السلام عليكم
بجد يا جماعه انا فى حيرة شديده جدا جدا....
من حوالى 3 شهور و انا فى رحلة البحث لشراء سيارة... فى الاول قلت خلينى فى المستعمل عشان يكون السعر مهاود شوية ....... و كان نفسى فى عربية كسر زيرو كويسة لكنى اتصدمت بالاسعار اللى معدية ال100 الف بكتير كمان و ده كله عشان اشترى عربية مستعملة .....المشكلة الاكبر انى كمان موسوس شويه من المستعمل لانى مش بفهم قوى فى البيع و الشراء...... و خايف اتدبس فى عربية و سعرها يكون اعلى من حالتها..... المهم لقيت انى لو زودت شوية فى الفلوس ممكن اجيب عربية زيرو و اخلص و اكون اول رجل و الحاجات ديه..... المهم بدات مشوار البحث عن سيارة الاحلام..... و دخلت فى الحيرة ما بين اليابانى و الكورى و الاوروبى........ و مش عارف احل اللغز الى الان....... كنت بقارن بين الكورولا و السيراتو و الفلونس و الاسترا فى نفس الفئة السعرية و هى فى حدود 185 الف...... كنت حدفع مقدم و اقسط الباقى .....لكن لظروف خارجه عن الاراده مش هقدر ادخل فى اقساط ..... فقررت انى اشترى كاش...... وبس طبعا 185 الف دى صعبه عليه فى الكاش..... ربنا هدانى للسيارة بيجو 301 هاى لاين سعرها 136 الف و ممكن اشتريها كاش... هى تقفيل اسبانى..... المهم بتكلم مع احد المعارف قالى طيب ليه متجبش السيراتو اوتو اول فئة و هى سعرها قريب.....
الحيرة هنا .... هل اجيب البيجو 301 هاى لاين ولا السيراتو اول فئة اوتو......

يا جماعه ارجوكم افيدونى

انا خلاص مش قادر استحمل التوتر اللى انا فيه دلوقتى.......