انا عربيتي بيزلاين يعني من غير فوجات وركبتهم في التوكيل سعرهم 900 ج واخدين مصنعية 300 ج
وعلشان كده بقولك بلاش التوكيل
عرض للطباعة
قدر الله ماشاء فعل
سليمه يا باشا الحمد لله مفيهاش اى حاجه ..
الحمد لله الخبطة سمعت شوية جوة
وده اخدت بالى منه النهاردة الشبكة اللى فوق مشروخة والنمرة شوية وكانت هتتكسر
والاكصدام تحت لجوة نصه اتكسر مش عارف الامور هتمشى ازاى فى التوكيل
قدر الله وماشاء فعل,
ولو كان التصليح في التأمين هيضيع ميزة إن التصليح لأول مرة بيكون نسبة التحمل فيه أقل,
يبقي وفر التصليح في حاجة أكتر وتستاهل لو حصلت لقدر الله,
كلم المندوب بتاع شركة التأمين, وشوف هيقولك أيه وأبقي قولنا,
وفي الغالب هيكون أفضل أنك تعمل الحاجات دي لو بسيطة, وتخلي التأمين لو حصلت خبطة أكبر لقدر الله.
الأكصدامات قدام وورا فبر في كل العربيات الجديدة,
يعني ليا واحد قريبي معاه تويوتا كورولا كان مروح في يوم بليل وطلع قدامه كلب علي الطريق مرة واحدة حاول يفاديه ملحقش فخبطة الأكصدام أتكسر كله والسربنتينه أتدغدغت وهربت الفريون ومروحة الرداياتير أتكسرت وطبعاً معرفش يمشي بالعربية بعدها وركن لحد ما جه ونش يشيله.
العربية مش ورق, ومواصفات أوروبي,, ومش من شركة نص كم,
أي خبطة بتعتمد علي سرعتك وعلي الحاجة اللي أنت خبطتها.
والراجل بيقول,
يعني أي واحد هيتحط في نفس الموقف دا هيتكسر له الشبكة كلها لو الكاوتش دا ضرب عربيته أو الشبكة في أي عربية زي الكرباج وهوا ماشي علي سرعة.!!
وهوا حظه حلو إنها جات في الشبكة اللي تحت بس.
قدر الله وما شاء فعل.
بالنسبة لسؤالك بقي,, لو عايز تجرب حظك في الكوري والصيني اللي في نفس سعر البيجو 301 فادي حاجة ترجع لك طبعاً.
بس مش هتاخد نفس الأمان ولا الثبات وقوة الفرامل بتاعت ال 301.
وبالتوفيق في الأختيار.
الشكر لله,
وأنزل شوف اللي في السوق اللي في رينج السعر اللي أنت حابب تشتري بيه.
ولو تعرف حد معرفة معاه 301 جربها لأنها فعلاً أحسن عربية في الفئة السعرية دي من ناحية الراحة والثبات في السواقة والأمان عن الكوري والصيني, وقوة الفرامل.
وأستخير ربنا قبل أي قرار,
وبالتوفيق في الأختيار ياباشا.