دلوقتي مش حصل تعديل للكورولا 2014 وفي تبديل للمساعدين والسست بحاجه اعلى في حد التوكيل غيرله الحاجات دي ولو غيرله الححاجات دي ممكن اشتريها منه بس بشرط تكون بتركب على الكورولا الجنوب افريقي اصل انا عايز اهبطها تهبيط يكون هندسي شويه ولكم جزيل الشكر.
عرض للطباعة
دلوقتي مش حصل تعديل للكورولا 2014 وفي تبديل للمساعدين والسست بحاجه اعلى في حد التوكيل غيرله الحاجات دي ولو غيرله الححاجات دي ممكن اشتريها منه بس بشرط تكون بتركب على الكورولا الجنوب افريقي اصل انا عايز اهبطها تهبيط يكون هندسي شويه ولكم جزيل الشكر.
للأسف يا باشا اي قطعه بتتغير في الضمان التوكيل بيخدها والمفروض انه بيبعتها اليابان
أعتقد إنه ماينفعش لأن الكورولا 2014 مقاساتها غير مقاسات 2013
اولا / التعديل لسة متعملش لحد فى التوكيل
ثانيا / اعتقد لكل عربية الهندسة الخاصة والمقاسات الخاصة سواء الانخفاض او الارتفاع من الامام والخلف لانها بتبقى نسبه وتناسب بين الامام والخلف
ثالثا / التوكيل لما بيغير حاجة او يستدعى عربيات لتعديل شى ما بياخد الحاجة القديمة الى كانت راكبه لانه بيديلك بدالها الى هيركبها ليك وبتبقى واخده سريال معين فبيشيل دى ويحط دى وعلشان التبديل بدون فلوس فالحاجة الى بتتغير بتبقى ملك التوكيل ومش بيديلها لاى عميل لانها بترجع الشركه الام التى اقرت التعديل دة على نفقتها الخاصة
2014عربيه محترمه وراكبها ناس اكثر احترام
بعد اذنكم الجنوب افريقي غير عفشة ال2013 الجنوب نفس شكل عفشة 2014 وكمان العربيه ماعرضتش من تحت هي اعرضت من البدي بس
زي ما قولت قبل كدة التوكيل مش هايغير حاجة للدفعات ال منخفضة الخلوص لان الشركة الام فى اليابان مش هاتتحمل التكلفة دي لانه مش عيب صناعة وطبعا التوكيل في مصر مش هايدفع من جيبه 10 الاف جنيه
بص حضرتك لما بيبقى عندك عيب صناعة فى العربية التوكيل بيعمل ايه بيغير القطعة فى الضمان وفي حالات كتير بيبعت صور او تسجيل صوتي وممكن فيديو للمشكلة علشان الشركة الام تستبدل القطعة على حسابها والتوكيل بيجمع القطع المستبدلة خلال الضمان وبيشحنها للشركة الام
قولي بقى حضرتك تويوتا اليابان هاتتحمل تعديل العفشة على اي اساس!!! ممكن واحد يقول لان الطرق لمصرية مليانة مطبعات عشوائية ...وهل تويوتا اليابان هاتتحمل التكلفة دي علشان مطبات بلدنا دة مصر اساس كلها على بعضها كعميل لتويوتا لايساوي شيء بالنسبة لمبيعاتها فى الخليج علشان تعمل الواجب دة واحد هيقولي يبقى التوكيل هو الغلطان لانه جاب عربية واطية او انها غلطة عملاء تويوتا ايجيبت لانهم اشتروا عربية واطية فى النهاية مين اللي هايشيل تكلفة التعديل!!!!!!
طيب انا هاقولك حاجة انت تقدر تشتكي تويوتا ايجيبت فى جهاز حماية المستهلك وتقولهم العربية واطية اكيد لا طبعا؟
وفي النهاية انا عايزك تتصل ب الكول سنتر وتقولهم هو تعديل العربيات هايتعمل امتى؟
انا عايز الناس ماتخدش كلام المبيعات وتصدقة دي ناس عايزة تبيع وخلاص
يعني حضرتك بتتوقع و مفيش كلام اكيد.
طيب ، ايه اللي يخليني لو انا بتاع سيلز و العربيات الجديدة كلها نزلت متعدلة خلاص و بدون اي مشاكل اني اهتم بيك و كمان احور عليك مانا بعتلك خلاص يا باشا ، مبص للبيعات الجديدة و اقولك مفيش تعديل.
و عموما توكيل تويوتا محترم جدا و عنده ثقافة ما بعد البيع و مش بيسيب الناس، بدليل ان الجديد كله نزل متعدل و اخدو الخطوة دى سريعا، وده يدل علي مدي احترافيتهم.
الكلام بتاع التعديل من كذا و احد في السيلز، و اتعملت شكاوي رسمية داخل التوكيل و طلب بالتعديل و اليابان اتعاملت معاه، و اللي ياكد كمان اتنين من الاعضان بدون ذكر الاسماء ليهم معارف داخل التوكيل في مناصب عالية و اكدولهم ان التعديل هيتم و ببلاش.
اول ما هاعمل التعديل هكتون اول واحد يعرف ان شاء الله ، تحياتي لحضرتك