الموضوع: انواع ال سكرين بروتكت

في أنواع كتير طبعا كل حاجة حسب خامتها وجودتها
بس أنصحك تجيب حاجة Clear مش Matt ولا Anti-Glare علشان بتبقى أوضح في الرؤية وأقرب لنقاء ألوان الشاشة أما الأنواع التانية فبتديك رؤية مشبرة شوية خاصة مع اللون الأبيض وأحيانا ألوان أقل حدة وهتحسسك باكتئاب بالرغم من إنها قد تكون أقوى وأفضل لحماية الشاشة بس التانية برده لو واضحة وماركة كويسة هتحمي الشاشة برده لكن سيبك من أم 20 جنيه والكلام ده مش هتعمر معاك وملهاش لازمة أساسا
هات ماركة تكون كويسة ومعروفة زي Zagg مثلا أو ismooth لو لقيتهم وغالبا مش هتلاقيهم غير في المحلات الكبيرة والمولات بس اتأكد إنها كلير أو ألترا كلير
وفي محل عنده تشكيلة حلوة للحاجات دي هتلاقيها في مول سوق العصر بروكسي على شمال السلم وانت داخل من شارع الخليفة المأمون تحت الأرض ميزته إنه متخصص في إكسسوارات الموبايلات والتابات وعنده تشكيلة حلوة من الجرابات ولاصقات الحماية اسم المحل Shift Store على ما أذكر

المشاركة الأصلية كتبت بواسطة abokoko

شكرا لحضرتك
لكن اولا انا مش فى القاهره فالاختيارات بتبقي محدوده
ثانيا ممكن من حضرتك توضيح اكتر للانواع
فهل فى انواع مقاومة للخدش فقط وانواع مقاومة للكسر وهل فى انواع اخرى
وازاى افرق بين الانواع عند الشراء
وازاى اعرف الاصلي من التقليد

صراحة أنا معنديش خبرة في الحاجات دي أنا بس من خلال تجربتي لكذا نوع قبل كده فعرفت إن النوع الكلير بيدي رؤية أوضح وإن الماركات المشهورة ممكن تجمع بين القوة والرؤية الواضحة
لكن على كل حال الحاجات الكويسة بتبقى مقاومة للخدوش وللكسر أكتر من الأنواع التانية بشكل عام بس ممكن يكون اللي مقاوم للكسر بشكل أكبر أقل قليلا في مسألة وضوح الرؤية لكن زي ما قلتلك لو عايز حاجة حمايتها كويسة وفي نفس الوقت رؤيتها واضحة يبقى تجيب ماركة كويسة معروفة وغالبا السعر مش هيبقى أقل من 150 جنيه
حتة أصلي وتقليد دي معتقدش إن فيه ، انت بتلاقي ماركات كتير منها الغير معروف ومنها المشهور وكل حاجة تقدر تفرقها من خلال سعرها بوجه عام لكن لو عايز حاجة أصلية مضمونة يبقى تجيبها من مكان معروف زي موبايل شوب مثلا أكيد مش هيبيعوا حاجة تقليد لماركة أصلية