن تأجرها تستفيد من دخلها الشهري ولو حبيت تسكن فيها برده هتسكن
لو مهتم ممكن أدلك على شركة كويسة وعن تجربة بس زي ما قلتلك لازم تتنازل عن حاجة مقابل السعر الزهيد اللي هتدفعه في شقة زي دي لو اشتريتها برة في مكان متوسط مش راقي كمان هتدفع ضعف المبلغ ده على الأقل

كدة اتنازل عن كل حقوقة في المسكن .

-أمن الحيازة القانوني
-الصلاحية للسكن ( هواء صحي -تدخلة الشمس - تهوية جيدة - البرد والرطوبة والحرارة )
-توافر الخدمات والمرافق والهياكل الأساسية ( جميع المرافق وتصريف النفايات )
-الامان ( عدم تلاصق المباني - حالات الحرائق - دخول سيارات الاسعاف بسهولة )


يبقي دة مش مسكن ........ دة قبر .