تغيير دنجل و عفشة امامى

**hemo007** · 18-02-2014 01:42 AM

السادة الأعضاء المحترمين. كنت محتاج أغير دنجل و سرة و كمان مساعدين و مقصات امام. سالت فى توكيل السبع على سعر الدنجل لاقيته ب ٤٠٠٠ جنيه و السرة ١٠٥٠ و باقى العفشة امامى ب ٥٠٠٠ جنيه.. و طبعا لان الأرقام دى فلكية قولت انزل الحرفيين و اسأل على الاستيراد لاقيت الدنجل ١٥٠٠ و السرة ب ٥٠٠ بس بصراحة انا بقلق من الاستيراد. و فى الاخر روحت تارجت اللى فى اول فيصل لاقيت الدنجل الا صلى ١٧٠٠ جنيه و الصيني ب ٩٥٠ جنيه و الراجل قعد يحلف لى ان ما فيش اى فرق بين الاتنين و و السرة الا صلى ب ٥٠٠ و باقى العفشة بحوالي ٢٧٠٠ و كلها كوبرى أصلى....طبعا انا هتجنن من فرق السعر اللى عامله التوكيل..و فى الاخر الراجل نصحني ان اروح عند عفشجى فى البحر الأعظم اسمه حماده امام..محتاج مشاورتكم يا رجالة عن موضوع الأسعار و كمان هل حد راح عند حماده امام و جربه...و كمان هل فعلا الدنجل الصيني زى الاصلى ....للعلم تارجت اللى فى اول فيصل وكيل معتمد لكيا..و جزاكم الله كل خير

**msobhy** · 18-02-2014 08:52 AM

انا هافيد حضرتك فى نقطه واحده
العفشجى اللى اسمه حماده امام
محترف بجد
العربيات بتاعتى اللى اشتغل فيها
النترا 2010 - نيو اكسنت 2011 - تيجو 2012 - لانوس 2000
كلهم كانوا بيطلعوا من تحت ايده فابريكه
عيبه انك هاتستنى كتييييييييييييييييييييييي ييييييييييييييييييييييييي يييييييير على ما يجى دورك

**hemo007** · 18-02-2014 05:23 PM

طب بالنسبة لموضوع قطع الغيار . هل طبيعى يبقى سعر الدنجل فى التوكيل 4000 جنيه و عند تارجت نفس الدنجل عامل 1700 جنيه,,,و كمان بالنسبة لموضوع حماده امام هل هو مركز و لا عبارة عن ورشة
و شكرا