-
انتيكات وتحف
السلام عليكم يا جماعة
عندي استفسار صغير
انا عاوز اشتري شوية انتيكات وتحف
لفيت شوية لقيت جاليريهات كتير
اغلبها اسعار مبالغ فيها جدا بالنظر للخامات المستخدمة
غير انها مش شيك اصلا ،، يعني غلو سعر وحاجة شكلها مش اوي وفي نفس الوقت خامة مش اد كده
سمعت ان فيه تجار جملة ومحلات تستورد الحاجات دي مباشرة من بره وتجار كبار هم اللي بيوردوا للجاليريهات دي ، وبيتعاملوا باسعار اقل من اسعار الجاليريهات
طبعا مش هنقول انها رخيصة او انه بيديني حاجة ببلاش
طبيعي ان الغالي تمنه فيه
لكن اسعار في النهاية معقولة او علي الاقل ... تدفع فلوس مقابل قيمة تأخذها
ياتري ممكن حد يدلني علي حاجة كده
-
وعليكم السلام
بص أنا هقولك حاجة بس متسخرش مني
عارف سوق الجمعة اللي في السيدة عائشة ؟!
أعرف واحد أمريكي بينزل باستمرار السوق ده وبيشتري حاجات تحف ومنها حاجات أصلية مفروض انها غالية وبأسعار لا تتجاوز ال80 جنيه !
والله في يوم وراني قلم أمريكي أصلي ماركة مشهورة أوي نسيت اسمها (مش باركر) بيتباع مش أقل من 400 جنيه كان شاريه من هناك مش فاكر بحوالي 25 جنيه أو حاجة زي كده وحالته ممتازة !
كل أسبوع تقريبا بينزل لأنه غاوي الأنتيكات والكلام ده واشترى نجف ومسدسات وساعات سويسرية وحاجات بتتباع في المحلات بالآلاف لدرجة إنه بيفكر يفتح محل ويجيب من السوق ده يظبظها وبعدين يبيعها بأسعار المحلات !
جرب وانزل يوم مش هتخسر حاجة بس متشتريش حاجة فيها مخالفات شرعية زي التماثيل والحاجات دي علشان متطردش الملائكة من دخول البيت
بالتوفيق
Content Relevant URLs by
vBSEO 3.6.0 PL2